ESRA 3:2 - BIBEL JAMITA NA DENGGAN

² dung i dibangun si Jesua anak ni si Jehosadak dohot angka donganna dohot si Zerubabel anak ni si Sealtiel maradu kahanggina ma langgatan ni Debata ni Israel. Jadi hara ni i, tarbaen halahi ma manutung haul di ginjangna i, domu tu angka panogu-noguon na tarsurat di bagasan Buku Uhum Ni si Musa, naposo ni Debata.

ESRA 3:2 ပူးပေါင်းရင်းမြစ်များ

PAMUNGKAAN 12:7

Dipatidahon Tuhan ma diriNa tu si Abram jana didok ma, “Luat on ma da na giot lehenonKu di pomparanmu.” Jadi dipajongjong ia ma sada langgatan di inganan i di Tuhan na patidahon diriNa tusia.

1 JUJUR TAON 23:14

Angka dakdanak ni si Musa naposo ni Debata i pe dietong masuk tu Marga Levi do.)

1 JUJUR TAON 3:17

Angka on ma pomparan ni si Joyakin raja na hona taban dibaen halak Babel. Adong do pitu anaknia, i ma si Sealtiel,

1 JUJUR TAON 3:19

Anak ni si Pedaya dua halak: Si Zerubabel dohot si Simei. Si Zerubabel adong dua anaknia, i ma na margoar si Mesulam dohot si Hanaya jana sada boruna na margoar si Selomit.

ESRA 10:18

On ma daftar ni angka halak na marripe sian bangso na asing: Angka malim, tarsurat dohot horongna: Horong Josua dohot kahanggina, angka dakdanak ni si Josada: Si Maaseya, si Jarib dohot si Gedalya.

ESRA 10:20

Horong Imer: Si Hanani dohot si Zebaya.

ESRA 10:21

Horong Harim: Si Maaseya, si Elia, si Semaya, si Jehiel dohot si Usia.

ESRA 10:22

Horong Pashur: Si Elyoenai, si Maaseya, si Ismael, si Netaneel, si Josabad, dohot si Elasa.

ESRA 2:2

Angka na mamimpin halahi, i ma si Zerubabel, si Jesua, si Nehemia, si Seraya, si Reelaya, si Mordehai, si Bilsan, si Mispar, si Bigwai, si Rehum, dohot si Baana. On ma daftar ni Israel marsasaompu, dohot bahat ni halakna sian ganop horong na mulak sian habuangan:

ESRA 3:8

Jadi di bulan dua, di taon paduahon dung mulak halak Israel mangulahi tu Jerusalem, dipungka halahi ma mambangun Bagas Ni Tuhan mangulahi. Dohot do markarejo si Zerubabel, si Josua dohot angka dongan ni halahi sabangso, angka malim, halak Levi, pendekna sude halak na tarbuang i hian. Angka halak Levi na marumur dua pulu taon tu ginjang, i ma ditontuhon laho manguluhon parkarejoan di na mambangun Bagas Ni Tuhan i.

ESRA 5:2

Umbege tona ni panurirang na dua i, manigor dipungka si Zerubabel anak ni si Sealtiel ma dohot si Josua anak ni si Zosadak mangulahi mambangun Bagas Ni Tuhan na di Jerusalem, diurupi panurirang sidua halak i.

NEHEMIA 12:1

Angka on ma malim dohot halak Levi na mulak sian habuangan rap dohot si Zerubabel anak ni si Sealtiel dohot Malim Godang Jesua, si Seraya, si Jeremia, si Esra.

NEHEMIA 12:8

Angka halak Levi: Angka pamimpin ni ende tarimakasi: Si Jesua, si Binui, si Kadmiel, si Serebia, si Juda dohot si Matania.

MASMUR 78:68

Marga Juda do na nipulditNia, dohot Dolok Sion na nihasianNia.

HARURUAR 27:1

“Baen ma sada langgatan sian hayu akasia. Angkon marsogi opat do i baenonmu tohangna 2,2 meter jana unjurna 2,2 meter. Gincatna 1,3 meter.

HAGAI 1:1

Di taon paduahon dung bangkit Raja Darius, di ari parjolo di bulan paonomkon, ro ma hata ni Tuhan marhite Panurirang Hagai. Tu si Zerubabel, anak ni si Sealtiel pangarajai di Juda, dohot tu Malim Godang Josua anak ni si Josadak, na mandok,

HAGAI 1:12

Dung i ditangihon si Zerubabel, anak ni si Sealtiel dohot Malim Godang Josua, anak ni si Josadak maradu sude halak Israel ma sora ni Tuhan Debata ni halahi, ditangihon muse dohot hata ni Panurirang Hagai, hombar tu sora ni Tuhan Debata ni halahi tusia, jadi mabiar ma bangso i maradopkon Tuhan.

HAGAI 1:14

Jadi disungguli Tuhan ma tondi ni si Zerubabel, anak ni si Sealtiel pangarajai ni Juda dohot tondi ni Malim Godang Josua, anak ni si Josadak maradu sude tondi ni bangso i, gabe marroan ma halahi mangaradoti karejo di bagas ni Tuhan Na Markuaso, Debata ni halahi i.

HAGAI 2:21

songon on, “Dokkon ma tu si Zerubabel bupati ni Juda songon on, ‘HuturonKu ma langit dohot tano,’

HAGAI 2:23

Di ari i, ale Zerubabel, naposongKu, angkatonKu ma ho laho mamarenta markite-hite goarKu. Angke ho do na Hupili.” Madung didok Tuhan Na Markuaso i songon i.

ZAKARIA 3:1

Di bagasan parnidaan na asing muse, dipataridahon Tuhan ma tu au Malim Godang Josua na topet jongjong di jolo ni Surusuruan Ni Tuhan. Jongjong do di lambungnia Sibolis na dung hobas laho manuhas ia.

ZAKARIA 3:8

Tangihon ma, ale Malim Godang Josua, dohot hamu ale angka malim na asing, hamu ma da na songon gambaran ni hatiha hasonangan na giot ro. PatidahononKu ma di hatiha i naposongKu i ma Sada Tunas.

ZAKARIA 6:11

Baen ma sada tuku sian sere dohot perak na nihaulkon ni halahi i jana papakehon ma i tu ulu ni Malim Godang Josua anak ni si Josadak.

BILANGAN 28:2

“Parentahon ma tu bangso Israel, anso tongtong diingot halahi manghaulkon haul sipanganon na pajob roha ni Tuhan, hombar tu hatiha na dung ditontuhon.”

LUKAS 3:27

anak ni si Johanan, anak ni si Resa, anak ni si Zerubabel, anak ni si Sealtiel, anak ni si Neri,

HAKIM-HAKIM 6:24

Lalu dipajongjong si Gideon ma disi sada langgatan jana digoari ia ma i, “Tuhan do mual ni hasonangan.” Laing adong dope langgatan i di Ofra, i ma kota ni halak Abieser.