ESTER 5:11 - BIBEL JAMITA NA DENGGAN

¹¹ Jadi manggambung ma si Haman tu halahi mambonggalkon sinadongannia, bahat ni anaknia halaklahi, jabatannia na penting na nijagitnia sian raja dohot pangkatnia na gumincat sian angka pagawe na asing i.

ESTER 5:11 ပူးပေါင်းရင်းမြစ်များ

PAMUNGKAAN 31:1

Tarbege ma tu si Jakob adong hata ni angka anak ni si Laban songon on, “Ma dibuat si Jakob sude sinadongan ni amanta i. Sude sinadongannia i, sian harto ni amanta do asal ni i.”

ESTER 1:4

Onom bulan honokna raja i patidahon sinadongan ni bagas godangnia i dohot hajagaron maradu hagodangan ni harajaannia i.

ESTER 3:1

Dung piga-piga taon diangkat Raja Ahasweros ma sada halak na margoar si Haman gabe perdana menteri. Anak ni si Hamedata na sian pomparan ni si Agag do si Haman.

ESTER 8:15

Dung i ditadingkon si Mordehai ma bagas godang i mamake pakean hasangapan na rata langit dohot na bontar, juba ungu na sian linen na halus dohot hampu sere na lobi jeges. Marsurak-surak ma kota Susan marjop ni roha.

MASMUR 49:6

angka halak na jahat na mangasahon hakayoanna, jana na manghaginjangkon sinadonganna.

MASMUR 49:7

Nada adong sahalak pe na tarbaen manobus hosana, sanga manggarar partobusna tu Debata.

MASMUR 52:9

Sai giot mandok tarimakasi do au tu Ho, hara ni pambaenanMu, ale Debata. Di tonga-tonga ni parlagutan ni bangsoMu, giot paboaonku do hadenggananMu.

JESAYA 10:8

Dipaginjang ia ma rohania, ning ia ma, “Raja do sude angka panglimangku!

DANIEL 4:30

didok ia ma, “Ligi da, na jeges ma antong kota Babel! Au ma da na mambangun i gabe kota sabungan ni negara laho patandahon kuaso ni hagogoonku, hagodangan dohot habonggalonku!”

MARKUS 10:24

Homang ma roha ni angka siseanNia i umbege na nidok ni Jesus i. Hape didok Jesus muse, “Hamu angka dakdanakKu! Tutu do i, na maol do laho masuk tu Harajaan Ni Debata!

1 TIMOTEUS 6:17

Tu angka halak na kayo di tano on, paingot ma halahi anso ulang manyombong jana anso ulang mararop ni roha halahi tu angka barang-barang na ra salpu – songon sinadongan rupani. Angkon mararop ni roha tu Debata do halahi, i ma Debata na mangalehen sasudena tu hita marlobi-lobi anso sonang hita.