ESRA 6:4 - BIBEL JAMITA NA DENGGAN

⁴ Angka dindingna i angkon songon on do pambangunna: Ganop tolu lampis batu angkon baenon ma salampis hayu di ginjangna i. Biayana tanggungan ni kas ni harajaan do.

ESRA 6:4 ပူးပေါင်းရင်းမြစ်များ

1 RAJA-RAJA 6:36

Di jolo ni Bagas Ni Debata i dibaen do alaman. Dihuliangi tembok do alaman i, na dibaen sian salampis hayu ares Libanon ganop tolu lampis batu.

ESRA 3:7

Disumbangkon rayat i ma hepeng laho mangupai tukang batu dohot tukang hayu. Ditongoskon halahi muse do sipanganon, inumon dohot miak zetun tu kota Tirus dohot Sidon laho martukar dohot hayu sampinur Libanon sian angka kota i. Dioban ma hayu i tu Jopa mamolus laut. Sian isin ni si Kores, raja ni Persia i do dikarejohon rayat i sudena i.

ESRA 5:8

Diarop roha torang di raja i, bahaso na dung kehe hami tu propinsi Juda na hami ida anggo Bagas Ni Tuhan, Debata Na Bolon i, hatiha dibangun ma mangulahi dohot angka batu na godang-godang dohot angka tembok na nilampisan dohot hayu. Manat situtu do dibaen panjama ni karejo i jana lancar do pardalanna.

ESRA 6:8

Rap dohot on huparentahon ma hamu laho mangurupi halahi di bagasan pambangunan i songon on ma carana: Sude biaya ni pambangunan i angkon buaton sian suha ni pajak negara na di propinsi Efrat Hasundutan jana angkon gararon ma i tu halahi ulang dipalambat-lambat.

MASMUR 68:29

Sai marsioban silua somba-somba ma angka raja baen di BagasMu di Jerusalem kota na badia.

MASMUR 72:10

Angka raja ni Tarsis dohot angka pulo marsioban silua somba-somba ma tusia. Angka raja ni Arab dohot Etiopia marroan manaruhon gugu bolaanna.

JESAYA 49:23

Gabe songon ama di ho angka raja, jana angka ratu songon ina. Marsomba ma halahi tu ho lopus dais bohina tu tano jana mandilat abu ni patmu. Hara ni i botoonmu ma bahaso Au do Tuhan, angka halak na mararop ni roha di Au nada dipaila.”

HALUMBAAN 12:16

Tapi diurupi tano on ma ia; diungkap tano i ma babana jana diincop ia ma aek na ruar sian baba ni naga i.