ESRA 3:4 - BIBEL JAMITA NA DENGGAN

⁴ Dirayahon halahi muse ma Pesta Undung-undung Bulung Rata, hombar tu paraturan; jana ganop ari dipasahat halahi ma haul na dung ditontuhon di ari i.

ESRA 3:4 ပူးပေါင်းရင်းမြစ်များ

1 JUJUR TAON 16:37

Dung i ditugaskon Raja Daud ma si Asap dohot deba nari halak Levi anso torus diurus halahi angka na porlu, domu tu karejo ibadat, di bandar inganan panyimpanan ni Poti Parjanjian ni Tuhan. Angkon markarejo halahi disi ganop ari,

2 JUJUR TAON 31:16

jana nada marguru tu horongna. Sude halaklahi na marumur tolu pulu taon tu ginjang, dohot na dapot geleran markarejo siganop ari di Bagas Ni Debata mangihutkon rombonganna, laing dilehen ma bagianna be.

HARURUAR 23:16

Pestahon hamu ma Pesta Gotilon di na mamungka mambuat patumonaan ni suha ni suan-suananmunu hamu. Pestahon hamu ma dohot Pesta Bandar Bulung-bulung ganop ujung ni taon di na mamutik suha ni kobun anggur sanga kobun suan-suanan na marbatu hamu.

HARURUAR 29:38

“Ganop ari tu joloan on, angkon haulkonon dua biri-biri na marumur sataon di ginjang ni langgatan i.

HARURUAR 5:13

Sude panjago rodi i manyosak halak Israel anso dipauli halahi batu bata i dos bahatna, taran dilehen dope di halahi durame.

HAMALIMON 23:33

“Ari Pesta Undung-undung Bulung Rata mamungka sian tanggal lima bolas bulan pitu honokna pitu ari.

BILANGAN 29:39

Songon i ma aturan taringot tu haul situtungon, haul gandum, haul aek ni anggur dohot haul haluaan na angkon pasahatonmunu tu Tuhan, di angka ari pesta na dung ditontuhon i. Haul on na gabe tamba-tamba do i tu angka haul na nipasahatmunu laho manggarar niet sanga gabe haul sian jop ni roha.”

JOHANNES 7:2

Donok ma hatiha i Pesta Undung-undung Bulung Rata ni halak Jahudi.

JOHANNES 7:37

Ari na parpudi di pesta i, i ma mata ni pesta i. Jongjong ma Jesus disi mandok hata marsora na gogo, ning Ia ma, “Sanga ise na manguas, tu Au ma ro anso minum.