ESRA 5:14 - BIBEL JAMITA NA DENGGAN

¹⁴ Salangkan angka parkokas sere dohot perak na dipake di bagasan Bagas Ni Tuhan i, jana i ma na dibuat ni si Nebukadnesar sian Jerusalem lalu dipamasuk ia tu bagasan kuil na di Babel. Dipasahat Raja Kores do angka parkokas i tu bayo na margoar si Sesbasar, i ma na niangkatnia gabe gubernur di Juda.

ESRA 5:14 ပူးပေါင်းရင်းမြစ်များ

2 JUJUR TAON 36:18

Sude do dirampas raja ni Babel i angka parkokas ni Bagas Ni Tuhan dohot angka barang-barang sigodang arga, songon i dohot sinadongan ni raja dohot angka pagawena i lalu dioban tu Babel.

2 JUJUR TAON 36:7

Dioban si Nebukadnesar ma deba barang-barang sigodang arga na sian Bagas Ni Tuhan jana dibaen ia ma i di bagasan bagas godangnia di Babel.

ESRA 5:15

Disuru raja i buatonnia angka parkokas i dohot paulakkon tu Bagas Ni Tuhan na di Jerusalem, dohot mambangun Bagas Ni Tuhan i mangulahi.

ESRA 5:16

Jadi ro ma si Sesbasar tu Jerusalem jana dipayakkon ia ma pondasi ni Bagas Ni Tuhan i. Mamungka sian hatiha i, torus ma mardalan pambangunan i lopus saonnari, tapi laing so marnasidung dope.’

ESRA 6:5

Songon i muse angka parkokas sere dohot perak na dipake di Bagas Ni Tuhan jana na dung dibuat ni Raja Nebukadnesar sian Jerusalem jana dihaldung tu Babel, angkon paulahon tu ingananna humani.”

ESRA 7:27

Jadi didok si Esra ma, “Puji ma Tuhan, Debata na nisomba ni ompunta i! Madung disungguli Ia roha ni raja gabe ra ia mangalehen rohana tangkas tu Bagas Ni Tuhan di Jerusalem.

PODA 21:1

Diatur Tuhan do pardalan ni batang aek marguru tu hagiotNa, songon i muse do diatur Ia pikiran ni raja.

HAGAI 1:1

Di taon paduahon dung bangkit Raja Darius, di ari parjolo di bulan paonomkon, ro ma hata ni Tuhan marhite Panurirang Hagai. Tu si Zerubabel, anak ni si Sealtiel pangarajai di Juda, dohot tu Malim Godang Josua anak ni si Josadak, na mandok,

HAGAI 1:14

Jadi disungguli Tuhan ma tondi ni si Zerubabel, anak ni si Sealtiel pangarajai ni Juda dohot tondi ni Malim Godang Josua, anak ni si Josadak maradu sude tondi ni bangso i, gabe marroan ma halahi mangaradoti karejo di bagas ni Tuhan Na Markuaso, Debata ni halahi i.

HAGAI 2:2

dokkon ma tu si Zerubabel anak ni si Sealtiel, na mamarenta Juda dohot tu Malim Godang Josua anak ni si Josadak dohot tu sude bangso i songon on,

HAGAI 2:21

songon on, “Dokkon ma tu si Zerubabel bupati ni Juda songon on, ‘HuturonKu ma langit dohot tano,’

BAENON NI ANGKA RASUL 13:12

Dung diida gubernur i songon i tarjadi, porsaya ma ia; angke na homang situtu do rohania mida pangajaran taringot tu Tuhan i.