ESRA 9:11 - BIBEL JAMITA NA DENGGAN

¹¹ na nilehenMu tu hami markite-hite angka panurirang, i ma angka naposoMi. Dipaboa halahi do tu hami, anggo tano na giot siinganannami i nada ias harana antong sudena halak na maringanan disi sian topi tu topi mambaen na hodar do dohot sihagigian.

ESRA 9:11 ပူးပေါင်းရင်းမြစ်များ

2 RAJA-RAJA 21:16

Na lobi bahat do dibunu si Manase halak na so marsala jabat do durus mudar sap di Jerusalem. I ma dosa na nibaennia tamba ni na mambaen halak Juda gabe mardosa tu Tuhan hara ni na mamele gana-ganaan.

2 JUJUR TAON 33:2

Mardosa do si Manase tu Tuhan, hara ni na mangihutkon angka hasomalan na jahat sian angka bangso na niusir ni Tuhan sian Kanaan di hatiha na masuk halak Israel tu luat i.

ESRA 6:21

Sudena ma mangankon haul i, i ma halak Israel na dung mulak sian habuangan dohot halak luat i na dung manadingkon parngoluonna na mardosa jana na ro laho marsomba tu Tuhan, Debata ni Israel.

ESRA 9:1

Dung dipatulus sudena i, ro ma tu au piga-piga halak hatobangon ni bangso Israel. Dipaboa halahi ma tu au na so disirang halahi dirina sian angka bangso na asing, na maringanan di na humaliang i, i ma bangso Amon, Moab, Mesir, Kanaan, Het, Peris, Jebus dohot Amori. Dohot do angka malim mambaen songon i dohot angka halak Levi. Sude do halahi dohot mambaen pangalaho hagigian i na nipambaenan ni angka bangso i.

ESRA 9:10

Hape saonnari, ale Tuhan Debata, dung sidung sudena i, aha be sidokkononnami? Madung hami pasiding mangulahi angka parentaMu,

JEREMIA 26:5

Angkon laing parrohahononmunu muse do hata ni naposongKu, i ma angka panurirang na sai marpupu Husuru tu hamu. Hape nada ra hamu mangoloi sanga aha na didok ni halahi.

2 KORINTUS 7:1

Antong hamu ale dongan na nihaholongan! Tu hita do dibaen angka janji i sudena. Tapaias ma dirinta sian sasude na pahodarkon pamatang dohot rohanta. Tahabiari ma Debata, anso sanggam tarbaen hita mangolu mamunjung tu Debata.

PANGARATAION 12:31

Ulang cubo-cubo hamu maniru pambaen ni halahi marsomba tu angka debata ni halahi laho manyomba Tuhan Debatamunu, angke dompak marsomba, dipatupa halahi do angka pangalaho na jorbut na nihagigihon ni Tuhan. Salang angka dakdanak ni halahi sandiri pe antong ditutung halahi do di ginjang ni langgatan gabe songon haul tu angka debata ni halahi i.

PANGARATAION 18:12

Dihagigihon Tuhan Debatamunu do halak na mambaen pangalaho na jahat i, jana hara ni i do umbaen na nipaorotNia angka bangso sian jolomunu.