ESRA 9:1 - BIBEL JAMITA NA DENGGAN

¹ Dung dipatulus sudena i, ro ma tu au piga-piga halak hatobangon ni bangso Israel. Dipaboa halahi ma tu au na so disirang halahi dirina sian angka bangso na asing, na maringanan di na humaliang i, i ma bangso Amon, Moab, Mesir, Kanaan, Het, Peris, Jebus dohot Amori. Dohot do angka malim mambaen songon i dohot angka halak Levi. Sude do halahi dohot mambaen pangalaho hagigian i na nipambaenan ni angka bangso i.

ESRA 9:1 ပူးပေါင်းရင်းမြစ်များ

PAMUNGKAAN 15:16

Dung opat sundut pe anso mulak mangulahi pomparanmu tuson, angke nada paorotonKu dope halak Amori painte so santak jahat ni halahi anso tumbuk uhumon.”

1 RAJA-RAJA 11:1

Por ma roha ni si Salomo mida bahat dadaboru sian bangso na asing. Asing sian boru ni raja Mesir i, laing dibuat si Salomo do muse angka boru Het, boru Moab, boru Amon, boru Edom dohot boru Sidon.

2 JUJUR TAON 33:2

Mardosa do si Manase tu Tuhan, hara ni na mangihutkon angka hasomalan na jahat sian angka bangso na niusir ni Tuhan sian Kanaan di hatiha na masuk halak Israel tu luat i.

2 JUJUR TAON 8:7

Sude pomparan ni halak Kanaan na so dibunu ni halak Israel di hatiha na mangarampas luat i halahi, diarahon si Salomo ma i markarejo paksa. I ma angka halak Het, Amori, Peris, Hewi dohot Jebus. Lopus saonnari laing hatoban do pomparan ni halahi.

ESRA 10:2

Dung i mandok hata ma si Sekanya anak ni si Jehiel tu si Esra, “Ma mardosa hami tu Tuhan hara ni na mambuat boru ni bangso na asing. Haru songon i pe, laing adong dope siaropon ni roha ni Israel.

ESRA 10:8

Sanga ise na so ro di bagasan tolu ari, disita ma sude sinadonganna jana diharuarkon ma halakna i sian masarakat. Diteken angka pamimpin ni rayat i do boa-boa i.

NEHEMIA 13:23

Laing huida muse ma di hatiha i na dung bahat do hape halak Jahudi na mambuat boru sian bangso Asdod, Amon dohot Moab.

NEHEMIA 4:3

Si Tobia na jongjong di lambungnia i pe, mandok hata muse ma, “Ligi hamu ma tembok na nibangun ni halahi i! Anjing harangan pe, tarrumpakkonsa do i!”

NEHEMIA 4:7

Di na tarbege tu si Sanbalat, si Tobia dohot angka halak na sian Amon dohot Asdod maradu angka halak Arab bahaso na dung mur maju na padenggankon tembok ni Jerusalem i jana na dung mamungka ditutup angka lubang-lubang na di tembok i, gabe sun ma muruk ni halahi.

MASMUR 106:35

Mur margaul muse dope halahi tu angka bangso i, adat ni halak na so mananda Debata, ditiru halahi.

HARURUAR 13:5

Mardongan sumpa dijanjihon Tuhan tu ompumunu laho pasahatkon tu luat ni halak Kanaan, Het, Amori, Hewi dohot Jebus. Dung dioban Tuhan hamu tu luat na mora bope na napu i, ganop taon di bulan parjolo angkon hagodangkononmunu do pesta on.

HARURUAR 23:23

Joloanan ni surusuruanKi ma hamu jana obanonnia hamu tu luat ni halak Amori, halak Het, halak Peris, halak Kanaan, halak Hewi dohot halak Jebus, jana haromkononKu ma halahi sude.

HARURUAR 33:16

Sian dia ma antong parbinotona bahaso na lomo rohaMu di bangsoMon dohot tu au anggo na so dongananMu hami? Nada he hara ni na rap do Ho dohot hami umbaen na markoti bangsoMi sian angka bangso na asing di tano on?”

JESAYA 52:11

Mandao ma ho, mandao ma ho! Ruar ma ho sian i! Ulang ho dais tu na hodar! Ruar ma ho sian tonga-tonga ni halahi, paias ma dirimu, ale hamu na maroban parkokas ni Bagas Ni Tuhan.

JEREMIA 26:10

Di na tarboto tu angka pamimpin ni Juda na masa i, diompoti halahi ma haruar sian bagas godang ni raja i lalu kehe tu Bagas Ni Tuhan jana marjuguhan halahi di Pintu Horbangan Baru.

JEREMIA 26:16

Jadi gabe didok angka pamimpin dohot rayat i ma tu angka malim, dohot angka panurirang i, “Mangasahon goar ni Tuhan Debatanta do bayo on mangkatai; nada patut ia mate niuhuman.”

HAMALIMON 18:3

Ulang tiru pangalaho ni halak Mesir na dung jungada diingani hamu luat ni halahi, sanga pe maniru halak Kanaan, na giot masuhanmunu luat ni halahi mardongan partolonganKu.

MALEAKI 2:11

Dilaosi Juda parjanjian ni halahi dohot Debata, jana dibaen halahi pangalaho na jorbut di Jerusalem dohot di sude luat i. Dipahodar halahi do Inganan Na Badia na nihaholonganNia i. Dibuat halahi do angka boru na marsomba tu angka debata ni bangso sileban.

BILANGAN 23:9

Sian angka dolok na gincat, tarida ma bangso i. Sian puncut ni angka tor, huida halahi. Diboto halahi do na nipasupasu halahi so adong bangso na asing mangalobi i.

BILANGAN 25:6

Dompak tumatangis si Musa dohot na bahat i di pintu ni Bandar Parmianan Ni Tuhan, diida halahi ma sahalak Israel maroban sada boru Midian masuk tu bandarna.

PANGARATAION 18:9

“Muda masuk hamu tu tano na nilehen ni Tuhan Debatamunu i tu hamu, ulang antong tiru hamu angka pangalaho hagigian na nibaen ni angka bangso na adong disi.

PANGARATAION 23:8

Mamungka sian sundut patoluhon dohot sundut na mangihut sian pomparan ni halahi tola do gabe anggota ni bangso ni Tuhan.”

PANGARATAION 7:1

“Giot obanon ni Tuhan Debatamu ma ho tu tano siingananmu jana paorotonNia ma bahat bangso sian i. Di jolo ni matamu ayahonNia ma pitu bangso na gumodang jana na gumogo sian ho: Halak Het, Girgasi, Amori, Kanaan, Peris, Hewi dohot Jebus.

JOSUA 23:12

Muda nada setia be hamu, gabe diihutkon hamu angka bangso na tinggal i dope di tonga-tongamunu jana marbagasi hamu dohot halahi,