ESTER 2:17 - BIBEL JAMITA NA DENGGAN

¹⁷ Sumurung ma sonang ni roha ni raja i dohot mogana dibaen si Ester martimbangkon angka bujing-bujing na asing i. Jadi gabe humolong ma roha ni raja i disia. Gabe dipapakehon raja i ma jarunjung harajaan tu ulu ni si Ester jana ia ma na manggontihon Ratu Wasti.

ESTER 2:17 ပူးပေါင်းရင်းမြစ်များ

ESTER 1:11

Disuru ia ma halahi maroban tu jolonia Ratu Wasti mamake jarunjung harajaon di ginjang ni uluna. Na jogi situtu antong ratu i, jana na giot patida-tidahon hajogionna i ma raja i tu angka na sangap-sangap dohot tu sude tamunia i.

ESTER 2:16

Songon i ma pangalahona di taon papituhon mamarenta si Ahasweros di bulan sampulu, i ma bulan Tebet, dioban ma si Ester mangadop tu Raja Ahasweros di bagas godang ni raja i.

ESTER 4:14

Sanga na bia pe dalanna pasti maruli partolongan do halak Jahudi, anso malua halahi. Tapi anggo laing hohom do ho di bagasan pangalaho na songon on, ho sandiri pe mate do jana abis ma barita ni keluarga ni amangmu. Ise he umboto i, betak hara ni haporluan di angka hatiha na songon on do antong umbaen na hona pili ho gabe ratu!”

PODA 21:1

Diatur Tuhan do pardalan ni batang aek marguru tu hagiotNa, songon i muse do diatur Ia pikiran ni raja.

JEHESKIEL 17:24

Botoon ni sude bona ni hayu na di luat i ma bahaso Au do Tuhan. Hayu na gincat Hutaba hayu na toruk Hubaen tubu gumincat. Hayu na rata Hubaen maradu hiang; jana hayu na mahiang Hulehen tunas dohot bungana. Au Tuhan, madung mandok hata, sude na Hudok i angkon tarlaksana.”

1 SAMUEL 2:8

Sian abuan diangkat Ia halak na so mararta sian pardangolan halak na bile dipalua Ia. Dibaen Ia halahi dongan ni angka na mora-mora, jana dilehen muse juguhan na sangap. Debata do nampuna ojahan ni portibi on dipajongjong Ia di ginjangna tano on.