ESTER 4:16 - BIBEL JAMITA NA DENGGAN

¹⁶ “Palagut ma sude halak Jahudi na di Susan anso martangiang salaho tu au. Ulang ma hamu mangan tolu ari tolu borngin lolotna. Au sandiri pe dohot angka bujing-bujing na mangoloi au laing puaso do. Dung sidung i, mangadop ma au tu raja i, haru pe mangalanggar undang-undang do i. Muda angkon mate ma au hara ni i, padiar ma mate au tusi!”

ESTER 4:16 ပူးပေါင်းရင်းမြစ်များ

PAMUNGKAAN 18:19

Na Hupili do ia anso diparentahon ia tu angka dakdanaknia dohot tu pomparannia anso oloanna Au bope patulusonna sanga aha na denggan dohot na tigor. Muda mangoloi halahi, gohanKu ma janjingKu tu si Abraham.”

PAMUNGKAAN 43:14

Sai ibo ma roha ni gubernur i mida hamu dibaen Debata Na Gumogo i anso ra ia paulakkon si Benyamin dohot si Simeon tu hamu. Anggo salaho tu au, muda na angkon sai na magoan ma di angka dakdanakki, padiar ma agoan au di halahi.”

2 SAMUEL 10:12

Papir ma rohamu! Dison ma tapatuduhon habaranion manghopkop bangsonta dohot manghopkop angka kota ni Debatanta. Sai dipatulus Tuhan ma sanga aha giot ni rohaNia.”

2 RAJA-RAJA 7:4

Muda masuk hita tu kota i, mate tangkuraparon ma hita; muda dison sajo pe, laing na mate muse ma hita. Dumengganan noma hita tu parbandaran ni halak Siria i. Olat ni na matehonon ni halahi do hita. Tapi ra do nada pola dihahua halahi hita.”

2 JUJUR TAON 20:3

Gabe mabiar ma si Josafat lalu martangiang ma ia mangido panogu-noguon sian Tuhan. Dung i diparentahon ia ma anso puaso sude rayat i.

ESRA 8:21

Hupabotohon ma di topi ni Batang aek Ahawa i, bahaso angkon puaso sude jana patorukkon roha di adopan ni Debata. Hami tangiangkon do anso dipimpin Debata hami di pardalanan i, jana dijagohon Ia hami, angka dakdanaknami dohot sude sinadongannami.

ESTER 4:15

Jadi ditongos si Ester ma barita songon on tu si Mordehai,

ESTER 4:17

Jadi kehe ma si Mordehai jana dipatulus ia ma sude na nitonahon ni si Ester i.

ESTER 4:3

Songon i muse di sandok propinsi, mangandungi ma angka halak Jahudi dung dipabotohon parenta ni raja i. Puaso ma halahi, tangis dohot mangangguk, jana bahat do sian halahi na mamake abit goni jana modom di ginjang ni abuan.

ESTER 5:1

Di ari patoluhon si Ester na puaso i, dipake ia ma pakean ratunia, lalu kehe ma ia tu alaman na di bagasan bagas godang i jana jongjong ma ia di jolo ni pintu ni balerongna i. Topet do juguk raja i di ginjang ni habangsa na mangadop tu pintu i.

ESTER 9:31

Anso dipestahon ma angka Ari Purim i di hatiha na tumbuk, songon na dung diaturkon tu halahi marhite si Mordehai, halak Jahudi i, dohot si Ester, jana songon na dung diaturkon halahi tu diri ni halahi sandiri dohot tu pomparan ni halahi taringot tu na marpuaso dohot na marsiluluton.

JESAYA 22:12

Suruon ni Tuhan, Tuhan Na Markuaso i ma hamu tangis dohot mangandungi, marcukur ulu dohot mamake abit goni di hatiha i.

JEREMIA 36:9

Di bulan sambilan taon palimahon dung mamarenta si Joyakim raja ni Juda, puaso ma rayat anso maruli ibo ni roha sian Tuhan. Puaso do sude halak na maringanan di Jerusalem dohot angka halak na ro sian kota-kota na di Juda.

DANIEL 2:18

Disuru ia ma halahi martangiang tu Debata na di banua ginjang i anso ibo rohaNia mida halahi jana anso dipaboa arti ni nipi i. Jadi muda songon i nada be bunuon halahi rap dohot angka na pistar na adong si Babel.

MATEUS 12:40

Tolu ari tolu borngin Panurirang Junus di bagasan butuha ni ihan na godang i. Songon i muse ma Anak Ni Jolma i, di bagasan tano.

LUKAS 9:24

Harana agoan ngolu do sanga ise na giot mampartahankon ngoluna. Tapi halak na agoan ngolu hara ni Au, i do na dapotan ngolu.

JOHANNES 19:22

Tapi ninna si Latus ma mangalusi, “Nada uba-ubaon be sanga aha na dung husuratkon i!”

BAENON NI ANGKA RASUL 10:7

Jadi dung kehe surusuruan na mangkobari i dohot si Kornelius, dipiohon ia ma dua halak parkarejo di bagasnia dohot sada halak tentara pangawalnia na mabiar mida Tuhan.

BAENON NI ANGKA RASUL 20:24

Tapi nada pola hupardulihon ngolungkon, asalkan ma hupasidung karejo na nipasahat ni Tuhan Jesus tu au jana asal ma sai burju au lopus tu ujung ni ngolungku laho manjamitahon Jamita Na Denggan i, i ma taringot tu asi ni roha ni Debata.

BAENON NI ANGKA RASUL 21:13

Tapi dialusi ia ma, “Aha ma he gunana martangisan hamu songon on, hum mangarsahi ate-atengku do i. Angke nada hum nirahutan au rade, tapi na rade do au mate di Jerusalem humopkop goar ni Tuhan Jesus.”

BAENON NI ANGKA RASUL 27:33

Jadi painte so torang ari disosohon si Paulus ma anso mangan jolo halahi sude. Didok si Paulus ma, “Ma opat bolas ari honokna marsitutu be hamu na painte-intehon sajo, nada mangan bagi aha.

BAENON NI ANGKA RASUL 9:9

Tolu ari honokna na so marnida i ia jana na tolu ari i umpe adong dipangan sanga diinum ia bagi aha.

SURAT NI SI PAULUS TU PARLAGUTAN ROM 16:4

Madung martaru hosa halahi humopkop ngolungku, nada hum au sajo na mandok tarimakasi tapi dohot do sude parlagutan na sian bangso na so Jahudi.

PILIPPI 2:30

Hum hara ni haporluan ni karejo ni Kristus i, saotik nari noma anso mate ia. Martaru hosa do ia di na mangalehen pangurupi tu au hara ni goarmunu.

JOSUA 24:15

Sugari sura nada ra hamu mangoloi tu Tuhan, laing sadari on ma baen hamu haputusanna, sanga na tu ise do giotmunu mangoloi: Tu angka debata na nisomba ni ompumunu najolo di Mesopotamia, sanga tu angka debata ni halak Amori na niingananmunu tanona saonnari do. Tapi anggo hami – au dohot dongan sabagasku – hum Tuhan do oloannami.”

1 SAMUEL 19:5

Ma pola martaru hosa ia di na mamunu si Goliat, jana dilehen Tuhan do hamonangan na godang tu Israel markite-hite ia. Diida amang sandiri do na masa i, jana jop do roha ni amang di hatiha i. Jadi biasi ma saonnari giot pusaon ni amang halak na so marsala i jana giot bunuon ni amang si Daud so adong harana?”