ESTER 2:14 - BIBEL JAMITA NA DENGGAN

¹⁴ Dioban ma ia tu bagas godang ni raja i borngin-borngin, jana ancogotna i dioban ma tu inganan na asing jana si Saagas noma mangurus disi, i ma sada halak pangoloi na mangurus angka rading ni raja i. Nada be mangadop anak boru i tu raja mangulahi, asing rupani muda dipangido roha ni raja i jana dipiosa marhite na mandok goarna.

ESTER 2:14 ပူးပေါင်းရင်းမြစ်များ

PAMUNGKAAN 34:19

Jadi manigor dipatulus si Sikem ma sarat-sarat i hara ni por ni rohania di si Dina. Boti sian sude koum sisolkotnia, si Sikem ma na sumangap dihilala halahi.

ESTER 2:13

Di hatiha mangadop tu raja i sada bujing-bujing, tola do pakeonna sanga aha marguru tu giot ni rohana.

ESTER 2:15

Jadi dapot geleran ma si Ester laho mangadop tu raja i – si Ester boru ni si Abihail jana boru ni uda ni si Mordehai na mangangkat ia gabe anakna sandiri: Sude do halak na mangaligi si Ester manghalomohon ia. Di na kehe ia mangadop tu raja i, marpakean ma si Ester mangihutkon na niatur dohot na nidok ni si Hegai, pangoloi na mangapalai inganan ni dadaboru i.

ESTER 4:11

“Ganop halak na ro mangadop tu raja di alaman na di bagasan bagas godang i, halaklahi sanga dadaboru na so dipiohon, angkon mate hona uhum. Undang-undang do i jana sude halak mamungka sian panuturi ni raja lopus tu rayat na di angka propinsi, sude do umboto i. Hum sada sajo ma dalan anso malua sian undang-undang i, i ma muda disurduhon raja i tungkot serenia tu halakna i. Muda tarjadi songon i, malua ma iba. Tapi madung adong sabulan on na so dipiohon raja i au.”

JESAYA 43:1

Tapi saonnari, songon on do hata ni Tuhan, na manompa ho ale Jakob, na mambaen ho ale Israel: “Ulang mabiar, harana madung Hutobus ho, madung Hupio ho marhite goarmu, Au do nampuna ho.

JESAYA 45:4

Hara ni naposongKu si Jakob dohot Israel pilianKi, pioonKu ma ho marhite goarmu, manggoari ho, haru pe so ditanda ho dope Au.

PANGARATAION 21:14

Muda dipudian ni ari nada por be rohamu disia, tola do suruonmu ia kehe roha-rohania. Nada tola baenonmu sanga gadisonmu ia songon hatoban hara ni na dung dipatoruk ho ia.”