ESTER 6:11 - BIBEL JAMITA NA DENGGAN

¹¹ Jadi dibuat si Haman ma pakean dohot kudo i jana dipapakehon ia ma pakean i tu si Mordehai. Dung manengget si Mordehai tu kudo i, diudurkon si Haman ma ia mamolus tano lapang ni kota i, marsurak-surak, “Ligi hamu bo, songon on ma pangalehen ni raja i laho mangargahon halak na niparsangapanna!”

ESTER 6:11 ပူးပေါင်းရင်းမြစ်များ

ESRA 6:13

Dipatulus si Tatnai, gubernur ni Efrat Hasundutan i dohot si Setar Bosnai maradu angka dongan ni halahi i ma sosot parenta ni Raja Darius i.

ESTER 6:10

Jadi didok raja i ma tu si Haman, “Patibu, buat ma pakean dohot kudo i jana lehen ma angka tanda hasangapan i tu si Mordehai, halak Jahudi i. Baen ma songon na nidokmu nangkin, ulang urahi hum sada pe. Bolas do dapotonmu ia juguk-juguk di jolo ni pintu horbangan ni bagas godang on.”

ESTER 6:12

Dung i mulak ma si Mordehai tu pintu horbangan ni bagas godang i. Tapi anggo si Haman diompoti ia noma mulak. Nada ringkot rohania diida halak hara ni santakna ila ni rohania, jadi gabe ditutupi ia ma bohinia i.

ESTER 8:15

Dung i ditadingkon si Mordehai ma bagas godang i mamake pakean hasangapan na rata langit dohot na bontar, juba ungu na sian linen na halus dohot hampu sere na lobi jeges. Marsurak-surak ma kota Susan marjop ni roha.

ESTER 9:3

Dohot muse noma sude angka halak na sangap-sangap di propinsi, angka gubernur, bupati maradu angka na marjabatan di harajaan i manyokong halak Jahudi dibaen mabiar do sudena tu si Mordehai.

PODA 27:18

Sanga ise na marsuan-suanan panganonna do parbatuna. Dipasangap do pangoloi muda dioloi do tuanna.

JESAYA 60:14

Ro ma angka dakdanak ni na mamparkanciti ho marsomba tu jolomu na dung jungada mangalayasi ho mamparsangapi jana tunduk, ‘Sion, Kota Ni Debata Na Badia ni Israel’, ‘Kota Ni Tuhan’, songon i ma ho nigoaran.

LUKAS 1:52

Dipaijur Ia angka raja sian juguhanna jana dipagincat Ia angka halak na bile.

HALUMBAAN 3:9

Ligi ma! Huboan ma tu hamu angka halak sian punguan ni Sibolis, angka na manggoari dirina halak Jahudi, hape nada tutu nian, pargabus do halahi. Baenonku ma halahi marsinggang di jolo ni patmu, jana botoon ni halahi ma na holong do rohangKu mida hamu.