ESRA 9:4 - BIBEL JAMITA NA DENGGAN

⁴ Laing sai juguk ma au songon i lopus tu na pasahatkon haul andospotang. Dung i marroan ma halak mangarongomi au. Mabiar be ma halahi marningot ancaman ni Debata ni Israel maradopkon dosa ni angka jolma na dung mulak i sian habuangan i.

ESRA 9:4 ပူးပေါင်းရင်းမြစ်များ

2 JUJUR TAON 34:27

jana hara ni i gabe manyosal jana dipatoruk ho rohamu di jolongKu. Disibakkon ho pakeanmu jana mangandungi ho hara ni marsakmu di na nibegemu ancaman na Hudok laho manguhum Jerusalem dohot halak na maringanan disi. Madung Hutangihon tangiangmi

ESRA 10:3

Tole ma marsumpa hita tu Debata, bahaso na giot paorotonta sude dadaboru i rap dohot angka dakdanak ni halahi i. Ihutkononnami noma sude sipaingotmu dohot angka sipaingot ni angka halak na asing na pasangapkon parenta ni Debata. Oloannami noma Tona Ni Debata.

ESRA 10:9

Dung tolu ari di tanggal dua pulu bulan sambilan, sude halaklahi na maringanan di tano Juda dohot Benyamin marroan ma tu Jerusalem jana marlagut di alaman ni Bagas Ni Tuhan. Ro ma udan na gogo situtu di hatiha i. Humitir ma sude halak hara ni ngalina ari i dohot hara ni pentingna parpunguan i.

MASMUR 119:136

Mabaor ilungku songon batang aek, hara ni TonaMu na so dipatulus.

HARURUAR 29:39

Sada ma i haul manyogotna jana na sada nari ma i tu andospotang.

HARURUAR 29:41

Anak ni biri-biri na paduahon i nihaulkon ma i andospotang rap dohot sakilo topung, saliter miak zetun dohot saliter anggur. On ma na gabe haul panganon di Au, Tuhan jana uapna i ma na pasonang rohangKu.

JESAYA 66:2

Nada he tanganKu do mambaen sasudena umbahen masa na songon on? Songon i do pandok ni Tuhan. Tapi tu halak si songon on ma nolnol Au marnida, jolma na tartindas dohot na maheu, na mabiar tu hatangKu.

JESAYA 66:5

Tangihon hamu ma sanga aha na nidok ni Tuhan, hamu ale angka na mabiar dohot na burju mangoloi Ia, “Dibaen setia do hamu tu Au, gabe sihagigian ma hamu di deba sian bangsomunu sandiri jana nada ra halahi margaul dohot hamu. Pacia-ciaon ni halahi ma hamu mandok, ‘Sai dipatidahon Tuhan nian hagodanganNia jana dipalua hamu anso tarbaen hami dohot marnida hamu marjop ni roha.’ Tapi halahi sandiri do nian na giot pailaon.

JEHESKIEL 9:4

Didok Tuhan ma tusia: “Mardalan ma ho sian tonga-tonga ni kota Jerusalem, jana suratkon ma hurup T di ganop bohi ni halak na marsak dohot na susa hara ni sude parbuatan sihagigian na dibaen di kota on.”

DANIEL 10:2

Marsiluluton do au di hatiha i tolu minggu.

DANIEL 9:21

Taran na martangiang i au, habang ma adop au Gabriel na dung huida di bagasan parnidaanku na salpu i. Hatihana ma dompak i di halak manghaulkon haul potang ari.

BILANGAN 25:6

Dompak tumatangis si Musa dohot na bahat i di pintu ni Bandar Parmianan Ni Tuhan, diida halahi ma sahalak Israel maroban sada boru Midian masuk tu bandarna.

BAENON NI ANGKA RASUL 3:1

Sanoli rap kehe ma si Petrus dohot si Johannes tu Bagas Ni Debata pukul tolu andospotang, i ma hatiha ni na martangiang.