ESRA 9:6 - BIBEL JAMITA NA DENGGAN

⁶ Hudok ma, “O, ale Debatangku, maila do au mangangkat tanganku di adopanMu. Martimpa-timpa do dosanami di ginjang ni ulunami lalu dais tu langit.

ESRA 9:6 ပူးပေါင်းရင်းမြစ်များ

PAMUNGKAAN 13:13

Na jahat do halak Sodom jana mardosa maradopkon Tuhan.

1 RAJA-RAJA 8:47

“Muda di luat i halahi, sian ias dohot sian situtu ni roha ni halahi maninggalkon angka dosa ni halahi, dioku halahi dosa dohot hajahatan ni halahi, martangiang halahi tu Ho adop luat on na dung nilehenMu tu ompungnami adop kota na nipiliMu dohot adop bagas parsombaan on na dung hupajongjong di Ho,

2 JUJUR TAON 28:9

Adong do sada panurirang ni Tuhan na maringanan di Samaria na margoar si Oded. Di parmulak ni tentara ni Israel i maroban tabanan na sian Juda i, ro ma si Oded mandapotkon halahi di na laho masuk halahi tu kota. Didok ia ma, “Ma talu dibaen hamu halak Juda hara ni na muruk Tuhan Debata ni ompumunu tu halahi. Tapi ditangihon Tuhan do sanga songon dia kejamna dibaen hamu mamunu tentara ni Juda i.

ESRA 9:13

Madung mardosa hami maradopkon Ho jana hami langgar uhumMu, jana madung diuhum Ho hami. Tapi hami boto do, ale Debatanami, nada songon borat ni na patut jagitonnami uhuman na nilehenMu, dipalua Ho muse dope hami.

ESRA 9:15

O Tuhan Debata ni Israel, na tigor do Ho, haru songon i pe laing dipadiar Ho do hami mangolu. Hami oku ma hasalaannami tu Ho; nada marhak hami ro tu parmiananMu.”

NEHEMIA 1:6

Tatap ma au Tuhan, jana tangihon ma tangiang na hupagincat tu adopanMu arian dohot borngin salaho tu halak Israel, angka naposoMi. Huoku do anggo hami bangso Israel madung mardosa; salangkan au pe dohot angka daompung na dung mardosa muse do.

JOB 42:6

Jadi gabe ila do rohangku paingot-ingot sude hatangku jana juguk di abu dohot orbuk do au manyolsoli rohangku.”

MASMUR 38:4

Mogap-ogap do au di bagasan pangalantap ni hasalaanku, maborattu boban ni dosangku tanggungonku.

MASMUR 38:5

Marnanai angka na mabugang i jana muap bau, hara ni na dung mangasa bodo au.

HARURUAR 32:31

Jadi diulahi si Musa ma mangadop tu Tuhan ning ia ma, “Iale, madung mardosa godang bangso on, harana madung dibaen halahi debata sere di halahi jana disomba.

JESAYA 1:18

Ninna Tuhan do: “Ro ma hamu anso tapadenggan. Haru pe rara dosamu songon kirmisi, ias do baenonKu songon itak, haru pe rara songon hasumba, bontar do baenonKu songon hapas.

JESAYA 59:12

Tutu, bahat do hasalaannami maradopkon Ho; angka dosanami pasalahon hami. Satutuna sadar do hami di hajahatannami, dohot di sude dosa-dosa nami.

JEREMIA 3:3

Patunda ni i do gabe so aek sian langit, jana udan na somal di musimna nada unjung ro. Suman do ho tu siboru panggampang na so umboto hahaila.

JEREMIA 31:19

Madung hami hudukkon Ho tapi parbuatannami i hami solsoli do. Dung diuhumi Ho hami, mangunduk do ulunami hara ni arsaknami. Maila hami jana marbile dibaen mardosa taran poso dope.’

JEREMIA 51:9

Marsipandohonan ma halak sileban na maringanan disi na sada tu donganna, ‘Madung hita usahahon mangurupi Babel, hape nada tolap hita! Gumonan noma morot hita sian luat on jana marmulahan be ma hita tutanonta be. Na niuhum ni Tuhan do Babel sagogona, jana dironcohon Ia sudena.’ ”

JEREMIA 6:15

Angkon maila do nian halahi hara ni sude parbuatan ni halahi na jat i. Hape sihapal bohi do halahi jana na so umboto ila. Patunda ni i angkon gabe madabu do halahi songon halak na asing na dung madabu i; abis noma barita ni halahi muda jabat Au manguhum halahi. Au Tuhan, madung mandok songon i.”

JEREMIA 8:12

O hamu bangsongKu, patut nian maila ma hamu hara ni sude halayason na dung nibaenmunu on! Hape hapal do bohimunu jana nada mamboto hahaila. Jadi hara ni i angkon madabu hamu songon halak na asing na dung madabu i; abis ma riwayatmunu muda dung Huuhumi hamu. Au Tuhan, madung mandok songon i.”

ANDUNG 3:42

“Mardosa do hami jana mangalo tu Ho, ale Tuhan, jana nada dilehen Ho ampunan.

JEHESKIEL 16:63

SesaonKu ma sude hasalaanmu, tapi nada tarhalupahon ho i jana ila ma rohamu laho mandok sanga na aha. Au Tuhan Debata madung mandok songon i.”

HAMALIMON 26:40

Tapi anggo pomparanmu dioku halahi do dosa ni halahi sandiri dohot dosa ni ompu ni halahi, na dung mardosa hara ni na dialo halahi Au,

LUKAS 15:21

Didok ia tu amangnia i, ‘O amang, madung mardosa au adop Debata bope maradopkon damang. Nada tama be didok au anak ni damang.’

LUKAS 18:13

Tapi anggo sitagi pajak i jongjong ma ia mandao-dao jana inda puluk ia mardongak adop langit. Ditompuhi ia andorania i didok ia ma, ‘O ale Debata, ibo ma rohaMu mida au pardosa on!’ ”

SURAT NI SI PAULUS TU PARLAGUTAN ROM 6:21

Antong, parbatu aha ma na dapot hamu sian i? Sudena i mambaen hamu maila saonnari, angke hamatean do ujung ni i.

HALUMBAAN 18:5

Angke martamba-tamba do dosania sungkot ro di langit, jana dipaingot-ingot Debata do angka dosana i.