ESRA 8:18 - BIBEL JAMITA NA DENGGAN

¹⁸ Hara ni denggan ni roha ni Debata, disuruhon halahi ma tu hami si Serebia, sada halak Levi na pistar na sian horong Mahli. Laing ro do rap dohot ia angka dakdanak dohot angka kahangginia salapan bolas halak bahatna.

ESRA 8:18 ပူးပေါင်းရင်းမြစ်များ

1 JUJUR TAON 6:1

Adong do tolu anak ni si Levi: Si Gerson, si Kehat, dohot si Merari.

1 JUJUR TAON 6:19

Si Mahli dohot si Musi ma anak ni si Merari.

1 JUJUR TAON 6:4

Parjojor ni tarombo ni si Eleasar songon on ma: Pinehas, Abisua,

2 JUJUR TAON 30:22

Malo-malo do antong angka halak Levi i mamimpin ibadat tu Tuhan, jabat do dipuji si Hiskia halahi. Dung adong pitu ari lolotna halahi na manghaulkon haul i dohot na mandok tarimakasi i tu Tuhan, Debata ni ompu ni halahi,

ESRA 7:28

Marhite pangurupi ni Debata gabe jop roha ni raja i, angka panuturina dohot parpangkat na markuaso disi mida au. Madung dilehen Tuhan Debatangku semangat tu au, jadi gabe marhasil au marpio bahat kapala ni horong ni Israel anso mulak tu Jerusalem. ”

ESRA 7:6

Halak na marsikola do si Esra jana bahat do na binotonia salaho tu Uhum na nilehen ni Tuhan, Debata ni Israel tu si Musa. Dibaen dipasupasu Tuhan Debata do si Esra, gabe dilehen raja ma disia sandok na nipangidonia. Di taon papituhon mamarenta Raja Artahsasta, marangkat ma si Esra sian Babel manuju Jerusalem rap dohot sarombongan halak Israel, i ma angka malim, halak Levi, angka parende maradu panjago horbangan ni Bagas Ni Tuhan, dohot angka parkarejo.

ESRA 8:16

Jadi hupiohon ma sambilan halak sian tonga-tonga ni angka pamimpin i, i ma si Elieser, si Ariel, si Semaya, si Elnatan, si Jarib, si Elnatan, si Natan, si Zakaria, si Mesulam dohot muse dua guru, i ma si Joyarib dohot si Elnatan.

ESRA 8:19

Laing disuru do tu hami si Hasabya dohot si Jesaya na sian horong Merari rap dohot dua pulu halak kahanggi ni halahi.

ESRA 8:22

Maila do au laho mangido tentara na markudo tu raja i, laho manjagohon hami nian maradopkon musu di pardalanan i. Harana madung hudok tusia, bahaso na sai dipasupasu Debatanami do ganop halak na porsaya diSia jana dihasogohon bope diuhum Ia do ganop halak na so setia tuSia.

ESRA 8:24

Sian tonga-tonga ni angka malim na sumangap, hupili ma dua bolas halak: Si Serebia, si Hasabia dohot sampulu halak nari.

NEHEMIA 12:24

Dibagi-bagi do halak Levi marrombongan-rombongan, i ma na nipimpin ni si Hasabia, si Serebia, si Jesua, si Binui dohot si Kadmiel. Ganop mamuji Tuhan, dua rombongan ma na markarejo dohot na pasahat tarimakasi tuSia marsibalos-balosan, songon na niaturkon ni Raja Daud, naposo ni Debata i.

NEHEMIA 2:8

Tamba ni i, laing hupangido dope surat tu si Asap panjago ni harangan harajaan, anso dipasingkop ia hayu sibaenon tu pintu horbangan ni benteng na manjagohon Bagas Ni Tuhan, dohot sipakeon di tembok ni kota dohot bagas na giot ingananku. Dioloi raja i do sude pangidoanki, dibaen ditolong Debata do au.

NEHEMIA 8:7

Dung salpu i jongjong ma halahi di ingananna be, lalu adong ma sanga na piga halak Levi na patorangkon Uhum i tu halahi, i ma si Jesua, si Bani, si Serebya, si Jamin, si Akub, si Sabetai, si Hodia, si Maaseya, si Kelita, si Asarya, si Josabad, si Hanan dohot si Pelaya.

PODA 24:3

Mardongan bisuk dohot parbinotoan do dibangun rumahtangga.

PODA 3:6

Ingot ma Tuhan di bagasan sude na nikarejohonmu, anso dipatuduhon Ia tu ho dalan parngoluon na sintong.

JEREMIA 3:15

LehenonKu ma di hamu angka pamimpin na burju mangoloi Au. Pimpinon ni halahi ma hamu mardongan habisuhon bope marhite parbinotoan.

DANIEL 1:20

Ganop dipasahat raja i parsoalan na mamorluhon hatorangan dohot partimbangan, sampulu lompit dumenggan diida ia sipaingot dohot hatorangan ni doli-doli na opat i martimbangkon sipaingot dohot hatorangan ni sude partondung dohot panjampi na malo di sude harajaan i.

1 KORINTUS 14:20

Hamu ale angka dongan! Ulang ma songon dakdanak parrohaonmunu. Taringot tu hajahatan, sugari laing tong ma hamu songon dakdanak na menek. Tapi anggo diparrohaon, gabe songon halak na dung impas godang ma hamu.