ESRA 7:25 - BIBEL JAMITA NA DENGGAN

²⁵ Ale Esra, pake ma habisuhon na nilehen ni Debata tu ho, jana angkat ma angka pamimpin dohot angka panguhum laho mamarenta sude halak na di propinsi Efrat Hasundutan na mangihutkon Uhum Ni Debatamu di ngoluna. Sai ajarkon ma antong Uhum i tu sude halak na so umbotosa dope.

ESRA 7:25 ပူးပေါင်းရင်းမြစ်များ

PAMUNGKAAN 41:38

jadi didok raja i ma tu halahi, “Aropku nanggo dapot hita be da na dumenggan halakna sian si Josep on, harana ia do na nigohan ni Tondi Ni Debata.”

PAMUNGKAAN 41:39

Jadi didok raja i ma tu si Josep, “Na nipaboa ni Debata do i sude tu ho, jadi tangkas ma di hami, ho do na umpistar dohot na umbisuk ulang sanga ise.

1 RAJA-RAJA 3:28

Dung dibege halak Israel haputusan ni si Salomo taringot tu parkaro i, gabe homang ma halahi jana dipasangap halahi ma si Salomo. Tangkas ma tarida, na dung dilehen Debata disia habisuhon laho manimbang parkaro di bagasan hatigoran.

2 RAJA-RAJA 17:27

Jadi gabe diparentahon raja Asur ma anso disuru sahalak malim sian angka na tartaban i mulak tu Samaria. “Suru ma sahalak mulak tusi anso adong mangajari angka jolma i taringot tu angka uhum, na di luat i,” ning raja i.

1 JUJUR TAON 22:12

Jana sai ibo nian roha ni Tuhan Debatami laho mangalehen habisuhon dohot roha di ho anso tarrajai ho Israel hombar tu angka aturanna.

1 JUJUR TAON 23:4

Jadi disuru ia ma 24.000 halak sian halahi laho mangawasi parkarejoan di Bagas Ni Debata, onom ribu halak manjama soal administrasi dohot parkaro-parkaro pangadilan,

ESRA 10:4

Angkon ho noma na martindak. Hami urupi ma ho di sasudena. Tegas ma baen lopus beres.”

ESRA 6:6

Dung i ditongoskon si Darius ma alusna songon on, “Mandapotkon si Tatnai, gubernur ni propinsi Efrat Hasundutan dohot si Setar Bosnai, maradu angka pejabat na di Efrat Hasundutan. Ulang hahua hamu angka halak Jahudi i,

ESRA 7:10

Madung dipasada si Esra rohania tu na manangkasi Tona Ni Tuhan, laho patuluskonsa lalu mangajarkon sude hatontuan dohot paraturanna i tu bangso Israel.

ESRA 7:14

Harana au dohot panuturingku sipitu halak i mangutus ho tu Jerusalem dohot Juda laho manangkasi pangalahona dohot mangaligi sanga na tutu situtu do Uhum Ni Debata na nipasahatna i tu ho, dioloi.

NEHEMIA 9:3

Hira-hira tolu jom lolotna disise ma tu halahi buku Tona Ni Tuhan, Debata ni halahi jana tolu jom nari halahi mangoku angka dosa ni halahi. Dung salpu i manungkap ma halahi jana marsomba Tuhan, Debata ni halahi.

MASMUR 19:7

Sanggam do Tona Ni Tuhan, pasonang rohaniba. Haposan do parenta ni Tuhan, mambaen marbisuk halak na lidang.

PODA 2:6

Tuhan do na mangalehen habisuhon; sian Ia do dapot jolma parbinotoan dohot pangastuion.

PODA 6:23

Angke songon palito do poda i; jana dalan hangoluan sipaingotna.

MALEAKI 2:7

Harana pamangan ni angka malim manjagohon parbinotoan jana dijalahi halak do pangajaran sian pamanganna, harana i do suruan ni Tuhan Na Markuaso.

MATEUS 13:52

Dung i ninna Jesus ma, “Hara ni i ma, sude Siboto Surat na dung mangguruhon Harajaan Ni Banua Ginjang i, gabe tarsongon sada halak tuan di sada bagas do i, na paruarkon sian panyimpananna sude barang-barangnia sigodang arga, na imbaru dohot na dung honok.”

MARKUS 6:34

Jadi dung mijur Jesus sian parau i, diida Ia ma, hape ma disi halak na bahat i. Ibo ma rohaNia mida halahi angke songon biri-biri na so diparmahani do halahi diida Ia. Ia pe antong mamungka ma mangajari halahi. Bahat do na niajarkonNia tu halahi.

PANGARATAION 16:18

“Di ganop kota na nilehen ni Tuhan Debatamunu tu hamu angkon angkatonmunu do panguhum dohot angka parkarejo na asing laho manguhumi rayat i di bagasan na sintong.

KOLOSSE 1:28

Kristus do na hami jamitahon tu ganop halak. Hami paingot do halahi sudena jana hami ajari mardongan sudena hamaloan na adong di hami. Anggo tujuannami, anso sude do jolma taroban tu Debata songon halak na dung impas godang di angka pangalaho partondion, hara ni na dung mardomu dohot Kristus.

JAKOBUS 1:5

Muda adong sanga ise sian hamu na hurang marroha, dipangido ia ma habisuhon sian Debata, gabe lehenon ni Debata ma disia habisuhon. Angke tu ganop halak do Debata mangalehen jana mardongan ibo ni roha.