ESRA 4:20 - BIBEL JAMITA NA DENGGAN

²⁰ Jungada do adong angka raja-raja na barani mamarenta disi jana mangarajai sude propinsi Efrat Hasundutan jana padalan pajak dohot bolaan.

ESRA 4:20 ပူးပေါင်းရင်းမြစ်များ

PAMUNGKAAN 15:18

Laing di hatiha i ma dibaen Tuhan parjanjian dohot si Abram. Ninna Tuhan ma, “Marjanji ma Au laho mangalehen tano on sudena di pomparanmu, mamungka sian batas ni Luat Mesir lopus tu Batang aek Efrat,

1 RAJA-RAJA 4:21

Sude bangso mamungka sian Batang aek Efrat lalu tu Pilistin dohot parbatasan ni Mesir, masuk ma i tu harajaan ni si Salomo. Tunduk do angka bangso i jana manggarar pajak tusia salolot mangolu ia.

1 RAJA-RAJA 4:24

Sude tano na di Hasundutan ni Batang aek Efrat sian Tifsah di Efrat lalu tu Hasundutan ni kota Gasa dirajai si Salomo. Sude raja na di Hasundutan ni Efrat tunduk do tusia jana sude harajaan hombar balokna mardame do dohot ia.

1 RAJA-RAJA 5:1

Torus do Raja Hiram sian Tirus, marale-ale dohot Raja Daud. Jadi dung tarbege tu Raja Hiram, hape si Salomo do gabe raja manggonti si Daud amangna i, disuru ia ma suruannia manopot si Salomo.

1 RAJA-RAJA 5:4

Tapi anggo saonnari, madung dilehen Tuhan Debatangku hadamean di sude luat na hurajai. Nada adong na marmusu tu au, jana nada adong muse be hasusaan.

1 JUJUR TAON 18:13

Dipajongjong ia parbandaran ni militer di tano Edom sude, jadi gabe tunduk ma halak Edom tu Raja Daud. Sai monang do si Daud dibaen Tuhan sanga na di dia ia marporang.

1 JUJUR TAON 18:3

Dung i diserang si Daud muse ma si Hadadeser raja ni Zoba di lambung ni Luat Hamat na di tano Siria. Di pardalananna do hatiha i si Hadadeser laho pabidangkon kuasonia di luat na di lambung ni soksok ni Batang aek Efrat.

1 JUJUR TAON 18:6

Dung i dipajongjong ia ma angka parbandaran ni militer di luat ni halahi i jana tunduk ma halahi boti manggarar pajak tusia. Sai dilehen Tuhan do hamonangan tu si Daud sanga na di dia pe ia marporang.

1 JUJUR TAON 19:19

Dung diida angka raja na nikuasoi ni si Hadadeser na dung talu halahi, dipangido halahi ma anso mardame dohot si Daud jana tunduk halahi tusia. Dung salpu i, nada ra be halak Siria mangurupi halak Amon.

2 JUJUR TAON 17:11

Bahat do dijagit ia perak dohot angka silua na asing sian halak Pilistin, jana sian halak Arab dijagit ia do 7.700 biri-biri dohot hambeng 7.700.

2 JUJUR TAON 9:14

nada dohot dope i dietong angka pajak na sian saudagar dohot parboniaga. Angka raja-raja ni Arab maradu angka gubernur ni Israel mangalehen sere dohot perak tusia.

ESRA 4:13

Anggo jabat do lalu sidung dipajongjong, indangkon na ra be halak na maringanan disi manggarar pajak. Jadi gabe murak ma pandapotan ni harajaan.

ESRA 4:16

Jadi yakin do hami, muda jabat do dibangun mangulahi kota i jana dipajongjong angka tembokna i, nada tarkuasoi raja i be muse anggo propinsi Efrat Hasundutan on.”

ESRA 4:19

Jadi hara ni na huparentahon madung ditangkasi jana tutu ma antong tarbukti, sian narobi do Jerusalem sai na mangalo tu kuaso ni angka raja-raja jana bahat do sian halak kota i sipangalo dohot sibaen gaor.

ESRA 4:21

Jadi hara ni i, haruarkon hamu ma parenta laho mangantak karejo ni angka jolma i, anso ulang dibangun mangulahi kota i lopus tu na hulehen parenta na asing.

ESRA 7:24

Nada tola buatonmunu pajak sian angka malim, halak Levi, parende, panjago pintu horbangan, parkarejo, sanga sian ise sajo na adong hubunganna dohot Bagas Ni Tuhan.

MASMUR 72:8

Sian laut tu laut mur mabidang ma harajaanna sian Batang aek Efrat lalu tu ujung ni portibi.

ANDUNG 1:1

Na lungun ma da antong Jerusalem, kota na sun ribur najolo i. Najolo nagodangan do i di tonga-tonga ni angka bangso, hape saonnari songon na mabalu. Najolo kota na umbahat dipuji, hape saonnari madung halak mangarajai.

JEHESKIEL 19:11

Ruar ma sada dangkana na togos, pola patut ia baenon tungkot harajaan, jana pusukna mangalobi i sian ombun, gabe murtamba ma i hara ni gincatna dohot hara ni bulung na rimbun.

MATEUS 9:9

Jadi kehe ma Jesus sian i. Jadi taran mardalan Ia, diida Ia ma sada bayo na margoar si Mateus juguk di kantor pajakna. Dipiohon Jesus ma bayo i, “Beta ma, ihutkon Au!” Jongjong ma si Mateus mangihutkon Jesus.