ESRA 3:10 - BIBEL JAMITA NA DENGGAN

¹⁰ Di na mamungka mamayakkon pondasi ni Bagas Ni Tuhan i angka parkarejo bangunan i, marpakean juba ma angka malim jana jongjong ma halahi di inganan na ditontuhon maniop sarune. Laing disi muse ma jongjong halak Levi na sian horong Asap maniop angka doal na menek-menek. Dipuji-puji halahi ma Tuhan hombar tu aturan na dung ditotopkon mamungka sian hatiha ni Raja Daud.

ESRA 3:10 ပူးပေါင်းရင်းမြစ်များ

1 JUJUR TAON 15:27

Dipake si Daud ma disi baju juba na sian abit linen, songon i dohot angka parmusik bope si Kenanya pamimpin ni halahi i rap dohot halak Levi na maroban Poti Parjanjian i. Laing dipake si Daud muse do baju Efod.

1 JUJUR TAON 16:37

Dung i ditugaskon Raja Daud ma si Asap dohot deba nari halak Levi anso torus diurus halahi angka na porlu, domu tu karejo ibadat, di bandar inganan panyimpanan ni Poti Parjanjian ni Tuhan. Angkon markarejo halahi disi ganop ari,

1 JUJUR TAON 16:42

Laing si Heman muse do dohot si Jedutun dibaen mangurus sarune, simbal dohot alat musik na asing laho pariburkon angka ende puji-pujian. Angka dongan sahorong ni si Jedutun na deba nari, markarejo ma i laho manjago pintu horbangan.

1 JUJUR TAON 23:5

opat ribu halak maniop tugas mangawal, jana opat ribu halak nari mamuji Tuhan mardongan musik na diparade hian.

2 JUJUR TAON 35:14

Dung salpu i baru ma anso diparade halak Levi na di halahi sandiri dohot na di angka malim pomparan ni si Harun. Harana, torus do anggo malim markarejo lopus borngin manghaulkon angka haul i.

2 JUJUR TAON 35:15

Anggo angka parmusik na sian horong ni si Asap na di Marga Levi i di inganan parkarejoanna do halahi, i ma na dung ditontuhon ni Raja Daud di halahi. Angka on ma goar ni halahi: Si Asap, si Heman dohot si Jedutun, sada halak na markarejo di raja i. Angka pangawal ni pintu-pintu horbangan nada porlu manadingkon ingananna, harana bolas do halahi mamestahon Paskah i di inganan ni halahi markarejo marhite bantuan ni angka halak Levi na deba nari.

ESRA 5:16

Jadi ro ma si Sesbasar tu Jerusalem jana dipayakkon ia ma pondasi ni Bagas Ni Tuhan i. Mamungka sian hatiha i, torus ma mardalan pambangunan i lopus saonnari, tapi laing so marnasidung dope.’

MASMUR 150:5

Puji ma Ia mardongan doal na doring, puji ma Ia mardongan simbal na mardarang.

HAGAI 2:15

Didok Tuhan ma, “Cubo hamu ma pamanat hamu na masa di hamu saonnari! Taran so mamungka dope padenggankon BagasKon,

ZAKARIA 4:6

Disuru surusuruan i ma au palaluhon tu si Zerubabel tona ni Tuhan songon on, “Nada markite-hite gogo ni parangan jana nada muse marhite hagogoonmu sandiri gabe manjadi karejomu, tapi marhite tondingKu do ninna Tuhan Na Markuaso.

ZAKARIA 4:7

Ise do ho, ale dolok na godang? Angkon gabe tano napa ho anggo maradopkon si Zerubabel. Payakkononmu ma batu parsuhi mardongan surak-surak mandok, ‘Jeges! Jegesna i antong batu i!’ ”

ZAKARIA 6:12

Palalu tusia na Hudok, Au Tuhan Na Markuaso mandok tusia, ‘Halak na margoar Tumbur i manjadi do karejonia sanga na di dia pe inganannia jana paulionnia ma mangulahi Bagas Ni Tuhan.

ZAKARIA 7:3

Laing disuru do halahi marsapa tu angka malim dohot panurirang, songon on, “Angkon tangis dope he hami jana puaso ganop di bulan palimahon songon na dung hami dalankon martaon-taon honokna?”

1 SAMUEL 22:18

Jadi gabe didok si Saul ma tu si Doeg, “Aha dope, ho sajo ma mamunu halahi!” Jadi ro ma si Doeg lalu dibunu ia ma angka malim i. Di na sadari i dimatehon ia ma salapan pulu lima halak malim na marhak maroban Efod.