ESRA 7:27 - BIBEL JAMITA NA DENGGAN

²⁷ Jadi didok si Esra ma, “Puji ma Tuhan, Debata na nisomba ni ompunta i! Madung disungguli Ia roha ni raja gabe ra ia mangalehen rohana tangkas tu Bagas Ni Tuhan di Jerusalem.

ESRA 7:27 ပူးပေါင်းရင်းမြစ်များ

ESRA 6:22

Pitu ari lolotna halahi marjop ni roha mamestahon Pesta Ni Roti Na So Marragi i. I noma jop ni roha ni halahi hara ni na nibaen ni Tuhan marburju ni roha raja ni Asur tu halahi gabe diurupi halahi di bagasan karejo na mambangun mangulahi Bagas Ni Tuhan, Debata ni Israel i.

JESAYA 60:13

Hasangapon ni Libanon, i ma: Hayu ampolu, barangan dohot sampinur, hayu hasurungan ni tombak Libanon na jeges i, dioban ma i tu ho, kota na badia laho mangulahi mambangunsa, jana mambaen BagasKu jumagar boti mambaen inganan ni patKu marmulia.

HALUMBAAN 17:17

Angke na dung digorakkon Debata do roha ni halahi laho patuluskon sangkap ni Debata. Dibaen Debata ma halahi satahi laho pasahatkon kuaso ni halahi tu binatang i, anso binatang i noma torus mamarenta lopus tarjadi sude na nidok ni Debata.

JAKOBUS 1:17

Ganop silehen-lehen na denggan jana na sanggam sian banua ginjang i do ro; na nipaijur ni Debata na manompa sasudena na torang di langit i do sudena i. Ia do Debata na so muba-uba, jana nada mandao muse Ia sian hita, gabe adong do tading halinuNa humaliang hita.

IBRANI 10:16

“ ‘On ma janji na giot baenonKu dohot halahi tu ari na giot ro,’ ninna Tuhan i, ‘SuratkononKu ma angka TonangKu tu bagasan roha ni halahi, jana suankononKu ma i tu pikiran ni halahi.’

IBRANI 8:10

Tapi saonnari, on ma janji na Hubaen dohot Israel tu angka ari na giot ro: SuankononKu ma angka tona tu bagasan pikiran ni halahi, jana suratkononKu tu ate-ate ni halahi. Debata ni halahi noma Au, jana halahi ma gabe bangsongKu.

2 KORINTUS 8:16

Tarimakasi do hami dok tu Debata hara ni na dung mangalehen ringgas ni roha tu si Titus gabe songon hami laho mangurupi hamu!

NEHEMIA 2:12

Salolot na tolu ari i nada hupaboa sanga na tu ise pe bahaso na nilehen ni Debata boa-boa tu au laho mambangun kota Jerusalem mangulahi. Borngin-borngin ancogotna i ngot ma au jana hupiohon ma angka dongan sanga na piga halak kehe tu ruar ni kota. Asing sian halode na hutengget i, nada adong hami oban pahan-pahanan sitenggeton na asing.

NEHEMIA 2:8

Tamba ni i, laing hupangido dope surat tu si Asap panjago ni harangan harajaan, anso dipasingkop ia hayu sibaenon tu pintu horbangan ni benteng na manjagohon Bagas Ni Tuhan, dohot sipakeon di tembok ni kota dohot bagas na giot ingananku. Dioloi raja i do sude pangidoanki, dibaen ditolong Debata do au.

PILIPPI 4:10

Marjop ni roha situtu do au di bagasan Tuhan i, dibaen margogo hamu mangulahi manyarihon au. Disarihon hamu do au nian, tapi nada adong hatihamu di hatiha na jolo i.

PODA 21:1

Diatur Tuhan do pardalan ni batang aek marguru tu hagiotNa, songon i muse do diatur Ia pikiran ni raja.

NEHEMIA 7:5

Jadi diparrohai Debata ma au laho palagutkon rayat i dohot angka pamimpin maradu hatobangonna anso bolas etongonku halahi hombar tu buku tarombo ni halahi be. Na dung jolo dapot au do di hatiha i suratna taringot tu angka halak na parjolo mulak sian habuangan. Songon on ma hatorangan na dapot au sian catatan i:

HARURUAR 8:9

Dialusi si Musa ma, “Sian sonang ni rohangku hutangiangkon pe raja i. Tontuhon ma hatihana jana tangiangkononku ma raja i, angka menteri maradu sude rayat ni raja i. Dung i malua ma raja i sian gangguan ni angka tohuk i, jana nada adong be na tinggal asing sian na di Batang aek Nil.”

2 JUJUR TAON 31:8

Marnida sumbangan na bahat i, dipasangap Raja Hiskia dohot angka pagawenia ma Tuhan jana dipuji halahi ma rayat ni Israel i.

LUKAS 7:5

harana dihaholongi ia do bangsonta jana madung dipajongjong ia bagas paribadatan di hami.”