ESRA 7:14 - BIBEL JAMITA NA DENGGAN

¹⁴ Harana au dohot panuturingku sipitu halak i mangutus ho tu Jerusalem dohot Juda laho manangkasi pangalahona dohot mangaligi sanga na tutu situtu do Uhum Ni Debata na nipasahatna i tu ho, dioloi.

ESRA 7:14 ပူးပေါင်းရင်းမြစ်များ

ESRA 1:3

Sai dijagohon Debata ma hamu sude na gabe bangsoNia. Angkon mulak noma hamu tu Jerusalem jana bangunonmunu mangulahi Bagas Ni Tuhan, Debata ni Israel, Debata na disomba di Jerusalem.

ESRA 5:8

Diarop roha torang di raja i, bahaso na dung kehe hami tu propinsi Juda na hami ida anggo Bagas Ni Tuhan, Debata Na Bolon i, hatiha dibangun ma mangulahi dohot angka batu na godang-godang dohot angka tembok na nilampisan dohot hayu. Manat situtu do dibaen panjama ni karejo i jana lancar do pardalanna.

ESRA 6:12

Debata na mamili Jerusalem i gabe inganan parsombaan tuSia, sai dipusa Ia ma ganop raja sanga bangso na barani mangalanggar parenta on dohot na mancubo mangaroncohon Bagas Ni Tuhan na di Jerusalem i. Au si Darius, au do na mangalehen parentaon. Padalan ma i sadenggan-dengganna.”

ESRA 6:8

Rap dohot on huparentahon ma hamu laho mangurupi halahi di bagasan pambangunan i songon on ma carana: Sude biaya ni pambangunan i angkon buaton sian suha ni pajak negara na di propinsi Efrat Hasundutan jana angkon gararon ma i tu halahi ulang dipalambat-lambat.

ESRA 7:15

Giot pasahatonku dohot panuturingku sipitu halak i haul sere dohot perak tu Debata ni Israel, Debata na maringanan di Jerusalem i. Oban ma sihaulkononnami i.

ESRA 7:28

Marhite pangurupi ni Debata gabe jop roha ni raja i, angka panuturina dohot parpangkat na markuaso disi mida au. Madung dilehen Tuhan Debatangku semangat tu au, jadi gabe marhasil au marpio bahat kapala ni horong ni Israel anso mulak tu Jerusalem. ”

ESRA 8:25

Dung i hutimbang ma di halahi perak, sere dohot angka parkokas na dung disumbangkon ni raja i, angka panuturi maradu sude angka halak na sangap dohot na nilehen ni sude halak Israel, na laho sipakeon di bagasan Bagas Ni Tuhan. Hupasahat ma sudena i tu angka malim i.

ESTER 1:14

Anggo angka panuturi na jumotjot dipio raja i, i ma: Si Karsena, si Setar, si Admata, si Tarsis, si Meres, si Marsena dohot si Memukan. Halahi ma angka na sumurung sian Persia dohot Media na manjagit pangkat na gincat di harajaan i.

JESAYA 8:20

Songon on ma dok alusna, “Tangihon ma ajaran ni Tuhan! Ulang patangi-tangi datu. Nada adong guna ni na nidok ni halahi di ho.”

DANIEL 2:47

Didok raja i ma, “Tutu do Daniel, gumodang do Debatami sian sandok debata. Guru diSia do sude raja, jana na margogo mambuka rahasia. Huboto pe na songon i, hara ni na bisa do ho patorangkon astuan ni rahasia on.”

DANIEL 6:20

Di andostorang i ngot ma raja i, jana mopop ma ia kehe tu liang ni singa i.

DANIEL 6:26

Dung i ditongos Raja Darius ma surat tu angka jolma sian sandok bangso, marga ni bangso dohot hata na marragam-ragam na di tano on sudena. Ninna ma, “Sai martamba ma di hamu rasoki!

ZAKARIA 6:10

Didok Ia ma, “Buat ma haul na nilehen ni si Heldai, si Tobia, dohot si Jedaya i, i ma angka halak na baru mulak sian habuangan na di Babel i. Oban ma manigor haul ni halahi i tu bagas ni si Josia anak ni si Zepanya.