ESTER 6:6 - BIBEL JAMITA NA DENGGAN

⁶ Dung masuk si Haman, didok raja i ma tusia, “Adong bayo na giot silehenonku hasangapan na godang. Aha do na giot sibaenonku tu halakna i?” Didok roha ni si Haman di bagasan, “Ise dope he halakna na giot lehenon hasangapan na songon i godangna baenon ni raja i anggo so tu au? Pasti au!”

ESTER 6:6 ပူးပေါင်းရင်းမြစ်များ

ESTER 1:15

Didok raja i ma: “Aha ma sibaenon tu Ratu Wasti mangihutkon uhum, harana inda dioloi ia parenta ni Raja Ahasweros, na nipalalu ni angka pangoloi?”

ESTER 5:11

Jadi manggambung ma si Haman tu halahi mambonggalkon sinadongannia, bahat ni anaknia halaklahi, jabatannia na penting na nijagitnia sian raja dohot pangkatnia na gumincat sian angka pagawe na asing i.

ESTER 6:11

Jadi dibuat si Haman ma pakean dohot kudo i jana dipapakehon ia ma pakean i tu si Mordehai. Dung manengget si Mordehai tu kudo i, diudurkon si Haman ma ia mamolus tano lapang ni kota i, marsurak-surak, “Ligi hamu bo, songon on ma pangalehen ni raja i laho mangargahon halak na niparsangapanna!”

ESTER 6:5

Dialusi angka pangoloi i ma, “Di bagasan bagas godang do si Haman jana na giot mangadop do ia tu raja i.” “Suru ia masuk,” ning raja i.

ESTER 6:7

Jadi gabe dialusi ia ma, “Sugari antong dibuat ma pakean hasangapan na somal dipake raja i sandiri jana dipapakehon tusia. Kudo ni raja i pe dihias ma dohot angka tanda ni harajaan on.

ESTER 6:9

Adong ma sada halak na marsangap di negara on na sian golongan ni raja-raja papakehon i tu halakna na giot pasangapon ni raja i, lalu diudurkon ma antong bayo i manengget kudo ni raja i mamolus di tano lapang ni kota on. Mardalan ma di jolo halak na sangap i manggora-gora, ‘Songon on ma da pangalehen ni raja mangargahon halak na niparsangapannia!’ ”

MASMUR 35:27

Sai marjop ni roha ma nian sanga ise na marpor ni roha mida au nipatigor. Sai mulak-ulak ma nian didok halahi, “Na godang ma da antong Tuhan! GiotNia anso dapotan haluaan ma nian naposoNa i.”

PODA 1:32

Mate ma halak na so marpangalaman patunda ni na so ra manjagit au, jana magete ma halak na oto hara ni na so ra mangalehen rohana tu au.

PODA 16:18

Ginjang ni roha mambaen hasegoan; bulbul mambaen hasarsaran.

PODA 18:12

Muli madabu do halak na gakgak halak na toruk roha dapotan sangap.

PODA 30:13

Adong do halak si ginjang roha, sai gakgak ma pangaligina.

JESAYA 42:1

“Ligi, indu do naposongKu na Hutiop, naposo todoan ni rohangKu, lomo do rohangKu disia. Madung Hulehen kuasongKu tusia, laho maroban hatigoran tu angka bangso sudena.

JEREMIA 32:41

Sonang ma rohangKu mambaen na denggan tu halahi jana baenonKu halahi hot di luat on sapanjangna.

OBAJA 1:3

Maoto ma ho baenon ni rohamu na gutgut i. Benteng na togu do nian kota sabunganmu; ingananmu pe di puncu ni dolok na gincat do. Hara ni i gabe marpikir ma ho, ‘Ise ma he na bisa mandabuhon Au?’

MATEUS 3:17

Dung i tarbege ma sora sian langit na mandok, “On do AnakKu Na Huhaholongi, jop do rohangKu mida Ia.”

LUKAS 14:9

Dung i ro ma tu ho suhut na mangontang hamu na dua mandok, ‘Lehen ma inganan on di halak on.’ Gabe ila ma rohamu kehe tu inganan na tumoruk.

JOHANNES 5:23

Dibaen Damang pe i anso dipasangap halak do Anak i songon na ni baen ni halak tu Damang. Halak na so pasangapkon Anak i, nada diparsangapi ia muse Ama na marsuru Anak i.