ESTER 2:18 - BIBEL JAMITA NA DENGGAN

¹⁸ Dung i dibaen raja i ma horja godang songon na pasangapkon si Ester jana diontang raja i ma sude pagawe dohot angka na sangapna. Dipabotohon ia ma ari paradianan di sandok harajaan i jana dibagi-bagihon ia ma silua marlobi-lobi.

ESTER 2:18 ပူးပေါင်းရင်းမြစ်များ

PAMUNGKAAN 29:22

Jadi dibaen si Laban ma pesta pabagaskon borunia i jana diontang ia ma sude koum sisolkotnia.

NEHEMIA 8:11

Laing diapoi halak Levi muse ma rayat i jana didok halahi ma marpupu, “Ulang hamu marsak di ari na marhapunjungan on.”

ESTER 1:7

Diparade raja i do anggur marlobi-lobi na niparade di angka piala sere na marragam rupa.

ESTER 9:22

Harana di ari i ma antong halahi manaluhon angka musu ni halahi, gabe muba ma pardangolan dohot hapariron ni halahi gabe jop ni roha dohot hamogaan. Jadi hara ni i angkon rayahonon ni halahi do angka ari i marhite pesta dohot parjamu-jamuan lalu marsipiringan sipanganon dohot mangalehen sidoka tu halak na miskin.

ENDE NA GODANG 3:11

Hamu angka boru Sion, ligi hamu ma, Raja Salomo mamake tuku dipapakehon inangna di ari parbagasonna, di ari na marjop ni roha ia.

ENDE NA GODANG 5:1

Anggi na huririt, ro do au tu kobunku; huincop asar ni loba dohot aerna; huinum susu dohot anggur; hupalagut angka parmasak dohot anggur. Mangan minum ma, hamu angka dongan sudena, lopus mabuk be hamu di holong ni roha.

MATEUS 22:2

Didok Ia ma, “Anggo Harajaan Ni Banua Ginjang tarsongon sada raja na mambaen horja parbagason ni anakna do i.

MARKUS 6:21

Ujungna dapot si Herodias ma ari na tumbuk, i ma di ari parningotan hatutubu ni si Herodes. Dibaen raja i ma pesta di angka kapala ni parpangkat na di harajaan i dohot angka komandan dohot di angka harajaon, hatobangon ni halak na di Galilea.

LUKAS 14:8

“Muda diontang halak ho tu horja haroan boru, ulang ma kehe ho juguk tu karosi hasangapan. Harana betak na dung diontang halahi do na asing na dao sumangap ulang ho.

HALUMBAAN 11:10

Marjop ni roha ma halak na mangingani tano on hara ni parmate ni saksi na dua halak i. Marpesta ma halahi jana marsitongosan silua, angke madung bahat hasusaan na ro tu jolma manusia dibaen panurirang sidua halak i.

HALUMBAAN 19:9

Dung i didok ia ma tu au, “Suratkon ma on: ‘Martua do sanga ise halak na dung niontang tu pesta parbagason ni Anak Ni Biri-biri i.’ ” Dung i didok surusuruan i muse dope tambana, “On ma angka hata na sintong na sian Debata.”

1 SAMUEL 25:8

Sapai ma antong tu halahi, pasti parhatutuon ni halahi songon i. Antong, hara ni i, denggan ma jagit angka paranganku di bagasmu, dibaen di ari na godang on do hami ro. Laing lehen muse di angka naposomon dohot di au si Daud, sanga na aha ma na nionjar ni rohamu.”