ESRA 9:8 - BIBEL JAMITA NA DENGGAN

⁸ Hape saonnari, ale Tuhan Debatanami, apala on dope maribo ni roha Ho tu hami. Dipalua Ho do sanga na piga halak sian tonga-tonganami sian parhatobanan anso mangolu di bagasan dame di inganan na marhapunjungan on. Dilehen Ho do di hami ngolu na imbaru. Dompak di bagasan parhatobanan hami,

ESRA 9:8 ပူးပေါင်းရင်းမြစ်များ

2 RAJA-RAJA 19:4

Madung disuru raja Asur parpangkat na gincat laho pabilehon Debatanta na mangolu i. Nada binoto betak na ditangihon Tuhan Debatamu do habilean i jana uhumanku halahi na mandokkon i. Hara ni i, tangiangkon ma jolo tu Debata angka halak hita na mangolu i dope.”

ESRA 9:9

nada ditadingkon Ho hami, gabe hasian ni angka raja ni Persia do hami dibaen Ho jana dipaloas hami mangolu dohot mambangun mangulahi BagasMon na tinggal gabe tapor-tapor i. Dilehen Ho do dihami parlinggoman dison, di Juda dohot di Jerusalem on.

NEHEMIA 1:11

Tangihon ma tangiangku dohot tangiang ni sude naposoMu na asing i, na ra pasangankon Ho. Lehen ma pangurupiMu anso laing tulus naposoMon sadari on dapotan asi ni roha sian raja.” Siurus inumon ni raja do au di hatiha i.

NEHEMIA 9:31

Tapi hara ni holong ni rohaMu na so marparsuhatan, nada halahi ditadingkon Ho sanga dironcohon. Tutu ma da antong, Ho do Debata na so marpartudosan; na godang holong ni rohaMu, gok paribo ni rohaan!

JOB 33:30

anso laing tarpalua Ia jolma lalu mangalehen hatuaan di ngoluna.

MASMUR 13:3

Parate-atehon jana alusi au, ale Tuhan Debatangku. Pargogoi au jana ulang padiar mate au,

MASMUR 13:4

anso ulang monang musungku, disurak halahi au dohot hata, “Madung hami taluhon ia!”

MASMUR 138:7

Dompak ro siarsakkonon tu iba, dijago Ho do au anso tongtong sonang. Dialo Ho do musungku na gasa-gasaon jana dipalua Ho do au marhite kuasoMu.

MASMUR 34:5

Mararop roha tuSia do halak na hona sosak, marjop ni roha ma halahi jana nada maila.

MASMUR 85:6

BangsoMu do hami, pargogoi ma hami mangulahi, anso laing marpupu Ho tarpuji hami.

PODA 29:13

Adong do na sarupa di halak na pogos dohot na mamisatsa; rap dilehen Tuhan do tu halahi na dua mata laho marnida sinondang hangoluan.

PARJAMITA 12:11

Songon tungkot na pincur ni parmahan do hata ni halak na pistar, tungkot na nipakena mangaramoti biri-birina. Parpunguan ni poda dohot sipaingot, songon paku na pago hot. Laing basa-basa ni Debata do i sude, na marmahan hita sada-sada.

JESAYA 1:9

Sugari sura nada dipalua Tuhan Na Markuaso i piga-piga halak, anggo Jerusalem i madung mago sude, sarupa tu Sodom dohot Gomora.

JESAYA 14:3

Giot paluaon ni Tuhan ma Israel sian parhancitan dohot pardangolanna dohot sian karejo na borat na nipaksahon tu halahi.

JESAYA 56:5

LehenonKu ma tu halahi di bagasan bagasKu, dohot di bagasan tembok-tembok ni ingananKu sada tanda parningotan dohot goar. Dumenggan dope i sian halaklahi dohot dadaboru. LehenonKu ma sada goar na manongtong tu halahi.”

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

JESAYA 6:13

Salang sugari adong saparsampulu halak nari sian bangso na tading di luat i, i pe angkon dimatehon. Angkon songon hayu baringin na di taba halahi, hum tungkona noma tinggal. Sian tungko i ma muse ruar tunas, na badia.”

JEREMIA 42:2

mandok tu au, “Na pasahatkon pangidoannami do hami tu ho! Tangiangkon ma hami tu Tuhan Debatamu. Tangiangkon ma hami na tading on. Bahat hian do hami nian; tapi saonnari hum saotik noma hami na tading, torang songon na niidamu.

JEREMIA 44:14

Sian halak Juda na teba i na kehe tu Mesir laho maringanan disi, sahalak pe nada adong na malua sanga mangolu. Sahalak pe sian halahi nada adong be na mulak tu Juda, haru pe lungun sajo roha ni halahi. Tutu do nada adong be na mulak sian halahi asing ni na mangungsi piga-piga halak.”

JEHESKIEL 14:22

Sugari rupani adong na luncat jana tarpaluasa angka dakdanakna, parrohahon hamu ma muda ro halahi tu hamu. Ligi hamu ma sanga na bia jahat ni halahi, jadi gabe botoon ni bangsongKi ma bahaso na tama do uhumanKu Jerusalem.

HOSEA 6:2

Di bagasan dua tolu ari on sunggulanNia ma hita jana mangolu di bagasan pangondianNa.

HABAKUK 3:2

Tarbege do tu au, ale Tuhan, taringot tu Ho, gabe digohi roha bisuk ma ate-atengku. Sugari diulahi Ho ma nian sanoli nari pambaenanMu na godang i di hatihanami saonnari. Holong ma nian rohaMu mida hami haru pe muruk Ho.

ZEPANYA 3:12

PadiaronKu ma disi maringanan tongtong sada bangso na toruk roha, na ro tu Au mangido pangurupi. Tola ma halahi maringanan disi.

ZAKARIA 10:4

PilionKu ma sian tonga-tonga ni halahi na gabe parkuaso, pamimpin dohot panglima na giot mamarenta bangsongKi.

ZAKARIA 8:12

Di bagasan sonang noma halahi i manyabur same. Marbatui ma angka bona ni anggur ni halahi, lehenon ni tano i ma suhana, jana langit mangalehen aek ombun. LehenonKu ma pasupasu i tu angka jolma na mangolu dope sian bangso on.

ZAKARIA 8:6

Songon on do hata ni Tuhan Na Markuaso: Songon na so porsaya do i anggo di angka na tinggal na mangolu sian bangso i, tapi gabe dohot ma lakna longang Au disi? ninna Tuhan Na Markuaso.

SURAT NI SI PAULUS TU PARLAGUTAN ROM 9:27

Torang do didok Panurirang Jesaya taringot tu halak Israel, “Haru pe sabahat ni horsik na di topi ni laut bilangan ni bangso Israel, hum saotik do i sipaluaon;

HALUMBAAN 3:12

Sanga ise na monang, baenonKu ma gabe songon tiang partunggul di bagas na badia inganan ni DebatangKu, jana nada morot-morot be ia sian inganan i. SuratkononKu ma tu halahi sandiri goar ni DebatangKu dohot goar ni kota ni DebatangKu – i ma Jerusalem na imbaru na giot mijur sian banua ginjang. Laing suratkononKu ma dohot goarKu na imbaru tu diri ni halahi.

1 SAMUEL 14:27

Tapi anggo si Jonatan nada diboto ia na dung diancam ni amangnia do rayat i dohot bura; jadi disurduhon ia ma tungkot na niobannia i, jana disornomkon ia ma i tu asar ni loba i, lalu dibuat ia aerna i, dipangan ia. Manigor margogo ma dihilala ia.

1 SAMUEL 14:29

Dialusi si Jonatan ma, “Ma salputu do antong pambaen ni amangki maradopkon bangsonta! Ligi ma, margogo do au dung hupangan saotik aer ni loba i.