ESRA 6:9 - BIBEL JAMITA NA DENGGAN

⁹ Tamba ni i, sanga aha na porlu di angka malim na di Jerusalem, songon lombu jantan umpamana, biri-biri dohot anak ni biri-biri sibaenon haul sihaulkonon tu Debata na markuaso di banua ginjang, songon i gandum, sira, anggur dohot miak zetun, angkon lehenon tu halahi nada tola lalap.

ESRA 6:9 ပူးပေါင်းရင်းမြစ်များ

1 JUJUR TAON 9:29

Deba nari salaho tu angka panjamaan ibadat ma tanggung jawabna dohot na mangkobasi topung, anggur, miak zetun, hamonyan dohot parmasakna bage.

ESRA 6:10

Patulus sudena i anso tarbaen halahi pasahatkon haul na pasonangkon roha ni Debata na markuaso di banua ginjang, jana anso dipangido halahi pasupasu di au dohot di angka anakku.

ESRA 6:8

Rap dohot on huparentahon ma hamu laho mangurupi halahi di bagasan pambangunan i songon on ma carana: Sude biaya ni pambangunan i angkon buaton sian suha ni pajak negara na di propinsi Efrat Hasundutan jana angkon gararon ma i tu halahi ulang dipalambat-lambat.

JESAYA 49:23

Gabe songon ama di ho angka raja, jana angka ratu songon ina. Marsomba ma halahi tu ho lopus dais bohina tu tano jana mandilat abu ni patmu. Hara ni i botoonmu ma bahaso Au do Tuhan, angka halak na mararop ni roha di Au nada dipaila.”

HAMALIMON 1:10

Muda biri-biri sanga hambeng do na giot sombahonon i angkon jantan na so martihas.

HAMALIMON 9:2

Didok si Musa ma tu si Harun, “Buat ma sada lombu jantan na poso dohot sada biri-biri jantan rap na so adong tihasna. Haulkon ma pahan-pahanan na dua i tu Tuhan; lombu jantan i ma gabe haul hasesaan ni dosa jana biri-biri jantan i gabe haul situtungon.

MARKUS 9:49

Ganop halak sipapitaon do dohot api, songon haul na nipaias dohot sira.