ESRA 8:16 - BIBEL JAMITA NA DENGGAN

¹⁶ Jadi hupiohon ma sambilan halak sian tonga-tonga ni angka pamimpin i, i ma si Elieser, si Ariel, si Semaya, si Elnatan, si Jarib, si Elnatan, si Natan, si Zakaria, si Mesulam dohot muse dua guru, i ma si Joyarib dohot si Elnatan.

ESRA 8:16 ပူးပေါင်းရင်းမြစ်များ

1 RAJA-RAJA 3:11

gabe didok ma tusia, “Dibaen habisuhon do dipangido ho laho mamarenta di bagasan hatigoran, nada umur na ginjang sanga hamoraonmu sanga pe hamamate ni angka musumu,

1 JUJUR TAON 26:14

Si Selumia dapotan karejo manjago di pintu adop Habincaran. Anaknia si Zakaria, na sai tongtong mangalehen sipaingot na denggan, dapotsa bagianna manjago pintu na mangadop tu Utara.

2 JUJUR TAON 2:12

Nipuji ma da Tuhan Debata ni Israel. Na manompa langit dohot tano on! Dilehen Ia do antong sada anak na sun marbisuk jana na marparbinotoan di si Daud, i ma na giot pajongjongkon Bagas di Tuhan dohot bagas godang diSia sandiri.

ESRA 10:21

Horong Harim: Si Maaseya, si Elia, si Semaya, si Jehiel dohot si Usia.

ESRA 8:15

Hupalagut ma sude rombongan i di topi ni batang aek na pahae tu kota Ahawa, lalu disi ma hami marbandar tolu ari lolotna. Dung hupareso, hape adong do sanga na piga malim sian tonga-tonga ni halahi, tapi nada adong sahalak pe sian Marga Levi.

ESRA 8:17

Dung i huutus ma halahi mandapotkon si Ido, kapala ni masarakat na di Kasifia, mardongan pangidoan anso ditongoskon si Ido dohot angka donganna parkarejo di Bagas Ni Tuhan tu hamu angka halak na laho mangoloi di Bagas Ni Tuhan.

ESRA 8:18

Hara ni denggan ni roha ni Debata, disuruhon halahi ma tu hami si Serebia, sada halak Levi na pistar na sian horong Mahli. Laing ro do rap dohot ia angka dakdanak dohot angka kahangginia salapan bolas halak bahatna.

PODA 2:6

Tuhan do na mangalehen habisuhon; sian Ia do dapot jolma parbinotoan dohot pangastuion.

PODA 20:5

Isi ni roha ni jolma tarsongon sumur na bagas; tapi tartimba halak na adong parbinotoanna do sumur na bagas i.

PODA 28:2

Marpupu margonti do raja ni bangso pardosa; sai hot do marbungaran anggo bangso na marraja na marroha.

DANIEL 2:21

Ia do na manontuhon musim dohot hatiha, dibalikkon Ia do parkuaso jana dipajongjong Ia. Laing Ia muse do na mangalehen habisuhon, jana na mambasa-basahon parbinotoan.

2 TIMOTEUS 2:7

Pikiri ma jolo sanga aha na hupajojor on, angke dilehen Tuhan do di ho gogo laho mangastui sasudena i.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.