ESRA 5:11 - BIBEL JAMITA NA DENGGAN

¹¹ Dialusi halahi do, ‘Anggo hami on, naposo ni Debata na mangarajai sandok alam on do. Na mambangun mangulahi do hami di Bagas Ni Tuhan na nipajongjong jana dihobasi ni sahalak raja ni Israel na godang marpulu-pulu taon na salpu.

ESRA 5:11 ပူးပေါင်းရင်းမြစ်များ

PAMUNGKAAN 24:3

Sumpahon ma mangasahon goar ni Tuhan, Debata na mangarajai langit dohot tano, bahaso na so jalahanmu boru sian halak tano Kanaan on di si Ishak anakki.

1 RAJA-RAJA 6:38

jana di taon pasabolaskon di bulan Bul, i ma bulan pasalapankon sidung ma Bagas Ni Debata i hombar tu na dung ditahi hian; jadi pitu taon ma lolotna paulihon Bagas Ni Debata i.

1 RAJA-RAJA 9:10

Dua pulu taon honokna si Salomo pauli Bagas Ni Debata dohot bagas godang ni raja i.

ESRA 5:10

Laing hami sapai dope angka goar-goar ni halahi anso tarpabotohon tu raja i sanga na ise-ise na manguluhon parkarejoan i.

MASMUR 119:46

Baritahononku ma aturanMi tu angka raja, jana nada au gabe marhahaila.

MASMUR 136:26

Dok ma tarimakasi tu Debata pangarajai ni langit; hot do holong ni rohaNia sapanjangna.

DANIEL 3:26

Dung i dipadonok si Nebukadnesar ma tu lambung ni pintu ni purunan i jana pio-pio ma ia: “Jo Sadrakh, Mesakh dohot Abednego, angka naposo ni Debata Na Gumincat! Ruar ma hamu sian purunan i!” Jadi haruar ma halahi.

JUNUS 1:9

Dialusi si Junus ma, “Halak Ibrani do au. Tuhan Debata na di banua ginjang i do husomba, i ma na manompa laut dohot darat.”

MATEUS 10:32

“Sanga ise na mangoku Au di jolo ni halak, paboa na mangihutkon Au do ia, Au pe okuonKu ma ia di jolo ni Damang na di banua ginjang i.

LUKAS 12:8

“Tapi Hudok ma di hamu: Ganup halak na mangoku Au di adopan ni halak, okuan ni Anak Ni Jolma ma ia di adopan ni angka surusuruan ni Debata.

BAENON NI ANGKA RASUL 27:23

Harana napotangin madung disuru Debata na husomba i surusuruanNia tu au, Debata i do nampuna au.

SURAT NI SI PAULUS TU PARLAGUTAN ROM 1:16

Dibaen nada maila au hara ni Jamita Na Denggan i, angke i do hagogoon ni Debata na markarejo laho paluahon sudena halak na porsaya; na parjolo i ma halak Jahudi, dung i muse angka bangso na asing.

SURAT NI SI PAULUS TU PARLAGUTAN ROM 6:16

Diboto hamu dehe muda dipasahat hamu dirimunu tu sada-sada halak laho mangkarejohon hagiotnia, na gabe hatoban ni halak na nioloanmunu i do hamu – sanga hatoban ni dosa na maroban hamu tu hamatean sanga hatoban na mangoloi Debata na maroban hamu tu hatigoran?

GALATIA 6:14

Tapi anggo au sanga na bia pe nada ra au mamuji-muji sanga aha, asing sian silang ni Tuhanta Jesus Kristus i. Angke hara ni silangNa i madung mate au maradopkon portibi on, jana portibi on pe, madung mate di au.

JOSUA 24:15

Sugari sura nada ra hamu mangoloi tu Tuhan, laing sadari on ma baen hamu haputusanna, sanga na tu ise do giotmunu mangoloi: Tu angka debata na nisomba ni ompumunu najolo di Mesopotamia, sanga tu angka debata ni halak Amori na niingananmunu tanona saonnari do. Tapi anggo hami – au dohot dongan sabagasku – hum Tuhan do oloannami.”