ESRA 7:13 - BIBEL JAMITA NA DENGGAN

¹³ Au mamarentahon, diisinkon kehe rap dohot ho sude malim, halak Levi dohot halak Israel na asing di sude harajaanku na marpor ni roha giot mulak tu Jerusalem.

ESRA 7:13 ပူးပေါင်းရင်းမြစ်များ

ESRA 1:3

Sai dijagohon Debata ma hamu sude na gabe bangsoNia. Angkon mulak noma hamu tu Jerusalem jana bangunonmunu mangulahi Bagas Ni Tuhan, Debata ni Israel, Debata na disomba di Jerusalem.

ESRA 5:13

Dung i si Kores ma na gabe raja ni Babel jana di taon na parjolo ia mamarenta, diharuarkon ia ma parenta laho mambangun Bagas Ni Tuhan i mangulahi.

ESRA 6:1

Dung i, dibaen ma panangkasion di bagasan arsip ni harajaan na disimpan di Babel hara ni parenta ni Raja Darius.

ESTER 3:15

Tibu ma markehean angka suruan na pataruhon surat i tu sude propinsi ni harajaan i. Diparentahon raja i ma anso laing dipabotohon barita i di Susan, kota sabungan ni Persia. Dung salpu i juguk-juguk ma si Haman dohot raja i minum anggur, tapi anggo kota Susan ma pola gaor patunda ni barita i.

ESTER 9:14

Dung i dilehen raja i ma parenta laho patuluskon pangidoan ni si Ester i; diparuar ma surat parenta tu kota Susan jana digantung ma bangke ni angka anak ni si Haman i.

MASMUR 110:3

Di ari haroromu mardongan kuaso maju ma rayatmu sian na nionjar ni rohana mardongan habadiaan. Songon ombun manyogot-nyogot marroan angka doli-doli mandapotkon ho.

MASMUR 148:6

Ditontuhon Ia ingananna be ro di salolot ni lolotna, hot do hatontuan i dioloi halahi sude.

DANIEL 6:26

Dung i ditongos Raja Darius ma surat tu angka jolma sian sandok bangso, marga ni bangso dohot hata na marragam-ragam na di tano on sudena. Ninna ma, “Sai martamba ma di hamu rasoki!

PILIPPI 2:13

angke Debata sandiri do na markarejo di bagasan dirimunu, na mambaen hamu gabe ra jana sanggup pasonangkon roha ni Debata.

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!