ESRA 6:1 - BIBEL JAMITA NA DENGGAN

¹ Dung i, dibaen ma panangkasion di bagasan arsip ni harajaan na disimpan di Babel hara ni parenta ni Raja Darius.

ESRA 6:1 ပူးပေါင်းရင်းမြစ်များ

ESRA 4:15

anso disuru raja i tangkasan arsip ni angka na umpompar raja i. Sian isi ni arsip i botoon ni raja i ma bahaso na tutu do kota Jerusalem na tagi mangalo jana sian najolo sai na mangarugihon tu angka raja dohot tu na markuaso di propinsi. Sai na tongtong do susa pimpinon halak pangisina i. I do dalanna umbaen na dironcohon kota i.

ESRA 4:19

Jadi hara ni na huparentahon madung ditangkasi jana tutu ma antong tarbukti, sian narobi do Jerusalem sai na mangalo tu kuaso ni angka raja-raja jana bahat do sian halak kota i sipangalo dohot sibaen gaor.

ESRA 5:17

Muda diisinkon raja i, hami pangidohon anso nian dibaen panangkasion di bagasan arsip ni harajaan na di Babel. Dohot dalan na songon i gabe botoon ma sanga na tutu do adong parenta ni Raja Kores laho mambangun mangulahi Bagas Paribadatan na di Jerusalem on. Dung i intean do hami di barita salaho tu haputusan ni raja i taringot tu parkaro on.”

ESRA 6:22

Pitu ari lolotna halahi marjop ni roha mamestahon Pesta Ni Roti Na So Marragi i. I noma jop ni roha ni halahi hara ni na nibaen ni Tuhan marburju ni roha raja ni Asur tu halahi gabe diurupi halahi di bagasan karejo na mambangun mangulahi Bagas Ni Tuhan, Debata ni Israel i.

ESRA 7:13

Au mamarentahon, diisinkon kehe rap dohot ho sude malim, halak Levi dohot halak Israel na asing di sude harajaanku na marpor ni roha giot mulak tu Jerusalem.

JOB 29:16

Gabe ama do au di halak na pogos; di halak paisolat, au ma gabe pangondian.

MASMUR 40:7

Gabe hualusi ma, “Dison do au, tarsurat do di bagasan buku taringot tu au.

PODA 25:2

Marmulia do Debata hara ni angka na nirahasiahonNa; raja dipasangap hara ni angka na tarpatorangsa.

JEREMIA 36:29

Disuru Tuhan ma au mandok songon on tu raja i, “Madung ditutung ho surat balunan i, jana nada disapai ho tu si Jeremia sanga hara ni aha umbaen na disuratkon ia bahaso giot ro raja ni Babel mangaroncohon luat on lalu mamunu halakna dohot angka pahan-pahananna.

JEREMIA 36:32

Jadi hubuat ma karotes balunan na imbaru i jana hulehen ma tu si Barukh juru tuliski, lalu disuratkon ia ma sude na hudiktehon i tusia, i ma isi ni surat balunan na parjolo i ditamba deba nari tona na asing na songon i.

JEHESKIEL 2:9

Dung i huida ma tangan na surdu tu au. Ditangan i adong balunan ni karotes,

JEHESKIEL 3:1

Didok Ia ma, “Ale jolma parsantongkinan, pangan ma balunan ni karotes i, kehe ma ho jana mangkuling ma ho tu angka halak Israel.”

DANIEL 9:25

Boto jana astui ma on: Salpu ma pitu noli pitu pulu taon, mamungka sian na diparuar parenta laho mambangun Jerusalem mangulahi lopus tu haroro ni sada pamimpin na nitodo ni Debata. Pitu noli onom pulu dua taon honokna paulion ma mangulahi angka dalan dohot angka tembok ni Jerusalem, tapi gok hamaolon do hatiha i.

HALUMBAAN 5:1

Dung i huida ma di siamun ni na juguk di ginjang ni habangsa i sada pustaha na marsurat di bagasan dohot di luar, jana na nicap dohot pitu cap.