ESRA 5:3 - BIBEL JAMITA NA DENGGAN

³ Tapi manigor ro ma tu Jerusalem si Tatnai gubernur ni propinsi Efrat Hasundutan rap dohot si Setar Bosnai dohot angka dongan ni halahi manyapai tu angka halak Jahudi, “Ise marsuru hamu mambangun dohot mangkobasi Bagas Paribadatan on?”

ESRA 5:3 ပူးပေါင်းရင်းမြစ်များ

ESRA 1:3

Sai dijagohon Debata ma hamu sude na gabe bangsoNia. Angkon mulak noma hamu tu Jerusalem jana bangunonmunu mangulahi Bagas Ni Tuhan, Debata ni Israel, Debata na disomba di Jerusalem.

ESRA 4:12

“Diarop roha torang di raja i taringot tu halak Jahudi na dung manadingkon angka luat na asing di bagasan harajaan ni raja i, saonnari madung hot halahi maringanan di Jerusalem jana topet ma halahi mangulahi mambangun kota na jahat boti na sai tagi mangalo i. Madung dipungka halahi mangulahi pajongjongkon angka tembokna jana nada sadia honok nari be anso sidung.

ESRA 5:6

On ma lapuran na nitongos ni halahi tu Raja i,

ESRA 5:9

Dung i hami sapai do tu angka pamimpin ni bangso i, sanga ise na mangalehen isin di halahi laho mambangun mangulahi Bagas Paribadatan i dohot mangkobasina.

ESRA 6:13

Dipatulus si Tatnai, gubernur ni Efrat Hasundutan i dohot si Setar Bosnai maradu angka dongan ni halahi i ma sosot parenta ni Raja Darius i.

ESRA 6:6

Dung i ditongoskon si Darius ma alusna songon on, “Mandapotkon si Tatnai, gubernur ni propinsi Efrat Hasundutan dohot si Setar Bosnai, maradu angka pejabat na di Efrat Hasundutan. Ulang hahua hamu angka halak Jahudi i,

ESRA 7:21

Huparentahon do tu sude pangurus ni kas ni harajaan na di propinsi Efrat Hasundutan anso dilehen tusia manigor sanga aha pe na nipangido ni Malim Esra, Malim Ni Debata na markuaso di banua ginjang i,

HAGAI 1:1

Di taon paduahon dung bangkit Raja Darius, di ari parjolo di bulan paonomkon, ro ma hata ni Tuhan marhite Panurirang Hagai. Tu si Zerubabel, anak ni si Sealtiel pangarajai di Juda, dohot tu Malim Godang Josua anak ni si Josadak, na mandok,

MATEUS 21:23

Dung i mangulahi ma Jesus tu Bagas Ni Debata. Masuk ma Ia mangajari disi. Jadi hatiha na mangajar i Ia, marroan ma angka kapala-kapala ni malim dohot angka na tobang-tobang ni halak Jahudi manyapai tuSia, “Marhite kuaso dia do dipambaeni Ho sudena on? Ise do na mangalehen kuaso i tu Ho?”

BAENON NI ANGKA RASUL 4:7

Dioban ma si Petrus dohot si Johannes mangadop tu halahi, dung i disapai halahi ma, “Markite-hite kuaso sanga markite-hite goar ni ise dehe dibaen hamu na songon i?” ninna halahi.