ESTER 3:15 - BIBEL JAMITA NA DENGGAN

¹⁵ Tibu ma markehean angka suruan na pataruhon surat i tu sude propinsi ni harajaan i. Diparentahon raja i ma anso laing dipabotohon barita i di Susan, kota sabungan ni Persia. Dung salpu i juguk-juguk ma si Haman dohot raja i minum anggur, tapi anggo kota Susan ma pola gaor patunda ni barita i.

ESTER 3:15 ပူးပေါင်းရင်းမြစ်များ

PAMUNGKAAN 37:25

Jadi hatiha mangan halahi, ompot ma diida halahi sarombongan halak Ismael na di pardalanan sian Gilead laho tu Mesir. Maroban angka parmasak dohot hamonyan.

1 RAJA-RAJA 14:27

Jadi laho manggontisa dibaen Raja Rehabeam ma angka parince sian tumbaga jana dipasahat ia ma tu angka perwira na martugas mangawal horbangan ni bagas godang ni raja i.

ESTER 1:10

Di ari papituhon minum-minum ma raja i marjop ni roha. Jadi gabe dipio ia ma si Mehuman, si Bista, si Harbona, si Bigta, si Abagta, si Zetar dohot si Karkas, i ma angka pangoloi na sai di adopan ni raja i.

ESTER 4:16

“Palagut ma sude halak Jahudi na di Susan anso martangiang salaho tu au. Ulang ma hamu mangan tolu ari tolu borngin lolotna. Au sandiri pe dohot angka bujing-bujing na mangoloi au laing puaso do. Dung sidung i, mangadop ma au tu raja i, haru pe mangalanggar undang-undang do i. Muda angkon mate ma au hara ni i, padiar ma mate au tusi!”

ESTER 8:15

Dung i ditadingkon si Mordehai ma bagas godang i mamake pakean hasangapan na rata langit dohot na bontar, juba ungu na sian linen na halus dohot hampu sere na lobi jeges. Marsurak-surak ma kota Susan marjop ni roha.

MASMUR 37:7

Pasonang ma rohamu paintehon Tuhan, sobar ma ho paima-imahon lopus dibaen Ia tindakan. Ulang mangiburu mida halak na mardohar, na mandapot hara ni na paoto-otohon.

PODA 1:16

Nada sombu roha ni halahi anggo so jolo mangkarejohon na jat. Sai na matua hobas do halahi laho mamunu.

PODA 29:2

Muda mamarenta halak na tigor, moga ma halak na bahat. Tapi muda markuaso halak na jahat marhancit ma rayat.

PODA 31:4

Ingot ma, Lemuel! Na minum anggur dohot na nirajaan ni siinumon na koras, nada patut gabe raja.

PODA 4:16

Nada tarpodom halak na jahat anggo so jolo mambaen na so ture. Nada ra halahi mondohondok anggo so jolo mangago halak na asing.

HOSEA 7:5

Di ari pesta ni raja i dibaen halahi do marsahit angka pamimpin marhite anggur na pamilaskon, mardomu do ia dohot angka panghianat.

AMOS 6:6

Minum anggur ma hamu sian bokor, jana dipake hamu ma miak na humuskus, hape nada adong arsak ni rohamunu mida hasesego ni Israel.

JOHANNES 16:20

Hudok ma tu hamu: Satutuna martangisan ma hamu jana mangandungi; tapi jop ma roha ni portibi on. Susa ma rohamunu tapi gabe muba ma hasusaanmunu i gabe hajojop ni roha.

HALUMBAAN 11:10

Marjop ni roha ma halak na mangingani tano on hara ni parmate ni saksi na dua halak i. Marpesta ma halahi jana marsitongosan silua, angke madung bahat hasusaan na ro tu jolma manusia dibaen panurirang sidua halak i.