ESTER 5:9 - BIBEL JAMITA NA DENGGAN

⁹ Mulak ma si Haman sian parjamuan ni Ratu Ester di bagasan jop ni roha. Tapi lalu di pintu horbangan ni bagas godang i diida ia ma si Mordehai na so marhusor i laho mangalehen sangap tusia, gabe gilap ma ia.

ESTER 5:9 ပူးပေါင်းရင်းမြစ်များ

1 RAJA-RAJA 21:4

Mardongan arsak, dohot muruk hara ni hata na nidok ni si Nabot i tusia, mulak ma si Ahab lalu modom ma ia di podomannia manjorbing adop dingding i jana nada ra ia mangan.

1 RAJA-RAJA 21:6

Dialusi si Ahab ma, “Hara ni na so tabo do huhilala pambaen ni si Nabot. Por rohangku manobusi kobun anggurnia i, sanga muda giot rohania, nigonti disia dohot kobun na asing. Hape inda ra ia!”

ESTER 2:19

Jadi di hatiha i madung diangkat raja i si Mordehai gabe pagawe negeri.

ESTER 3:2

Diparentahon raja i ma tu sude pagawenia anso pasangapkon si Haman, marsomba di jolonia. Sude do mangoloi parenta i, asing sian si Mordehai.

ESTER 3:5

Sun ma muruk ni si Haman di na tarboto tusia bahaso na so ra si Mordehai manungkap tusia.

ESTER 5:13

Tapi sudena i nada bagi aha dope arti ni i, salolot laing huida dope si Mordehai halak Jahudi na sai juguk di pintu ni horbangan ni bagas godang i.”

JOB 20:5

hamogaan ni parjahat parsantongkinan do da, jana hasonangan ni na so ture hum sangkinidop mata?

JOB 31:31

Diboto angka halak na markarejo tu au do, hutamu do di bagasku sanga ise sajo.

MASMUR 15:4

na mandao sian halak na hona bura tapi pasangap halak na burju tu Tuhan; na patulus janjina, haru pe marharugian,

MASMUR 27:3

Haru pe dihaliangi parangan na bahat au, nada pola mabiar au. Haru ro pe musu mamorangi, tongtong mararop roha au tu Debatangki.

DANIEL 3:13

Umbege i, muruk sajo ma raja i lalu didabu ia ma parenta anso dioban sitolu halak i ro tusia.

MATEUS 10:28

Ulang pola mabiar hamu mida halahi sibunu pamatang tapi na so margogo mamunu tondi. Tapi habiari hamu ma Debata na markuaso mamunu pamatang dohot tondi di api narako.

MATEUS 2:16

Dung diboto si Herodes na dung dipaoto-oto ni parilmu bintang na sian Habincaran i ia, gabe muruk sajo ma ia. Diparuar ia ma parenta anso dibunu sude dakdanak halaklahi na marumur dua taon tu toru na adong di kota Betlehem dohot na humaliang i. Dipahombar ma i tu hatorangan na nitangkasannia sian angka parilmu bintang i.

LUKAS 6:25

Marjaya ma hamu na butong saonnari on; harana, malean ma hamu! Marjaya ma hamu na martata saonnari on; harana, marsak ma rohamunu jana tangis.

JOHANNES 16:20

Hudok ma tu hamu: Satutuna martangisan ma hamu jana mangandungi; tapi jop ma roha ni portibi on. Susa ma rohamunu tapi gabe muba ma hasusaanmunu i gabe hajojop ni roha.

BAENON NI ANGKA RASUL 7:54

Jadi dung dibege angka na ro tu rapot ugamo i na nipajojor ni si Stefanus i, gabe hancit ma roha ni halahi jana patungaripon ma halahi tusia.

JAKOBUS 4:9

Angkon tutu ma hamu manyosal jana tangis dohot mangandungi; angkon gabe muba ma partatamunu gabe partangisan dohot hajojop ni rohamunu gabe hamarsahan!