ESRA 6:16 - BIBEL JAMITA NA DENGGAN

¹⁶ Dung i di bagasan jop ni roha ditabalkon halak Israel ma, angka malim, angka halak Levi maradu sude angka na tarbuang i hian ma Bagas Ni Tuhan i.

ESRA 6:16 ပူးပေါင်းရင်းမြစ်များ

2 JUJUR TAON 7:5

Na gabe haul pardamean dihaulkon si Salomo do 22.000 lombu dohot 120.000 biri-biri. Songon i ma dibaen si Salomo dohot rayat i sudena upacara na pasahatkon bagas paribadatan i tu Debata.

1 RAJA-RAJA 8:63

Na gabe haul haluaan dipasahat Raja Salomo ma tu Tuhan 22.000 lombu dohot 120.000 biri-biri. Songon i ma dibaen Raja Salomo dohot sude Israel pasahatkon bagas parsombaan i tu Debata.

PILIPPI 4:4

Marjop ni roha ma hamu tongtong di bagasan Tuhan i! Sanoli nari hudok: Marjop ni roha ma hamu!

JOHANNES 10:22

Marpesta Parningotan Pangompoion Bagas Ni Debata ma halak di Jerusalem. Hatiha musim ngali ma disi.

MASMUR 122:1

Jop do rohangku muda didokkon halak tu au, “Beta hita tu Bagas Ni Tuhan!”

ESRA 6:22

Pitu ari lolotna halahi marjop ni roha mamestahon Pesta Ni Roti Na So Marragi i. I noma jop ni roha ni halahi hara ni na nibaen ni Tuhan marburju ni roha raja ni Asur tu halahi gabe diurupi halahi di bagasan karejo na mambangun mangulahi Bagas Ni Tuhan, Debata ni Israel i.

NEHEMIA 7:73

Hot ma maringanan di angka kota dohot angka huta na di Juda, i ma angka malim, angka halak Levi, angka panjago horbangan ni Bagas Ni Tuhan, angka parende, sian angka rayat na somal, angka parkarejo di Bagas Ni Tuhan.

ESRA 4:1

Tarbege do tu musu ni halak Juda dohot Benyamin barita bahaso na mambangun angka halak na tarbuang i hian, i ma Bagas Ni Tuhan, Debata ni Israel.

2 JUJUR TAON 30:26

Ribur sajo do Jerusalem, harana mamungka sian hatiha ni Raja Salomo anak ni si Daud i, na so unjung dope masa tarjadi na songon on.

2 JUJUR TAON 30:23

diputuskon halahi ma laho manoruskon pesta i pitu ari nari. Jadi dipestahon halahi ma i mangulahi marmoga-moga.

1 JUJUR TAON 15:28

Diudurkon halak Israel ma sude Poti Parjanjian i lalu tu Jerusalem marsurak-surak marmoga-moga, dohot sora ni sarune, suling, simbal dohot hasapi.

1 JUJUR TAON 9:2

Na parjolo mulak sian halahi tu tano dohot kota ni halahi, i ma angka halak na bahat, angka malim, halak Levi dohot angka na markarejo di Bagas Ni Debata.

PANGARATAION 12:7

Laing di inganan i muse, di adopan ni Tuhan Debatamunu na dung mamasumasu hamu, hamu rap dohot dongan sabagasmunu, disi ma mangan mandai rasoki sian pandapotan ni karejomunu.

NEHEMIA 12:43

Di ari i bahat do haul na dihaulkon tu Tuhan. Marmoga-moga ma rayat i dibaen madung marjop ni roha halahi dibaen Debata. Angka dadaboru pe dohot dakdanak dohot do marpesta, jabat do habegean sora ni halahi na marmoga-moga i tu na dao.

NEHEMIA 8:10

Saonnari mulak ma hamu di bagasan jop ni roha. Lehen hamu ma deba sian sipanganon dohot anggurmunu tu angka halak na marhahurangan. Ari na marhapunjungan do ari on di Tuhanta, antong ulang hamu marsak. Hamogaan na nilehen ni Tuhanta di hamu, i ma na patogu rohamunu.”

1 RAJA-RAJA 8:62

Dung songon i, dipasahat Raja Salomo dohot sude halak na marlagut disi ma haul tu Tuhan.

DANIEL 5:13

Manigor ma si Daniel dioban mangadop tu jolo ni raja i. Jadi disapai raja i ma tusia, “Ho dehe si Daniel halak Jahudi na tarbuang na nioban ni damang sian tano Juda?

2 JUJUR TAON 29:30

Disuru raja dohot angka hatobangon ni rayat i ma endehonon ni angka halak Levi i puji-pujian tu Tuhan na nikarang ni si Daud dohot Panurirang Asap. Marjop ni roha situtu ma sude jolma i na marende i lalu marsinggang manyomba Debata.

NEHEMIA 12:27

Di na pasahatkon tembok ni kota Jerusalem i tu Tuhan, diontang do sude angka halak Levi sian inganan ni halahi be anso dohot mamestahon peristiwa i marhite angka ende tarimakasi, dohot angka musik gambus bope hasapi.