ESRA 3:11 - BIBEL JAMITA NA DENGGAN

¹¹ Diendehon rayat i ma puji-pujian di Tuhan, diulak-ulahi ma bagian na parpudi i, songon on ma sorana, “Na burju do Tuhan i; jana hot do sapanjangna holong ni rohaNia tu Israel.” Marsurak ma sude rayat i dohot mamuji Tuhan, hara ni na dung dipayakkon pondasi ni Bagas Ni Tuhan.

ESRA 3:11 ပူးပေါင်းရင်းမြစ်များ

1 JUJUR TAON 16:34

Lehen ma tu Tuhan tarimakasi. Angke na denggan rohaNia, jana nada tarsuhat holongNia.

1 JUJUR TAON 16:41

Disi muse do si Heman dohot si Jedutun bope angka na deba nari mangurupi Malim Zadok dohot angka malim na deba nari laho mangendehon: “Puji-pujian ma di Tuhan, hara ni holong ni rohaNa na so mantak i.”

2 JUJUR TAON 7:3

Di na niida ni rayat ni Israel i mijur api sian langit dohot sinondang ni haroro ni Tuhan manggohi Bagas Ni Tuhan i, manungkap ma halahi tu lante i lalu marsomba dohot mamuji Debata, hara ni dengganNia dohot holong ni rohaNia na manongtong i sapanjangna.

NEHEMIA 12:24

Dibagi-bagi do halak Levi marrombongan-rombongan, i ma na nipimpin ni si Hasabia, si Serebia, si Jesua, si Binui dohot si Kadmiel. Ganop mamuji Tuhan, dua rombongan ma na markarejo dohot na pasahat tarimakasi tuSia marsibalos-balosan, songon na niaturkon ni Raja Daud, naposo ni Debata i.

NEHEMIA 12:40

Jadi lalu ma parende na dua rombongan i di lambung ni Bagas Ni Tuhan. Tamba ni angka pamimpin na di rombonganki,

MASMUR 100:5

Dibaen na denggan do Tuhan i jana tongtong manghaholongi sapanjangna do habonaranNia.

MASMUR 103:17

Tapi laing holong do roha ni Tuhan mida na sai porsaya, marsundut-sundut do mardalan hadenggananNa,

MASMUR 106:1

Mandok tarimakasi ma tu Tuhan, angke burju do Ia; hot do manongtong holong ni rohaNia.

MASMUR 107:1

“Mandok tarimakasi ma hamu tu Tuhan angke na burju do Ia, hot do holong ni rohaNia salolot-lolotna.”

MASMUR 118:1

Dok ma tarimakasi tu Tuhan angke na denggan do Ia, sai hot do manongtong holong ni rohaNia.

MASMUR 131:1

Nada ginjang rohangku ale Tuhan nada gakgak muse au. Nada hulojai diringku dohot angka pangalaho na godang sanga dohot angka parkaro na borat.

MASMUR 135:3

Puji ma Tuhan, angke na denggan do Ia, puji ma goarNia, dibaen na basa do rohaNia.

MASMUR 47:1

Martopapi ma hamu marjop ni roha, hamu angka bangso sudena! Puji hamu ma Debata mardongan surak-surak!

MASMUR 47:5

Madung dipanaek Debata habangsaNia, mardongan surak-surak dohot sora ni sarune.

HARURUAR 15:21

Marende ma si Miryam di halahi, “Marende ma di Tuhan, dibaen tarlobi do hamonanganNia kudo dohot na manenggetsa diambungkon Ia tu bagasan laut.”

JESAYA 12:6

Suruhon ma sude halak na maringanan di Sion, marsurak jana marende marjop ni roha. Na marmulia situtu do Debata Na Badia ni Israel, maringanan di tonga-tonga ni bangsoNia do Ia.”

JESAYA 44:23

O langit, marende ma ho, angke madung martindak Tuhan, o butuha ni portibi, marsurak-surak ma. Dolok dohot hayu-hayu di harangan, marsurak ma marmoga-moga, pasangap ma Tuhan na manobus Israel, bangsoNia.

JESAYA 6:3

Marsipioan ma halahi: “Na badia, na badia, na badia ma da Tuhan Na Markuaso i. Digohi hamuliaonNia do portibi on.”

JEREMIA 33:11

Tapi habegean ma mangulahi di angka inganan i sora ni jop ni roha dohot hamogaan maradu sora ni na haroan boru. Tarbege muse ma ende ni halak na maroban haul hatarimakasion tu bagasKu. Dokkonon ni halahi ma, ‘Mandok tarimakasi ma tu Tuhan Na Markuaso i, angke na burju do Ia jana hot do holong ni rohaNa i.’ Sonang ma baenonKu luat on songon di mulana. Au Tuhan, madung mandok songon i.”

HAGAI 2:3

“Adong dope ulaning sian hamu na marningot sanga songon dia parjagar ni BagasKon na salpu i? Saonnari bia do pangalahona mangihutkon pandapotmunu? Inda he dao do sian puas ni pangkilalaan?

ZAKARIA 4:7

Ise do ho, ale dolok na godang? Angkon gabe tano napa ho anggo maradopkon si Zerubabel. Payakkononmu ma batu parsuhi mardongan surak-surak mandok, ‘Jeges! Jegesna i antong batu i!’ ”

ZAKARIA 9:9

Ale boru Sion, marjop ni roha ma ho! Marolop-olop ma hamu ale pangisi ni Jerusalem! Ligi ma! Ro rajamu mardongan hamonangan! Raja na tigor do Ia na maroban haluaan. Na serep roha do Ia, jana mangalombut halode, sada halode jara-jara.

LUKAS 1:50

Sian sundut tu sundut do holong ni rohaNia maradopkon halak na mabiar tuSia.

JOSUA 6:10

Madung jolo diparentahon sude parangan i na so tola marsurak jana sahata pe nada tola dokkononna salolot so dilehen si Josua parentana.

JOSUA 6:16

Di na papitu nolihon i, disi dipalu angka malim sarunena i, dibaen si Josua ma parentana tu sude parangan i anso marsurak. Didok si Josua ma, “Madung dipasahat Tuhan kota on tu hamu!

JOSUA 6:5

Dung i angkon paluon ni angka malim i ma sarune i ginjang sorana. Disi dibege hamu sora na ginjang i, angkon marsurak ma gogo sude halaklahi, jadi gabe matolbak ma tembok ni kota i. Jadi angkon manigor masuk ma sude tentara i tu kota i.”