ESTER 1:19 - BIBEL JAMITA NA DENGGAN

¹⁹ Antong hara ni i, pangidoannami, anso dibaen raja i nian haputusan bahaso na so tola be Ratu Wasti ro mangadop tu raja i. Angkon dibaen ma haputusan i gabe undang-undang di Persia dohot Media, anso ulang tarumpat-umpat be mangulahi. Dung i, nilehen ma jabatan ni Ratu Wasti i tu dadaboru na asing na umburju sian i.

ESTER 1:19 ပူးပေါင်းရင်းမြစ်များ

1 RAJA-RAJA 3:28

Dung dibege halak Israel haputusan ni si Salomo taringot tu parkaro i, gabe homang ma halahi jana dipasangap halahi ma si Salomo. Tangkas ma tarida, na dung dilehen Debata disia habisuhon laho manimbang parkaro di bagasan hatigoran.

ESTER 1:18

Jadi muda habegean tu angka dadaboru ni angka parpangkat na di Persia dohot Media pangalaho i, pasti paboa-boaon ni halahi ma tu halaklahina be. Patunda ni i, aloon ni dadaboru ma parenta ni halaklahina jana murlayas ma angka halaklahi.

ESTER 1:21

Dijagit raja i do dohot angka na sangap-sangap i usul ni si Memukan i jadi manigor ma didalankon raja i.

ESTER 2:1

Dung adong sanga na sadia lolot, haru pe na dung mombun roha ni raja i, laing tongtong do dipikiri ia parbuatan ni Ratu Wasti i dohot tindakan na nibaen i maradopkon ia.

ESTER 3:9

Anggo na so haboratan do raja i, diharuarkon ma sugari surat parenta laho mamusa halahi. Jana muda na ra do raja i manjagit usul sian iba, pasti tarpamasuk iba do lobi sian 340.000 kilogram perak tu bagasan kas ni raja i.”

ESTER 8:5

“Muda lomo roha ni raja i jana holong rohamu di au, diparuar raja i ma sugari nian surat parenta laho mambuat angka surat ni si Haman i na marisi parenta laho mangabisi sude halak Jahudi na di harajaan on.

ESTER 8:8

Tapi anggo surat na dung dibaen mangasahon goar ni raja jana dibaen cap ni raja, nada bolas be i tarihon mangulahi. Tapi haru songon i pe, huisinkon ma hamu mambaen surat salaho tu bangso Jahudi sanga aha na denggan diida hamu. Baen hamu ma surat i mangasahon goarku mardongan cap ni harajaan.”

DANIEL 6:17

Jadi ujungna diparentahon raja i ma anso ditangkup si Daniel jana diambungkon tu bagasan liang ni singa. Didok raja i ma tu si Daniel, “Sai Debata na nisombami ma paluahon ho.”

1 SAMUEL 15:28

Dung i didok si Samuel ma tusia, “Sadari on ma disibakkon Tuhan harajaan Israel sian raja i, jana dilehen ia tu halak na asing na umburju sian raja i.