ESRA 3:8 - BIBEL JAMITA NA DENGGAN

⁸ Jadi di bulan dua, di taon paduahon dung mulak halak Israel mangulahi tu Jerusalem, dipungka halahi ma mambangun Bagas Ni Tuhan mangulahi. Dohot do markarejo si Zerubabel, si Josua dohot angka dongan ni halahi sabangso, angka malim, halak Levi, pendekna sude halak na tarbuang i hian. Angka halak Levi na marumur dua pulu taon tu ginjang, i ma ditontuhon laho manguluhon parkarejoan di na mambangun Bagas Ni Tuhan i.

ESRA 3:8 ပူးပေါင်းရင်းမြစ်များ

1 JUJUR TAON 23:4

Jadi disuru ia ma 24.000 halak sian halahi laho mangawasi parkarejoan di Bagas Ni Debata, onom ribu halak manjama soal administrasi dohot parkaro-parkaro pangadilan,

1 JUJUR TAON 3:17

Angka on ma pomparan ni si Joyakin raja na hona taban dibaen halak Babel. Adong do pitu anaknia, i ma si Sealtiel,

ESRA 10:18

On ma daftar ni angka halak na marripe sian bangso na asing: Angka malim, tarsurat dohot horongna: Horong Josua dohot kahanggina, angka dakdanak ni si Josada: Si Maaseya, si Jarib dohot si Gedalya.

ESRA 2:2

Angka na mamimpin halahi, i ma si Zerubabel, si Jesua, si Nehemia, si Seraya, si Reelaya, si Mordehai, si Bilsan, si Mispar, si Bigwai, si Rehum, dohot si Baana. On ma daftar ni Israel marsasaompu, dohot bahat ni halakna sian ganop horong na mulak sian habuangan:

ESRA 3:2

dung i dibangun si Jesua anak ni si Jehosadak dohot angka donganna dohot si Zerubabel anak ni si Sealtiel maradu kahanggina ma langgatan ni Debata ni Israel. Jadi hara ni i, tarbaen halahi ma manutung haul di ginjangna i, domu tu angka panogu-noguon na tarsurat di bagasan Buku Uhum Ni si Musa, naposo ni Debata.

ESRA 4:24

Madung diantak mangkarejohon Bagas Ni Tuhan jana nada ditoruskon be i lopus tu taon paduahon mamarenta si Darius, raja ni Persia.

ESRA 4:3

Tapi dialusi si Zerubabel, si Josua dohot kapala ni horong-horong i ma, “Nada porlu di hami bantuanmunu laho mambangun Bagas di Tuhan Debatanami. Hami sandiri do giot mambangun i hombar tu na niparentahon ni si Kores, raja ni Persia i tu hami.”

ESRA 5:16

Jadi ro ma si Sesbasar tu Jerusalem jana dipayakkon ia ma pondasi ni Bagas Ni Tuhan i. Mamungka sian hatiha i, torus ma mardalan pambangunan i lopus saonnari, tapi laing so marnasidung dope.’

ESRA 5:2

Umbege tona ni panurirang na dua i, manigor dipungka si Zerubabel anak ni si Sealtiel ma dohot si Josua anak ni si Zosadak mangulahi mambangun Bagas Ni Tuhan na di Jerusalem, diurupi panurirang sidua halak i.

HAGAI 1:1

Di taon paduahon dung bangkit Raja Darius, di ari parjolo di bulan paonomkon, ro ma hata ni Tuhan marhite Panurirang Hagai. Tu si Zerubabel, anak ni si Sealtiel pangarajai di Juda, dohot tu Malim Godang Josua anak ni si Josadak, na mandok,

ZAKARIA 4:9

Ninna ma, “Madung dipayakkon si Zerubabel ojahan ni BagasKu, jana pasidungonnia ma sude bangunan i. Muda tulus tarjadi i, botoon ni bangsongKu ma, bahaso Au do na marsuru ho ale Zakaria tu halahi.

ZAKARIA 6:12

Palalu tusia na Hudok, Au Tuhan Na Markuaso mandok tusia, ‘Halak na margoar Tumbur i manjadi do karejonia sanga na di dia pe inganannia jana paulionnia ma mangulahi Bagas Ni Tuhan.

BILANGAN 4:3

Lalu manyuratkon goar ni sude halaklahi sian na marumur tolu pulu dohot lima pulu taon, na tarbaen markarejo di Bandar Parmianan Ni Tuhan.