ESTER 8:10 - BIBEL JAMITA NA DENGGAN

¹⁰ Diteken si Mordehai do sude surat i di atas goar ni Raja Ahasweros jana dibaen dohot cap ni harajaan. Dung i disuru si Mordehai ma angka utusan na manaruhon angka surat i tu angka propinsi ni harajaan i mamake angka kudo na hipas nampuna ni raja i.

ESTER 8:10 ပူးပေါင်းရင်းမြစ်များ

1 RAJA-RAJA 21:8

Dung i dibaen si Isebel ma surat, na nitanda tanganan dohot na nisegel ni si Ahab. Ditongoskon ia ma surat i tu angka pamimpin dohot angka pangituai ni rayat na di Jisreel.

1 RAJA-RAJA 4:28

Ganop gubernur i angkon mangalehen jawawut dohot durame panganon ni kudo ni si Salomo, bope kudo tunggang sanga kudo kareta. Dioban do panganon ni kudo i sanga sadia bahatna na diporluhon.

2 JUJUR TAON 30:6

Hara ni parenta ni raja i dohot angka pagawena, disuru ma angka utusan tu sude Juda dohot Israel laho maroban angka surat i, songon on ma hatana, “Hamu halak Israel! Madung malua hamu sian kuaso ni halak Asur. Saonnari sai mulak ma hamu tu Tuhan, Debata na nisomba ni si Abraham, si Ishak dohot si Jakob, anso mulak muse Ia tu hamu.

ESTER 8:8

Tapi anggo surat na dung dibaen mangasahon goar ni raja jana dibaen cap ni raja, nada bolas be i tarihon mangulahi. Tapi haru songon i pe, huisinkon ma hamu mambaen surat salaho tu bangso Jahudi sanga aha na denggan diida hamu. Baen hamu ma surat i mangasahon goarku mardongan cap ni harajaan.”

JOB 9:25

Tibu do angka ari-aringku marsalpuan, lalu lintop soada hasonangan.

PARJAMITA 8:4

Mardongan sahalana do raja di tindakanna; nada adong na puluk manggagaisa!

JESAYA 60:6

Marroan bahat unto tu tanomu, sian Midian dohot Efa angka i marroan. Sian Seba dioban halak sere dohot hamonyan, lalu mamuji pambaenan ni Tuhan.

JESAYA 66:20

Sian angka luat i obanon ni halahi ma mulak angka kahanggimu sabangso songon silua di Au. Obanon ni halahi ma angka jolma i tu dolokKu na Badia di Jerusalem mangalombut kudo, halode dohot unto, dohot na markareta maradu dohot na marpadati; songon na somal halak Israel maroban tu Bagas Ni Tuhan haul gandum di bagasan inganananna na ias.

JEREMIA 2:23

Pulukna i antong mandok na so jungada dipahodar ho dirimu, jana paboa na so unjung Baal diihutkon ho! Ligi ma sandok dosamu di rura; ingoti hajahatanmu jana akui ma! Sai songon unto boru-boru na gintal do ho, marlojong panyihal-nyihalon umpe tarpaso,

JEREMIA 51:21

Hupake do ho laho mangaropuk kudo dohot na manenggetsa, maradu kareta dohot na marobansa.

DANIEL 4:1

On ma boa-boa ni Raja Nebukadnesar na nitongosnia tu jolma sian sandok bangso, marga ni bangso dohot hata na marragam-ragam di sude portibi on: “Mur martamba-tamba ma hadameon di hamu!

DANIEL 6:8

Hami sude na angka gubernur, angka wakil ni gubernur dohot angka na maniop jabatan na asing, madung martahi hami laho mangusulkon anso diparuar raja i surat parenta na mandok angkon oloan sian situtu ni roha. Diparentahon raja i ma nian sugari, anso di bagasan tolu pulu ari sada halak pe nada tola palalu pangidoan tu sada sian angka debata sanga tu jolma, asing ni na tu raja i sandiri. Sanga ise na mangalanggar parenta i ambungkonon ma tu bagasan liang ni singa.