ESRA 5:12 - BIBEL JAMITA NA DENGGAN

¹² Tapi madung dibaen angka ompu na umpompar hami haririmas ni Debata parkuaso na di banua ginjang i, gabe dipasahat Ia ma halahi tu kuaso ni si Nebukadnesar, raja ni Babel na sian pomparan ni si Kasdim. Dironcohon ia ma Bagas i jana diangkat ia ma bangsonami tu Babel.

ESRA 5:12 ပူးပေါင်းရင်းမြစ်များ

2 RAJA-RAJA 24:2

Jana laing songon na nidok ni Tuhan marhite angka panurirang naposoNia i, ditongos Tuhan ma angka garombolan na marsinjata sian halak Babel, Siria, Moab dohot Amon laho mangalo si Joyakim jana dipasude ma Juda.

2 RAJA-RAJA 25:1

Dung i manglao ma si Zedekia tu si Nebukadnesar raja ni Babel i. Jadi di tanggal sampulu bulan sampulu taon pasambilankon dung mamarenta si Zedekia, kehe ma si Nebukadnesar rap dohot sude tentarania na marsinjata laho mamorangi Jerusalem. Dipajongjong halahi ma parbandaran ni halahi di ruar ni kota Jerusalem jana dibaen halahi ma tembok humaliang laho manghobuk,

2 JUJUR TAON 36:20

Rayat na malua, dioban ia tu Babel. Gabe hatobannia ma disi halahi jana hatoban ni pomparannia lopus tu hatiha ni harajaan Persia markuaso.

MASMUR 106:40

Muruk Ho dibaen bangsoMi, magigi Ho maradopkon halahi.

JESAYA 47:6

Najolo muruk Au tu bangsongKu, nada Huetong be halahi nampunangKu. Gabe Hupasahat tu ho, hape nada adong ibo ni rohamu, dohot do tu na tobang-tobang dipambaeni ho pangalaho na kejam.

JEREMIA 5:29

Tapi patunda ni sasudena i, Au Tuhan, giot uhumanKu ma halahi giot baloskononKu angka pambaenan ni bangso on.

JEREMIA 51:59

Si Seraya anak ni si Neria, pahompu ni si Mahseya do pangawal ni Raja Zedekia. Di taon paopatkon dung gabe raja si Zedekia di Juda, diihutkon si Seraya ma si Zedekia tu Babel. Jadi hulehen ma tusia sada karejo.

JEREMIA 52:12

Di tanggal sampulu bulan lima ditaon pasambilan bolaskon mamarenta si Nebukadnesar gabe raja ni Babel, ro ma sada halak tu Jerusalem na margoar si Nebusaradan. Panuturi dohot panglima ni tentara ni si Nebukadnesar.

DANIEL 9:5

Madung mardosa hami, madung mambaen na jahat hami, boti mambaen hasalaan. Hami tinggalkon do parentaMu jana manyimbil do hami sian angka aturanMu.

PANGARATAION 31:17

Muda tarjadi songon i, hona muruk ma halahi baenonKu. TadingkononKu ma halahi, tabunihononKu ma bohingKu maradopkon halahi jana pangabison halahi. Marroan ma bahat parmaraan na ampe tu halahi, jana botoon ni halahi ma umbaen na masa pe songon i tu halahi, angke Au do antong Debata ni halahi, hape nada Hudongani be halahi.

PANGARATAION 32:30

Biasi talu saribu dibaen na sada jana saratus ribu dibaen na dua alona? Na ditadingkon Tuhanna do halahi dipalapas Debata na gumogo i.

HAKIM-HAKIM 2:14

Jadi muruk ma Tuhan tu bangso Israel, jana dipadiar Tuhan ma angka pangarampok mangarampas dohot manaluhonsa, lopus nada taralo halahi be angka musuna i.

HAKIM-HAKIM 4:2

Gabe dipadiar Tuhan halahi talu dibaen si Jabin raja ni Kanaan na maringanan di kota Hasor. Si Sisera na maringanan di Haroset-Hagoyim do panglima ni tentara i.

HAKIM-HAKIM 6:1

Mardosa sanoli nari halak Israel tu Tuhan, jadi gabe dipadiar Ia ma bangso Midian mangarajai halahi pitu taon honokna.