ESRA 5:16 - BIBEL JAMITA NA DENGGAN

¹⁶ Jadi ro ma si Sesbasar tu Jerusalem jana dipayakkon ia ma pondasi ni Bagas Ni Tuhan i. Mamungka sian hatiha i, torus ma mardalan pambangunan i lopus saonnari, tapi laing so marnasidung dope.’

ESRA 5:16 ပူးပေါင်းရင်းမြစ်များ

ESRA 3:10

Di na mamungka mamayakkon pondasi ni Bagas Ni Tuhan i angka parkarejo bangunan i, marpakean juba ma angka malim jana jongjong ma halahi di inganan na ditontuhon maniop sarune. Laing disi muse ma jongjong halak Levi na sian horong Asap maniop angka doal na menek-menek. Dipuji-puji halahi ma Tuhan hombar tu aturan na dung ditotopkon mamungka sian hatiha ni Raja Daud.

ESRA 3:8

Jadi di bulan dua, di taon paduahon dung mulak halak Israel mangulahi tu Jerusalem, dipungka halahi ma mambangun Bagas Ni Tuhan mangulahi. Dohot do markarejo si Zerubabel, si Josua dohot angka dongan ni halahi sabangso, angka malim, halak Levi, pendekna sude halak na tarbuang i hian. Angka halak Levi na marumur dua pulu taon tu ginjang, i ma ditontuhon laho manguluhon parkarejoan di na mambangun Bagas Ni Tuhan i.

ESRA 5:14

Salangkan angka parkokas sere dohot perak na dipake di bagasan Bagas Ni Tuhan i, jana i ma na dibuat ni si Nebukadnesar sian Jerusalem lalu dipamasuk ia tu bagasan kuil na di Babel. Dipasahat Raja Kores do angka parkokas i tu bayo na margoar si Sesbasar, i ma na niangkatnia gabe gubernur di Juda.

ESRA 5:15

Disuru raja i buatonnia angka parkokas i dohot paulakkon tu Bagas Ni Tuhan na di Jerusalem, dohot mambangun Bagas Ni Tuhan i mangulahi.

ESRA 5:2

Umbege tona ni panurirang na dua i, manigor dipungka si Zerubabel anak ni si Sealtiel ma dohot si Josua anak ni si Zosadak mangulahi mambangun Bagas Ni Tuhan na di Jerusalem, diurupi panurirang sidua halak i.

ESRA 6:15

Sidung ma sude Bagas Ni Tuhan i di tanggal tolu bulan Adar di taon paonomkon mamarenta Raja Darius.

HAGAI 2:18

Sadari on, tanggal dua pulu opat bulan sambilan, sidung ma dipayakkon batu ojahan ni BagasKu! Parrohahon hamu ma sanga aha do na tarjadi mamungka sadari on.

ZAKARIA 4:9

Ninna ma, “Madung dipayakkon si Zerubabel ojahan ni BagasKu, jana pasidungonnia ma sude bangunan i. Muda tulus tarjadi i, botoon ni bangsongKu ma, bahaso Au do na marsuru ho ale Zakaria tu halahi.

JOHANNES 2:20

Didok halak Jahudi i ma, “Opat pulu onom taon honokna anso sidung dipajongjong Bagas Ni Debata on, hape giot pajongjongonMu ma hum tolu ari sajo?”