ESRA 6:12 - BIBEL JAMITA NA DENGGAN

¹² Debata na mamili Jerusalem i gabe inganan parsombaan tuSia, sai dipusa Ia ma ganop raja sanga bangso na barani mangalanggar parenta on dohot na mancubo mangaroncohon Bagas Ni Tuhan na di Jerusalem i. Au si Darius, au do na mangalehen parentaon. Padalan ma i sadenggan-dengganna.”

ESRA 6:12 ပူးပေါင်းရင်းမြစ်များ

1 RAJA-RAJA 9:3

Didokkon Tuhan ma tu si Salomo, “Madung Hubege tangiangmu, jana rap dohot on Hupatangkas ma, bahaso bagas na dung nipajongjongmon gabe inganan na mardohonan ma on salolot-lolotna muda giot manyomba Au. Huparate-atehon jana Hujagohon pe inganan on.

PANGARATAION 12:5

Sian sude luat na masuk tu angka marga ni Israel, pilion ni Tuhan ma sada inganan maribadat di bangsonta anso tarbaen hita ro tu adopan ni Tuhan laho manyomba Ia.

PANGARATAION 12:11

Angkon tusi ma hamu kehe maroban sude na dung huparentahon: Haul situtungon dohot haul na asing, haul parsampuluan dohot haul na marhapunjungan na dung nijanjihonmunu tu Tuhan.

HARURUAR 20:24

Baen hamu ma di Au sada langgatan sian tano jana pasahat hamu ma tu Au biri-biri dohot pahan-pahananmunu gabe haul situtungon dohot haul haluaan. Di ganop inganan paribadatanmunu tu Au na dung Hutontuhon, tusi ma Au ro mandapotkon hamu jana disi ma Hupasupasu hamu.

BAENON NI ANGKA RASUL 9:5

“Ise dehe Ho Tuan?” ning si Saulus manyapai. Mangalusi ma sora i, “Au ma da Jesus, na niparkancitanmi.

OBAJA 1:10

“Jahat do pambaenmu maradopkon angka kahanggimu pomparan ni si Jakob. Jadi hara ni i, roncohonon noma ho, jana ho pe abiskonon noma ro di salolot ni lolotna.

JESAYA 60:12

Bangso na so ra marpangoloion tu ho gabe sisoada do.

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

MASMUR 5:10

Ale Debata, laing diadili ma da halahi anso mago sandiri halahi baenon ni roha ni halahi i maradopkon Ho do halahi manggagai paorot ma halahi hara ni dosa ni halahi na bahat i.

ESTER 8:14

Jadi kehe ma angka suruan i manengget kudo ni raja i. Di Susan kota sabungan ni negara i pe disisehon do parenta i.

2 JUJUR TAON 7:16

Hubaen pe sudena i dibaen na dung Hutodo do inganan on jana Huhapunjungkon gabe inganan maribadat tu Au salolot-lolotna. ParrohahononKu jana jagohononKu do i sapanjangna.

PANGARATAION 16:2

Kehe ma hamu tu inganan paribadatan i laho manyambol sada sian biri-biri sanga lombumunu gabe panganon Paskah laho pasangapkon Tuhan Debatamunu.

ESRA 6:13

Dipatulus si Tatnai, gubernur ni Efrat Hasundutan i dohot si Setar Bosnai maradu angka dongan ni halahi i ma sosot parenta ni Raja Darius i.

ESRA 6:14

Dipatorus angka pamimpin ni Jahudi i ma pambangunan ni Bagas Ni Tuhan i mardongan panyosoi ni Panurirang Hagai dohot Panurirang Zakaria, anak ni si Ido. Dipasidung halahi ma pambangunan i hombar tu parenta ni Debata ni Israel dohot parenta ni si Kores, si Darius dohot si Artahsasta, angka raja ni Persia i.

ESRA 7:15

Giot pasahatonku dohot panuturingku sipitu halak i haul sere dohot perak tu Debata ni Israel, Debata na maringanan di Jerusalem i. Oban ma sihaulkononnami i.

ESRA 7:26

Ganop halak na so mangoloi angka Uhum Ni Debatami, sanga angka uhum ni harajaan, angkon manigor do mate hona uhum baenon, sanga dibuang, sanga dirampas sinadonganna i, sanga dipahurungkon.”

ESRA 7:17

Pake ma hepeng i sadenggan-dengganna laho manobusi lombu jantan, angka biri-biri jantan, anak ni biri-biri, gandum dohot anggur. Haulkon ma sudena i di ginjang ni langgatan ni Bagas Ni Tuhan na di Jerusalem.