ESTER 7:9 - BIBEL JAMITA NA DENGGAN

⁹ Jadi didok si Harbona sada sian pangoloi i, “Rajanami, adong do di bagas ni si Haman tiang gantungan dua pulu dua meter gincatna. Na nipajongjong ni si Haman do i laho manggantung si Mordehai halak na dung paluahon hosa ni raja i!” Dung i ninna raja i ma: “Gantung hamu ma si Haman tu tiang i!”

ESTER 7:9 ပူးပေါင်းရင်းမြစ်များ

2 RAJA-RAJA 9:32

Mandorgak ma ia manatap tu jandela i jana didok ia ma, “Ise dehe na mamihak tu au?” Adong ma dua tu tolu halak pagawe ni bagas godang i manaili tu toru sian jandela i.

ESTER 1:10

Di ari papituhon minum-minum ma raja i marjop ni roha. Jadi gabe dipio ia ma si Mehuman, si Bista, si Harbona, si Bigta, si Abagta, si Zetar dohot si Karkas, i ma angka pangoloi na sai di adopan ni raja i.

ESTER 5:14

Umbege i gabe diusulkon dadaborunia i ma dohot angka dongannia i songon on, “Anggo suru sajo pe mambaen tiang gantungan gincatna dua pulu dua meter. Dung i ancogotna i pangido ma isin sian raja i laho manggantungkon si Mordehai tu tiang i. Anggo dung songon i, tarbaen ho ma sonang rohamu kehe tu parjamuan i.” Denggan sajo ma antong usul i dipikiri si Haman, jadi manigor disuru ia ma mambaen tiang gantungan i.

ESTER 6:14

Dompak na manghobari i dope halahi dohot si Haman, ro ma angka pangoloi i mopop laho manaruhon si Haman tu parjamuan na ni patupa ni si Ester i.

ESTER 6:2

Dapot ia ma di bagasan catatan bahaso na dung dipaboa si Mordehai do na marusaho laho mamunu raja i na nisangkaphon ni si Bigtan dohot si Teres, sidua halak pangoloi panjago ni kamar ni raja.

ESTER 8:7

Jadi didok Raja Ahasweros ma tu Ratu Ester dohot si Mordehai, “Tutu nian anggo si Haman madung hugantung hara ni na giot abiskononnia halak Jahudi, jana sinadongannia pe madung hulehen tu ho Ester.

ESTER 9:14

Dung i dilehen raja i ma parenta laho patuluskon pangidoan ni si Ester i; diparuar ma surat parenta tu kota Susan jana digantung ma bangke ni angka anak ni si Haman i.

ESTER 9:25

Tapi kehe si Ester mangadop tu raja, jana dilehen raja i parenta na tarsurat, patunda ni i ma umbaen na madabu tu si Haman sangkapnia sandiri na jahat i, gabe lopus hona gantung ia dohot angka dakdanaknia di tiang gantungan.

MASMUR 141:10

Sai halahi ma nian tinggang baenon ni joratna, anggo au malua ma kehe mangalangka.

MASMUR 35:8

Padiar ma halahi didondoni hasegoan sian na so niambang-ambang. Padiar ma alit halahi di jorat na nibaenna sandiri jana madabu lalu mago boti.

MASMUR 73:19

Maronco halahi di bagasan sangkinidop mata, jorbut ma da hasidunganna.

DANIEL 6:24

Sonang ma roha ni raja i jana diparentahon ia ma anso diparuar si Daniel sian liang i. Dung dipadalan parenta i, hape nada adong gasa ni si Daniel saotik pe, angke porsaya do ia tu Debatania.

DANIEL 6:7

Dung i kehe ma halahi manopot raja i jana didok halahi ma, “Ale tuannami Raja Darius, sai horas ma da raja i salolot-lolotna!

1 SAMUEL 17:51

Dilojong si Daud ma mandapotkon halak Pilistin i, jongjong ma ia di lambungna i; dibuat ia ma podang ni si Goliat, disintak ia sian sarungna i, dung i diabisi ia. Digotap ia ma ulu ni si Goliat i dohot podang. Dung diida halak Pilistin i bahaso na dung mate juaro ni halahi, marlojong be ma halahi.