ESRA 7:10 - BIBEL JAMITA NA DENGGAN

¹⁰ Madung dipasada si Esra rohania tu na manangkasi Tona Ni Tuhan, laho patuluskonsa lalu mangajarkon sude hatontuan dohot paraturanna i tu bangso Israel.

ESRA 7:10 ပူးပေါင်းရင်းမြစ်များ

1 JUJUR TAON 29:18

Ale Tuhan, Debata na nisomba ni si Abraham, si Ishak dohot si Jakob ompunami i, jagohon ma bangsoMon anso hot songon i holong ni rohanami tu Ho jana urupi ma halahi anso tongtong burju mangoloi Ho.

2 JUJUR TAON 12:14

Mambaen na jahat do si Rehabeam hara ni na so marusaha ia patuluskon hagiot ni Tuhan.

2 JUJUR TAON 19:3

Haru songon i pe, laing adong do nian na denggan di raja i. Dipaduru raja i do sude patung ni Debata Asera na nisomba ni rayat i jana diusahahon raja i do laho mangihutkon hagiot ni Debata.”

2 JUJUR TAON 30:22

Malo-malo do antong angka halak Levi i mamimpin ibadat tu Tuhan, jabat do dipuji si Hiskia halahi. Dung adong pitu ari lolotna halahi na manghaulkon haul i dohot na mandok tarimakasi i tu Tuhan, Debata ni ompu ni halahi,

ESRA 7:11

On ma dokumen na nilehen ni Raja Artahsasta tu si Esra, sada halak malim dohot Ahli Uhum,

ESRA 7:25

Ale Esra, pake ma habisuhon na nilehen ni Debata tu ho, jana angkat ma angka pamimpin dohot angka panguhum laho mamarenta sude halak na di propinsi Efrat Hasundutan na mangihutkon Uhum Ni Debatamu di ngoluna. Sai ajarkon ma antong Uhum i tu sude halak na so umbotosa dope.

ESRA 7:6

Halak na marsikola do si Esra jana bahat do na binotonia salaho tu Uhum na nilehen ni Tuhan, Debata ni Israel tu si Musa. Dibaen dipasupasu Tuhan Debata do si Esra, gabe dilehen raja ma disia sandok na nipangidonia. Di taon papituhon mamarenta Raja Artahsasta, marangkat ma si Esra sian Babel manuju Jerusalem rap dohot sarombongan halak Israel, i ma angka malim, halak Levi, angka parende maradu panjago horbangan ni Bagas Ni Tuhan, dohot angka parkarejo.

JOB 11:13

O ale Job, paias ma rohami, manyosal ma ho! Martangiang ma ho tu Debata!

MASMUR 1:2

tapi na ringgas patuluskon Tona Ni Tuhan, jana na pahusor-husorkon di bagasan rohana arian dohot bornginna.

MASMUR 10:17

Tuhan, ditangihon Ho do tangiang ni halak na bile, jana dipagodang Ho do roha ni halahi be.

MASMUR 119:112

Sai giot oloanku do hatontuan na nibaenMu, lopus tu ujung ni ngolungku.

MASMUR 119:45

Giot mangolu au songon halak na mardeka, angke sai huparayak do mangihut di pangajaranMu.

MASMUR 19:7

Sanggam do Tona Ni Tuhan, pasonang rohaniba. Haposan do parenta ni Tuhan, mambaen marbisuk halak na lidang.

MASMUR 57:7

Dabu rohangki, ale Debata, dabu rohangki, marende noma au jana mamuji.

MALEAKI 2:7

Harana pamangan ni angka malim manjagohon parbinotoan jana dijalahi halak do pangajaran sian pamanganna, harana i do suruan ni Tuhan Na Markuaso.

MATEUS 5:19

Hara ni i, sanga ise na mangalanggar sada sian angka Tona i, sanga na ummenekna i pe, dung i diajari ia muse halak na asing mambaen songon i, gabe na ummenek do sisongon i di bagasan Harajaan Ni Banua Ginjang. Tapi sabalikna, sanga ise na padalankon angka aturan i, dung i diajari ia muse halak na asing mambaen songon i, halak na godang do sisongon i di bagasan Harajaan Ni Banua Ginjang.

MATEUS 7:24

“Antong, sarupa ma tu halak na pistar na pajongjong bagasna di ginjang ni batu, sanga ise na manangihon bope na patuluskon angka hata nangkinan i.

JOHANNES 13:17

Saonnari madung diboto hamu na songon i; jadi muda didalankon hamu songon i, martua situtu ma hamu.”

BAENON NI ANGKA RASUL 1:1

Teofilus na niparsangapan! Madung hupatorang di buku na parjolo sasudena na nikarejohon dohot na niajarkon ni Jesus mulai sian na mamungka Ia markarejo,

PANGARATAION 16:12

Sian situtu ni rohamunu ma oloi hamu angka parenta i, ulang hamu lupa na hatoban hamu najolo di Mesir.”

PANGARATAION 33:10

Diajari halahi do bangsoMu mangoloi UhumMu; dibaen halahi do haul di langgatanMu.

1 TIMOTEUS 3:2

Hara ni i, sanga ise na gabe pamimpin ni parlagutan, angkon halak na so martilako ma; angkon sada sajo do dadaborunia; bisa mangorom dirina, na malo jana na maraturan; angkon jop do rohana manjagit tamu di bagasna; jana ringgas mangajari halak;

2 TIMOTEUS 4:2

Jamitahon ma Jamita na sian Debata i di hatiha na denggan sanga na so denggan. Papos ma roha ni halak, paboa angka na sala, jana sosoi ma halahi. Ajari ma halak mardongan sude hasobaronmu.

TITUS 2:1

Tapi anggo ho Titus, ajarkon ma pangajaran na denggan.

TITUS 2:15

Ajarkon ma sudena i, jana paingot ma halahi jana gorahon ma angka na umbege jamitamu sian sude gogomu. Ulang ma adong na marlayas ni roha tu ho.

HALUMBAAN 22:14

Martua do sanga ise halak na paiaskon baju jubana lopus ias. Halahi do na tola mangankon batu ni hayu hangoluan dohot na tola mandalani masuk tu kota i sian harbanganna i.

1 SAMUEL 7:3

Dung i didok si Samuel ma tu halak Israel, “Muda na giot marbalik ma hamu tu Tuhan jana marsomba tuSia sian sandok rohamunu, angkon ambungkononmunu do sude debata na asing dohot patung ni Dewi Astoret i. Pasahat hamu dirimunu sude tu Tuhan jana hum tuSia sajo ma hamu marsomba, jadi gabe paluaonNa ma hamu sian halak Pilistin.”