ESTER 4:14 - BIBEL JAMITA NA DENGGAN

¹⁴ Sanga na bia pe dalanna pasti maruli partolongan do halak Jahudi, anso malua halahi. Tapi anggo laing hohom do ho di bagasan pangalaho na songon on, ho sandiri pe mate do jana abis ma barita ni keluarga ni amangmu. Ise he umboto i, betak hara ni haporluan di angka hatiha na songon on do antong umbaen na hona pili ho gabe ratu!”

ESTER 4:14 ပူးပေါင်းရင်းမြစ်များ

PAMUNGKAAN 22:14

Dibaen si Abraham ma goar ni inganan i, “Tuhan do paradehon”. Jana lopus saonnari laing didokkon halak do, “Tuhan do paradehon di dolokNia”.

2 RAJA-RAJA 13:5

Jadi dilehen Tuhan ma sahalak pamimpin di halak Israel na paluahon halahi sian gomgoman ni Siria, lopus marsonang-sonang halahi mangulahi mangolu songon di mulana.

2 RAJA-RAJA 19:3

Songon on ma tona ni si Hiskia na nipalalu ni halahi tu si Jesaya, “Ari siluluton do sadari on; diuhum do hita jana dipabile. Songon dia ma ina na giot manyorangkon hita, hape abis gogo.

ESRA 9:9

nada ditadingkon Ho hami, gabe hasian ni angka raja ni Persia do hami dibaen Ho jana dipaloas hami mangolu dohot mambangun mangulahi BagasMon na tinggal gabe tapor-tapor i. Dilehen Ho do dihami parlinggoman dison, di Juda dohot di Jerusalem on.

NEHEMIA 6:11

Tapi hualusi ma, “Anggo au, nada huhagioti na maporus. Diambang ho ma lakna na giot palua diri au muda masuk martabuni di Bagas Ni Tuhan? Nada, nada ra au!”

ESTER 2:15

Jadi dapot geleran ma si Ester laho mangadop tu raja i – si Ester boru ni si Abihail jana boru ni uda ni si Mordehai na mangangkat ia gabe anakna sandiri: Sude do halak na mangaligi si Ester manghalomohon ia. Di na kehe ia mangadop tu raja i, marpakean ma si Ester mangihutkon na niatur dohot na nidok ni si Hegai, pangoloi na mangapalai inganan ni dadaboru i.

ESTER 2:17

Sumurung ma sonang ni roha ni raja i dohot mogana dibaen si Ester martimbangkon angka bujing-bujing na asing i. Jadi gabe humolong ma roha ni raja i disia. Gabe dipapakehon raja i ma jarunjung harajaan tu ulu ni si Ester jana ia ma na manggontihon Ratu Wasti.

ESTER 2:7

Adong do ibotonia, boru ni udana, sada bujing-bujing na jogi boti na lele si Ester goarna, tapi goarna di hata Ibrani si Hadasa. Anggo simatobang ni si Ester madung jumolo jana gabe songon anak angkat ni si Mordehai ma ia jana dipagodang-godang ma ia songon anak kandungna sandiri.

ESTER 4:13

Gabe ditongos si Mordehai ma sipaingot on tu si Ester, “Ulang diambang ho, na asing ho sian halak Jahudi na asing i, hum hara ni na tinggal ho di bagas godang!

ESTER 4:15

Jadi ditongos si Ester ma barita songon on tu si Mordehai,

JOB 9:18

Umpe jabat humosa iba hum sangombas. Mur marrongoman dibaenSa tu iba hapaetan.

PARJAMITA 3:7

Adong do hatihana manyibak-nyibak dohot hatihana manjaiti; hatihana mangkohom dohot hatihana mandok hata.

JESAYA 49:23

Gabe songon ama di ho angka raja, jana angka ratu songon ina. Marsomba ma halahi tu ho lopus dais bohina tu tano jana mandilat abu ni patmu. Hara ni i botoonmu ma bahaso Au do Tuhan, angka halak na mararop ni roha di Au nada dipaila.”

JESAYA 54:17

Tapi anggo sinjata na dipaadop tu ho, nada margogo i mamugangi ho. Jana tu sude tuduan, hata ro do di ho hata alusan. Huampini angka naposongKi anso sai monang.” Songon i ma pandok ni Tuhan.

JEREMIA 30:11

Angke dongananKu do ho ninna Tuhan, anso Hupalua ho: PangabisonKu ma angka bangso inganan parserahanmunui, tapi anggo ho nada pangabisonKu. AjaranKu ma ho di bagasan uhum; jana nada dohononKu ho na so marsala.”

JEREMIA 46:28

Jadi ulang be hamu mabiar, ale bangsongKu, ro noma Au laho paluahon hamu. Giot timpaskononKu noma angka bangso ingananmunu Huparserak, tapi anggo tu hamu nada baenonKu songon i. Tutu nian anggo hara ni hasalaan na nibaenmunu angkon manjagit uhuman do hamu, tapi nada pola uhuman na mahancittu. Au Tuhan, madung mandok songon i.”

HAMALIMON 26:42

ingotonKu ma parjanjian dohot si Jakob, si Ishak dohot si Abraham. PaimbaruonKu ma janjingKu laho mangalehen tano tu bangsongKu.

MATEUS 16:18

Au pe Hudok ma tu ho, ‘Si Petrus’ do ho (artina ‘Batu na pir’). Di ginjang ni batu on ma pajongjongKu parlagutanKu na so tartaluhon; sanga na hamatean pe na ro i!

MATEUS 24:22

Tapi madung dipapendek Debata hatihana i. Sugari nada, umpe sahalak jolma na tarbaen tahan. Tapi hara ni bangsoNia i, gabe dipapendek Debata do hatihana i.

PANGARATAION 32:36

Paluaon ni Tuhan ma bangsoNa, jana haholonganNia angka naposoNa, muda diida Ia halahi gale-gale, jana abis gogona sude.

HAKIM-HAKIM 15:6

Kehe ma halak Pilistin manangkasi sanga ise na mambaen pangalaho i. Jadi dipaboa halak ma tu halahi bahaso na si Simson do na mambaensa, hara ni na nilehen ni tulangnia di Timna dadaboru ni si Simson tu sada halak dongan ni si Simson. Jadi hara ni i, kehe ma angka halak Pilistin i manyurbu anak boru i dohot sude isi ni bagas ni amangna lopus abis.

1 SAMUEL 12:22

Madung disumpahon Tuhan bahaso na so tadingkononNia hamu angke madung diputuskon Ia do laho mambaen hamu gabe bangsoNia sandiri.

1 SAMUEL 17:29

Dialusi si Daud ma, “Aha he salangku? Na manyapai sajo do au!”