ESRA 7:12 - BIBEL JAMITA NA DENGGAN

¹² “Sian Raja Artahsasta tu Malim Esra, Ahli Uhum Ni Debata na markuaso di banua ginjang.

ESRA 7:12 ပူးပေါင်းရင်းမြစ်များ

1 RAJA-RAJA 20:1

Sanoli dipalagut si Benhadad raja ni Siria ma sude tentarania songon i rap dohot tolu pulu dua raja na asing mardongan kudo dohot kareta porang ni halahi; kehe ma ia manghobuk Samaria jana diporangi ia ma kota i.

1 RAJA-RAJA 4:24

Sude tano na di Hasundutan ni Batang aek Efrat sian Tifsah di Efrat lalu tu Hasundutan ni kota Gasa dirajai si Salomo. Sude raja na di Hasundutan ni Efrat tunduk do tusia jana sude harajaan hombar balokna mardame do dohot ia.

ESRA 1:2

“On ma parenta ni si Kores, raja ni Persia. Madung dibaen Tuhan, Debata Na Markuaso di banua ginjang au gabe raja di sandok portibi on, jana ditugaskon do au laho mambangun sada bagas diSia di Jerusalem na di tano Juda.

ESRA 4:17

Dibalos raja i ma songon on, “Mandapotkon Gubernur Rehum dohot si Simsai sekretaris propinsi maradu angka dongan ni halahi na maringanan di Samaria dohot di angka kota na asing di Efrat Hasundutan. Horas ma.

ESRA 7:1

Dung martaon-taon muse, dompak si Artahsasta mamarenta gabe raja di Persia, adong ma sada bayo na margoar si Esra, sian pomparan ni Malim Godang Harun. Songon on ma langka ni sundutnia sian toru tu ginjang: Esra Asarya Hilkia

ESRA 7:11

On ma dokumen na nilehen ni Raja Artahsasta tu si Esra, sada halak malim dohot Ahli Uhum,

ESRA 7:6

Halak na marsikola do si Esra jana bahat do na binotonia salaho tu Uhum na nilehen ni Tuhan, Debata ni Israel tu si Musa. Dibaen dipasupasu Tuhan Debata do si Esra, gabe dilehen raja ma disia sandok na nipangidonia. Di taon papituhon mamarenta Raja Artahsasta, marangkat ma si Esra sian Babel manuju Jerusalem rap dohot sarombongan halak Israel, i ma angka malim, halak Levi, angka parende maradu panjago horbangan ni Bagas Ni Tuhan, dohot angka parkarejo.

JESAYA 10:8

Dipaginjang ia ma rohania, ning ia ma, “Raja do sude angka panglimangku!

JEHESKIEL 26:7

Didok Tuhan Debata i ma, “ObanonKu ma Raja Nebukadnesar sian Babel mamorangi ho ale Tirus. Ro ma raja na gumogo i sian Utara mardongan tentara na bahat, dohot kudo na bahatan maradu angka kareta porang songon i muse parangan na markudo.

DANIEL 2:37

Na niparsangapan, raja i ma raja ni sandok raja; raja i do na sumangap. Dilehen Debata na di banua ginjang i do tu raja i harajaan on, kuaso, gogo dohot hagodangan.

DANIEL 2:47

Didok raja i ma, “Tutu do Daniel, gumodang do Debatami sian sandok debata. Guru diSia do sude raja, jana na margogo mambuka rahasia. Huboto pe na songon i, hara ni na bisa do ho patorangkon astuan ni rahasia on.”

1 TIMOTEUS 6:15

Tontuhonon ni Debata sandiri do di hatiha hadenggananNa anggo haroroNa i. Hum Ia do Parkuaso; na sangap, Raja ni sasudena raja jana Tuhan ni sasudena tuan.

HALUMBAAN 17:14

Na giot marporang do halahi mangalo Anak Ni Biri-biri i. Tapi taluhonon ni Anak Ni Biri-biri i ma halahi, angke Ia do Tuhan ni angka tuan jana Raja ni angka raja. Dung i monang ma na rap dohot Ia, i ma angka na nipiohon dohot na nipili dohot na setia.”

HALUMBAAN 19:16

Tarsurat do di baju jubaNia dohot di hae-haeNia i goar on, “Raja ni sasude raja jana Tuan ni sude tuan.”