ESRA 6:8 - BIBEL JAMITA NA DENGGAN

⁸ Rap dohot on huparentahon ma hamu laho mangurupi halahi di bagasan pambangunan i songon on ma carana: Sude biaya ni pambangunan i angkon buaton sian suha ni pajak negara na di propinsi Efrat Hasundutan jana angkon gararon ma i tu halahi ulang dipalambat-lambat.

ESRA 6:8 ပူးပေါင်းရင်းမြစ်များ

ESRA 4:16

Jadi yakin do hami, muda jabat do dibangun mangulahi kota i jana dipajongjong angka tembokna i, nada tarkuasoi raja i be muse anggo propinsi Efrat Hasundutan on.”

ESRA 4:23

Dung dibasahon surat ni si Artahsasta i tu si Rehum, si Simsai dohot tu angka dongan ni halahi i, manigor ma halahi kehe tu Jerusalem jana dipaksa halahi ma halak Jahudi i mangantak karejo na mambangun kota i mangulahi.

ESRA 5:5

Tapi diparrohahon Debata do angka pamimpin ni Jahudi i jana dijagahon Ia, jadi gabe diputuskon angka pejabat ni Persia i ma anso ulang mambaen tindakan painte so jolo manongos surat halahi tu si Darius jana manjagit balosanna.

ESRA 6:14

Dipatorus angka pamimpin ni Jahudi i ma pambangunan ni Bagas Ni Tuhan i mardongan panyosoi ni Panurirang Hagai dohot Panurirang Zakaria, anak ni si Ido. Dipasidung halahi ma pambangunan i hombar tu parenta ni Debata ni Israel dohot parenta ni si Kores, si Darius dohot si Artahsasta, angka raja ni Persia i.

ESRA 6:4

Angka dindingna i angkon songon on do pambangunna: Ganop tolu lampis batu angkon baenon ma salampis hayu di ginjangna i. Biayana tanggungan ni kas ni harajaan do.

ESRA 6:7

jana ulang halang-halangi hamu pambangunan ni Bagas Paribadatan ni halahi. Padiar hamu ma gubernur ni Juda dohot angka pamimpin ni Jahudi i mambangun Bagas i mangulahi.

ESRA 6:9

Tamba ni i, sanga aha na porlu di angka malim na di Jerusalem, songon lombu jantan umpamana, biri-biri dohot anak ni biri-biri sibaenon haul sihaulkonon tu Debata na markuaso di banua ginjang, songon i gandum, sira, anggur dohot miak zetun, angkon lehenon tu halahi nada tola lalap.

ESRA 7:14

Harana au dohot panuturingku sipitu halak i mangutus ho tu Jerusalem dohot Juda laho manangkasi pangalahona dohot mangaligi sanga na tutu situtu do Uhum Ni Debata na nipasahatna i tu ho, dioloi.

NEHEMIA 11:23

Geleran ni ganop horong laho mangurus musik di Bagas Ni Tuhan ganop ari, paraturan ni raja do manontuhon i.

NEHEMIA 2:8

Tamba ni i, laing hupangido dope surat tu si Asap panjago ni harangan harajaan, anso dipasingkop ia hayu sibaenon tu pintu horbangan ni benteng na manjagohon Bagas Ni Tuhan, dohot sipakeon di tembok ni kota dohot bagas na giot ingananku. Dioloi raja i do sude pangidoanki, dibaen ditolong Debata do au.

DANIEL 6:26

Dung i ditongos Raja Darius ma surat tu angka jolma sian sandok bangso, marga ni bangso dohot hata na marragam-ragam na di tano on sudena. Ninna ma, “Sai martamba ma di hamu rasoki!

HAGAI 2:8

Au do nampuna sasude sere dohot perak na adong, ninna Tuhan Na Markuaso.