ESTER 4:11 - BIBEL JAMITA NA DENGGAN

¹¹ “Ganop halak na ro mangadop tu raja di alaman na di bagasan bagas godang i, halaklahi sanga dadaboru na so dipiohon, angkon mate hona uhum. Undang-undang do i jana sude halak mamungka sian panuturi ni raja lopus tu rayat na di angka propinsi, sude do umboto i. Hum sada sajo ma dalan anso malua sian undang-undang i, i ma muda disurduhon raja i tungkot serenia tu halakna i. Muda tarjadi songon i, malua ma iba. Tapi madung adong sabulan on na so dipiohon raja i au.”

ESTER 4:11 ပူးပေါင်းရင်းမြစ်များ

ESTER 1:19

Antong hara ni i, pangidoannami, anso dibaen raja i nian haputusan bahaso na so tola be Ratu Wasti ro mangadop tu raja i. Angkon dibaen ma haputusan i gabe undang-undang di Persia dohot Media, anso ulang tarumpat-umpat be mangulahi. Dung i, nilehen ma jabatan ni Ratu Wasti i tu dadaboru na asing na umburju sian i.

ESTER 2:14

Dioban ma ia tu bagas godang ni raja i borngin-borngin, jana ancogotna i dioban ma tu inganan na asing jana si Saagas noma mangurus disi, i ma sada halak pangoloi na mangurus angka rading ni raja i. Nada be mangadop anak boru i tu raja mangulahi, asing rupani muda dipangido roha ni raja i jana dipiosa marhite na mandok goarna.

ESTER 4:10

Tapi disuru si Ester ma ia mangulahi mandapotkon si Mordehai maroban tona songon on,

ESTER 4:12

Jadi dipalalu si Hatah ma tona ni si Ester i tu si Mordehai.

ESTER 6:4

Jadi mangkuling ma raja i, “Ise do sian angka pagawengku saonnari na adong di bagasan bagas godang?” Topet na baru masuk dope si Haman tu alaman na di bagasan bagas godang i; na laho mangido isin do ia tu raja i laho manggantung si Mordehai di tiang na dung dipajongjongnia i.

ESTER 8:4

Disurduhon raja i ma tungkot serenia i tu si Ester, lalu jongjong ma si Ester jana didok ia ma,

DANIEL 2:9

laho manguhum hamu sude dohot dalan na sarupa muda nada diboto hamu paboahon nipi i tu au. Martahi do hamu torus paoto-otohon au betak sai bia ra au manguba haputusanki. Saonnari, paboa hamu ma nipi i, anso huboto muse nabisa hamu patorangkon astuanna.”

1 PETRUS 3:7

Bope hamu angka ama, mardongan bisuk ma hamu maradopkon dadaborumunu jana mardongan roha na torang, ingot hamu ma halak na gale do halahi. Sangap ma baen hamu halahi, angke rap na giot hasahatan ni ngolu na tutu na sian Debata do halahi dohot hamu. Di ngolu na songon i, nada adong be na mangambati tangiangmunu maradopkon Tuhan.