ESRA 3:13 - BIBEL JAMITA NA DENGGAN

¹³ jadi gabe nada habotoan be antara ni sora ni na marmoga-moga dohot na tangis. Hara ni gogona jabat do tarbege tu na dao.

ESRA 3:13 ပူးပေါင်းရင်းမြစ်များ

1 RAJA-RAJA 1:40

Dung i diudurkon halahi ma ia mulak mardongan surak-surak jana mamalu suling pola songon na humutur tano i hara ni riburna.

1 RAJA-RAJA 1:45

Madung diojakkon si Zadok dohot si Natan ia di mual ni Batang aek Gihon. Dung songon i masuk ma halahi tu kota, lalu marsurak-surak ribur situtu. Sude do kota i gaor. I ma da hariburon na nibegemunu nangkin.

ESRA 3:12

Bahat dope sian tonga-tonga ni angka malim, angka halak Levi dohot angka kapala ni horong-horong i na dung matobang situtu na sanga marnida Bagas Ni Tuhan najolo i. Tangis ma halahi gogo di na niida ni halahi dipayakkon pondasi ni Bagas Ni Tuhan i. Tapi anggo halak na deba nari na dohot disi, marsurak-surak do marmoga-moga,

ESRA 4:1

Tarbege do tu musu ni halak Juda dohot Benyamin barita bahaso na mambangun angka halak na tarbuang i hian, i ma Bagas Ni Tuhan, Debata ni Israel.

NEHEMIA 12:43

Di ari i bahat do haul na dihaulkon tu Tuhan. Marmoga-moga ma rayat i dibaen madung marjop ni roha halahi dibaen Debata. Angka dadaboru pe dohot dakdanak dohot do marpesta, jabat do habegean sora ni halahi na marmoga-moga i tu na dao.

MASMUR 5:11

Marjop ni roha ma sanga ise na marlinggom tu Ho, mardongan jop ni roha marende-ende sai na tarbaen halahi do! Diramoti Ho do halak na manghaholongi Ho, sai marjop ni roha halahi hara ni Ho.

JEREMIA 33:11

Tapi habegean ma mangulahi di angka inganan i sora ni jop ni roha dohot hamogaan maradu sora ni na haroan boru. Tarbege muse ma ende ni halak na maroban haul hatarimakasion tu bagasKu. Dokkonon ni halahi ma, ‘Mandok tarimakasi ma tu Tuhan Na Markuaso i, angke na burju do Ia jana hot do holong ni rohaNa i.’ Sonang ma baenonKu luat on songon di mulana. Au Tuhan, madung mandok songon i.”

JEREMIA 50:4

Didok Tuhan ma, “Anggo di hatiha i marroan ma halak Israel dohot Juda mardongan tangis manjalahi Au, Debata ni halahi.

ZAKARIA 4:7

Ise do ho, ale dolok na godang? Angkon gabe tano napa ho anggo maradopkon si Zerubabel. Payakkononmu ma batu parsuhi mardongan surak-surak mandok, ‘Jeges! Jegesna i antong batu i!’ ”

HAKIM-HAKIM 2:5

I ma dalanna umbaen na digoari inganan i Bokim. Gabe dipasahat angka halak Israel i ma di inganan i haul tu Tuhan.

1 SAMUEL 4:5

Dung lalu Poti Parjanjian i di parbandaran i, marsurak ma halak Israel maradu gogo jabat humutur tano i.