ESTER 6:12 - BIBEL JAMITA NA DENGGAN

¹² Dung i mulak ma si Mordehai tu pintu horbangan ni bagas godang i. Tapi anggo si Haman diompoti ia noma mulak. Nada ringkot rohania diida halak hara ni santakna ila ni rohania, jadi gabe ditutupi ia ma bohinia i.

ESTER 6:12 ပူးပေါင်းရင်းမြစ်များ

2 SAMUEL 15:30

Dung salpu i, dibuka si Daud ma sipatunia. Manangkok ma ia dohot halahi sude lalu tangis di Dolok Zetun, jana martujung-tujung ulu ni halahi tanda ni arsak ni roha.

2 SAMUEL 17:23

Dung diida si Ahitofel na so diihutkon hatania i, dipasang ia ma palano ni halodenia, lalu mulak ma ia tu kotania sandiri. Dung dipasidung ia sude urusannia, manyingkot ma ia lalu ditanom di kuburan ni halahi sahorong.

1 RAJA-RAJA 20:43

Mulak ma raja i tu Samaria mardongan arsak marcampur muruk.

1 RAJA-RAJA 21:4

Mardongan arsak, dohot muruk hara ni hata na nidok ni si Nabot i tusia, mulak ma si Ahab lalu modom ma ia di podomannia manjorbing adop dingding i jana nada ra ia mangan.

1 RAJA-RAJA 21:6

Dialusi si Ahab ma, “Hara ni na so tabo do huhilala pambaen ni si Nabot. Por rohangku manobusi kobun anggurnia i, sanga muda giot rohania, nigonti disia dohot kobun na asing. Hape inda ra ia!”

2 JUJUR TAON 26:20

Tarsonggot ma si Ahasia dohot malim na deba nari i mangaligi tusia, gabe dipaksa halahi ma ia manadingkon Bagas Ni Debata i. Diompoti ia ma haruar dibaen madung hona uhum ni Tuhan ia.

ESTER 2:19

Jadi di hatiha i madung diangkat raja i si Mordehai gabe pagawe negeri.

ESTER 6:11

Jadi dibuat si Haman ma pakean dohot kudo i jana dipapakehon ia ma pakean i tu si Mordehai. Dung manengget si Mordehai tu kudo i, diudurkon si Haman ma ia mamolus tano lapang ni kota i, marsurak-surak, “Ligi hamu bo, songon on ma pangalehen ni raja i laho mangargahon halak na niparsangapanna!”

ESTER 7:8

Mandele ma si Haman didabuhon ia ma dirinia tu ginjang ni podom-podoman ni si Ester laho mangido ampun, tapi laing topet muse ma disi mulak raja i sian kobun ni bagas godang i. Marnida si Haman songon i, marsurak ma raja i, “Aha? Laing barani dope antong bayo on mambaen na so ture tu ratu i dison, di jolongku jana di bagas godangku sandiri?” Disi didokkon raja i hata i, marroan ma angka pangoloi lalu manutupi ulu ni si Haman.

JOB 20:5

hamogaan ni parjahat parsantongkinan do da, jana hasonangan ni na so ture hum sangkinidop mata?

JOB 9:24

Dipasahat Debata do portibi on tu na dongki, jana mapitung angka panguhum sude dipambaeni. Debata do mambaen sudena i, ise dope he i, anggo so Ia?

1 SAMUEL 3:15

Dung i dipapayak si Samuel ma mangulahi di podomannia jana manyogotna i ngot ma ia lalu dibukai ia angka pintu ni Bagas Ni Tuhan i. Mabiar ia paboahon parnidaannia i tu si Eli,