ESRA 4:12 - BIBEL JAMITA NA DENGGAN

¹² “Diarop roha torang di raja i taringot tu halak Jahudi na dung manadingkon angka luat na asing di bagasan harajaan ni raja i, saonnari madung hot halahi maringanan di Jerusalem jana topet ma halahi mangulahi mambangun kota na jahat boti na sai tagi mangalo i. Madung dipungka halahi mangulahi pajongjongkon angka tembokna jana nada sadia honok nari be anso sidung.

ESRA 4:12 ပူးပေါင်းရင်းမြစ်များ

2 RAJA-RAJA 18:20

Diambang ho do lakna tuk ma hata sajo laho manggonti siasat dohot hagogoon ni tentara! Ise dehe lakna na nipangasahonmu, umbaen na puluk ho mangalo Asur?

2 RAJA-RAJA 24:1

Dompak mamarenta Raja Joyakim, disi ma ro si Nebukadnesar raja ni Babel patundukkon Juda. Tolu taon honokna tunduk si Joyakim tu si Nebukadnesar, dung i mangalo ia muse.

2 JUJUR TAON 36:13

Dipaksa Raja Nebukadnesar ma si Zedekia marsumpa mangasahon Debata paboa na setia noma ia. Tapi di pudi, mangalo ma si Zedekia tu si Nebukadnesar. Sian angka dosania i pe nada ra muba si Zedekia. Jogal do rohania maradopkon Tuhan, Debata ni Israel jana nada ra ia mulak tu Tuhan.

ESRA 4:11

Songon on ma hata ni surat i, “Tu adopan ni Raja Artahsasta, sian angka naposo ni raja i na maringanan di Efrat Hasundutan. Horas ma!”

ESRA 4:15

anso disuru raja i tangkasan arsip ni angka na umpompar raja i. Sian isi ni arsip i botoon ni raja i ma bahaso na tutu do kota Jerusalem na tagi mangalo jana sian najolo sai na mangarugihon tu angka raja dohot tu na markuaso di propinsi. Sai na tongtong do susa pimpinon halak pangisina i. I do dalanna umbaen na dironcohon kota i.

ESRA 4:19

Jadi hara ni na huparentahon madung ditangkasi jana tutu ma antong tarbukti, sian narobi do Jerusalem sai na mangalo tu kuaso ni angka raja-raja jana bahat do sian halak kota i sipangalo dohot sibaen gaor.

ESRA 5:3

Tapi manigor ro ma tu Jerusalem si Tatnai gubernur ni propinsi Efrat Hasundutan rap dohot si Setar Bosnai dohot angka dongan ni halahi manyapai tu angka halak Jahudi, “Ise marsuru hamu mambangun dohot mangkobasi Bagas Paribadatan on?”

ESRA 5:9

Dung i hami sapai do tu angka pamimpin ni bangso i, sanga ise na mangalehen isin di halahi laho mambangun mangulahi Bagas Paribadatan i dohot mangkobasina.

NEHEMIA 1:3

Dicaritohon halahi ma, hapengani na mahancit do ngolu ni angka halak na tarbuang na dung marmulahan mangulahi tu tanona i hara ni na nipalayas ni angka bangso na humaliangna i. Boti muse, laing na maropuk-ropuk dope masarsar angka tembok ni kota Jerusalem jana angka pintu horbanganna i pe nada podo dipadenggan mamungka sian na hona surbu di hatiha na salpu.

NEHEMIA 6:6

isina songon on: “Dipaboa si Gesem tu au na adong barita-barita di tonga-tonga ni angka bangso na humaliang on na mandok bahaso na giot mambaen pamberontakan ho dohot sude halak Jahudi, jana hara ni i do umbaen na dipadenggan ho tembok i. Didok ia dope, bahaso na giot angkatonmu sandiri ho gabe raja ni Juda,

ESTER 3:8

Jadi didok si Haman ma tu raja i, “Rajanami, adong do sada bangso na ganjil na marserak di ganop propinsi di harajaan on. Asing situtu do adatna sian angka bangso na deba nari i. Nada patu halahi tu angka aturan ni harajaan on. Jadi, sugari dumenggan nian ulang dipadiar raja i halahi mambaen roha-rohana.

JEREMIA 52:3

Sun do muruk ni Tuhan maradopkon halak na maringanan di Jerusalem dohot halak Juda lopus nada ra be Ia mamparrohahon halahi. Dung i mangalo ma si Zedekia maradopkon si Nebukadnesar raja ni Babel.

DANIEL 3:8

Adong ma piga-piga halak Kasdim na mamake tingki i laho mangago halak Jahudi.

DANIEL 9:25

Boto jana astui ma on: Salpu ma pitu noli pitu pulu taon, mamungka sian na diparuar parenta laho mambangun Jerusalem mangulahi lopus tu haroro ni sada pamimpin na nitodo ni Debata. Pitu noli onom pulu dua taon honokna paulion ma mangulahi angka dalan dohot angka tembok ni Jerusalem, tapi gok hamaolon do hatiha i.

LUKAS 13:34

O ale Jerusalem, Jerusalem! Dibunu ho do angka panurirang dohot angka na nisuru tu ho, didangguri ho dohot batu! Madung jotjot sai giot paluhutonKu sude halak na mangingani ho songon sada inang ni manuk na manggobak angka anakna di toru ni habongna, hape nada ra hamu!

BAENON NI ANGKA RASUL 24:5

Na tardapot hami do bayo on mambaen gaor. Sanga na di dia tongtong manggaori ia tu halak Jahudi, jana ia do pamimpin ni golongan Nasrani.

1 TESSALONIKA 5:22

Mandao ma hamu sian sandok hajahatan.