ESRA 3:7 - BIBEL JAMITA NA DENGGAN

⁷ Disumbangkon rayat i ma hepeng laho mangupai tukang batu dohot tukang hayu. Ditongoskon halahi muse do sipanganon, inumon dohot miak zetun tu kota Tirus dohot Sidon laho martukar dohot hayu sampinur Libanon sian angka kota i. Dioban ma hayu i tu Jopa mamolus laut. Sian isin ni si Kores, raja ni Persia i do dikarejohon rayat i sudena i.

ESRA 3:7 ပူးပေါင်းရင်းမြစ်များ

2 SAMUEL 5:11

Ditongos Raja Hiram na sian Tirus do utusan parboniagaon tu si Daud. Dipasingkop si Hiram do di si Daud hayu sampinur Libanon rap dohot angka tukang hayu dohot angka tukang batu laho pajongjong bagas godang.

1 RAJA-RAJA 5:6

Madung diboto raja i anggo rayatku nada adong na malo manaba hayu songon rayat ni tuan i. Hara ni i hupangido anso ra nian tuan i manyuru rayat ni tuan i manaba hayu Ares Libanon i di au. Husuru pe rayatku mangurupi halahi, jana sanga sadia gaji na nitontuhon ni tuan i di halahi, hugarari pe.”

2 RAJA-RAJA 12:10

Muda dung gok hepeng di poti-poti i, ro ma juru tulis ni raja rap dohot Malim Godang laho mangetongsa lalu mambungkussa.

2 RAJA-RAJA 12:13

Tapi anggo hepeng i saotik pe nada dipake laho mambaen angka mangkuk perak, sambong, sarune, angka parkokas ni lampu bope parkokas na asing na sian sere sanga perak.

2 JUJUR TAON 34:10

Dung i dipasahat Malim Godang Hilkia muse ma hepeng i tu sitolu halak na ditugaskon laho mangawasi na padenggankon Bagas Ni Debata i. Dung i dilehen halahi muse ma hepeng i

ESRA 3:6

Haru laing na so dibangun dope Bagas Ni Tuhan mangulahi, tapi anggo di tanggal sada bulan pitu i madung dipungka rayat i manutung haul di Tuhan.

JEHESKIEL 27:17

Juda dohot Israel manukar barang jagalanmu dohot gandum, aer ni loba, miak zetun dohot angka parmasak.

JUNUS 1:3

Hape adop dalan na asing do kehe si Junus laho padaohon dirina sian Tuhan i. Kehe ia tu Jafo, jana didapot ia muse antong disi kapal na giot marlayar tu Tarsis. Dung digarar ia ongkosnia, manaek ma ia tu kapal i lalu marlayar ma ia dohot parkapal i tu Tarsis laho mandao sian Tuhan.

BAENON NI ANGKA RASUL 12:20

Muruk sajo ma roha ni Raja Herodes mida halak Tirus dohot halak Sidon. Jadi rap kehe ma halahi mangadop tu Raja Herodes. Jolo dielek halahi ma si Blastus kapala ni bagas godang ni raja i, anso mamihak tu halahi ia. Dung i kehe ma halahi mangadop tu si Herodes mangidohon anso mardame, angke sian harajaan ni Raja Herodes do haroroan ni panganon tu luat ni halahi.

BAENON NI ANGKA RASUL 9:36

Di Jope adong muse do sada anak boru na margoar si Tabita, na porsaya do ia tu Jesus. (Si Dorkas do goarnia di hata Junani, astuanna ursa.) Sai didatdati ia do mambaen na denggan jana sai diurupi ia do angka halak na pogos.

BAENON NI ANGKA RASUL 9:38

Nada pola sadia dao dope Jope sian Lida. Jadi dung dibege angka sisean ni Jesus na di Jope, na topet do si Petrus di Lida, disuruhon halahi ma dua halak mandapotkon si Petrus marhite pangidoan, “Patibu ma ro tu inganannami.”

BAENON NI ANGKA RASUL 9:43

Laing disi ma si Petrus sanga na piga-piga ari nari, di bagas ni tukang kulit na margoar si Simon.