ESTER 2:23 - BIBEL JAMITA NA DENGGAN

²³ Disihiri ma parkaro i, gabe torang ma antong na tutu lapuran i. Diuhum gantung ma sidua halak i. Hombar tu parenta ni raja i, disuratkon ma na masa i di bagasan Buku Sejarah Ni Harajaan i.

ESTER 2:23 ပူးပေါင်းရင်းမြစ်များ

PAMUNGKAAN 40:19

Di bagasan tolu ari on, suruon ni raja i ma halak mamonggol ulumi jana gantungkononna ma pamatangmu di sada tiang, anso dipapangani angka unggas.”

PAMUNGKAAN 40:22

Tapi anggo pangurus ni roti i, diuhum mate ma. Tarjadi ma sude songon na nidok ni si Josep i.

ESRA 4:15

anso disuru raja i tangkasan arsip ni angka na umpompar raja i. Sian isi ni arsip i botoon ni raja i ma bahaso na tutu do kota Jerusalem na tagi mangalo jana sian najolo sai na mangarugihon tu angka raja dohot tu na markuaso di propinsi. Sai na tongtong do susa pimpinon halak pangisina i. I do dalanna umbaen na dironcohon kota i.

ESTER 10:2

Sude pambaenannia na godang jana na jebu i songon i muse barita salaho tu pangangkatnia di si Mordehai gabe pagawe tinggi sudena, tarsurat do i di bagasan Buku Sejarah Ni Angka Raja-raja ni Persia dohot Media.

ESTER 5:14

Umbege i gabe diusulkon dadaborunia i ma dohot angka dongannia i songon on, “Anggo suru sajo pe mambaen tiang gantungan gincatna dua pulu dua meter. Dung i ancogotna i pangido ma isin sian raja i laho manggantungkon si Mordehai tu tiang i. Anggo dung songon i, tarbaen ho ma sonang rohamu kehe tu parjamuan i.” Denggan sajo ma antong usul i dipikiri si Haman, jadi manigor disuru ia ma mambaen tiang gantungan i.

ESTER 6:1

Laing di borngin i nada tarpodom raja i. Jadi hara ni i, dipangido ia ma anso dibuat catatan Sejarah Ni Harajaan i jana disuru ia ma halak manyisesa.

ESTER 7:10

Songon i ma si Haman digantung di tiang na nipajongjongnia i baen di si Mordehai. Dung salpu pe i anso mombun rimas ni raja i.

MALEAKI 3:16

Jadi marsipandohonan ma angka halak na manghabiari Tuhan i na sada tu donganna. Dibege jana diparrohahon Tuhan do sanga aha na nihataan ni halahi i. Disuratkon do angka goar-goar ni na pasangapkon Tuhan dohot na mabiar mida Ia, di bagasan sada buku panyuratan na adong di joloNia.

JOSUA 8:29

Anggo raja ni Ai digantung ia di bona ni hayu, dipadiar ia disi lopus borngin. Jana dung lusut mataniari disuru si Josua ma halak mambuat bangke i lalu didanggurkon di dalan laho masuk tu horbangan ni kota i. Dung i ditimbuni ma inganan i dohot batu bahat sajo. Laing disi dope angka batu i lopus tu saonnari.