ESRA 5:8 - BIBEL JAMITA NA DENGGAN

⁸ Diarop roha torang di raja i, bahaso na dung kehe hami tu propinsi Juda na hami ida anggo Bagas Ni Tuhan, Debata Na Bolon i, hatiha dibangun ma mangulahi dohot angka batu na godang-godang dohot angka tembok na nilampisan dohot hayu. Manat situtu do dibaen panjama ni karejo i jana lancar do pardalanna.

ESRA 5:8 ပူးပေါင်းရင်းမြစ်များ

ESRA 2:1

Bahat do sian tonga-tonga ni angka halak na tarbuang i na manadingkon Luat Babel lalu mulak tu Jerusalem dohot Juda, marsitopot kotana be. Mangolu di bagasan habuangan na di Babel noma angka keluarga ni halahi mamungka sian na hona angkat tusi dibaen Raja Nebukadnesar.

ESRA 5:7

“Tu adopan ni Raja Darius. Sai di bagasan dame ma raja i mamarenta!

ESRA 5:9

Dung i hami sapai do tu angka pamimpin ni bangso i, sanga ise na mangalehen isin di halahi laho mambangun mangulahi Bagas Paribadatan i dohot mangkobasina.

ESRA 6:10

Patulus sudena i anso tarbaen halahi pasahatkon haul na pasonangkon roha ni Debata na markuaso di banua ginjang, jana anso dipangido halahi pasupasu di au dohot di angka anakku.

ESRA 6:4

Angka dindingna i angkon songon on do pambangunna: Ganop tolu lampis batu angkon baenon ma salampis hayu di ginjangna i. Biayana tanggungan ni kas ni harajaan do.

ESRA 7:23

Tangkas ma baen di na paradehon sasude na niporluhon ni Debata na markuaso di banua ginjang i baen di BagasNia anso ulang muruk Ia tu au sanga tu angka jolma na mamarenta dung au.

NEHEMIA 11:3

Di angka kota na asing i, maringanan di tanona sandiri be do rayat ni Israel, angka malim, angka halak Levi, angka parkarejo di Bagas Ni Tuhan dohot pomparan ni angka pangoloi ni si Salomo di angka kota ni halahi be. Anggo halak Juda dohot Benyamin maringanan di Jerusalem do.

NEHEMIA 7:6

Bahat sian halak buangan na manadingkon propinsi Babel jana mulak tu Jerusalem dohot Juda marsitopot kotana sandiri. Madung honok do angka kahanggi ni halahi mangolu di habuangan na di Babel, mamungka ma i sian na hona oban halahi dibaen si Nebukadnesar gabe tabanan.

ESTER 1:1

Songon on ma na tarjadi di hatiha ni si Ahasweros, i ma si Ahasweros na mangarajai saratus dua pulu pitu luat, mamungka sian India lopus tu Etiopia.

ESTER 1:22

Ditongoskon ia ma parenta tu sude luat ni harajaan i di hata dohot surat ni ganop luat i. Hata ni parenta i mandok angkon halaklahi do na pamimpin di bagasannia, jana mangkuling mangihutkon hata ni bangsona.

MASMUR 145:3

Angke na tongam do Ho, ale Tuhan jana tarpuji situtu, nada hadodoan hagodanganMu.

DANIEL 2:47

Didok raja i ma, “Tutu do Daniel, gumodang do Debatami sian sandok debata. Guru diSia do sude raja, jana na margogo mambuka rahasia. Huboto pe na songon i, hara ni na bisa do ho patorangkon astuan ni rahasia on.”

DANIEL 3:26

Dung i dipadonok si Nebukadnesar ma tu lambung ni pintu ni purunan i jana pio-pio ma ia: “Jo Sadrakh, Mesakh dohot Abednego, angka naposo ni Debata Na Gumincat! Ruar ma hamu sian purunan i!” Jadi haruar ma halahi.

DANIEL 4:2

Por do rohangku paboahon tu hamu taringot tu tanda dohot hahomangan na nipatupa ni Debata Na Gumincat i tu au.

DANIEL 6:26

Dung i ditongos Raja Darius ma surat tu angka jolma sian sandok bangso, marga ni bangso dohot hata na marragam-ragam na di tano on sudena. Ninna ma, “Sai martamba ma di hamu rasoki!

PANGARATAION 10:17

Di ginjang ni sude debata do Tuhan Debatamunu i jana Tuhan ni sasudena tuan, Debata na tongam jana na markuaso do Ia jana angkon nioloan. Nada ra Ia marpihak jana nada ra muse Ia manjagit sisip.

PANGARATAION 32:31

Diboto musu ni Israel sandiri do na so margogo debatana i, nada alona Debata ni Israel na hebat i.